韓食家 (已結業)

在荃灣睇完戲，就在附近揾嘢食，因有時都會去葵芳韓食家食飯，覺得不錯，所以就試下荃灣這分店。一看餐牌，覺得同葵芳不同，葵芳那間轉套餐只是加幾元，但這裏就要加$30元，不過就包湯，三色前菜及特飲，葵芳那間就包湯，三色前菜及汽水。我們點了我們的至愛香辣海鮮年糕湯麵，另外叫了新嘗試芝士雞肉石頭窩飯，兩個都加錢轉套餐。當前菜上碟，我發現只得兩色，便問侍應，他回答說今天全日都冇泡菜，有冇攪錯，冇泡菜怎算是韓餐，最重要是我老公最鍾意食泡菜而我又唔鍾意食芽菜海鮮麵上碟時用膠碗上不是用石窩(葵芳店用石窩的)，雖然味道差不多，但感覺怪怪的。而芝士雞肉飯又太多芝士，太油膩了。希望下次若沒有泡菜，請在攞位時講明，好讓食客有選擇，要不要再進餐