家家泰國菜館 (已結業)

呢一間泰國菜我不嬲都好鍾意食嘅，所以今日呢又嚟到呢度食佢嘅午餐啦！我平時最鍾意食嘅就係佢嘅無骨豬手飯，因為呢佢唔單止好足料，佢嘅味道醬汁我都好鍾意，最好呢就係食豬手唔使食骨，方便又好味，啖啖肉！今次呢就推介左友人食呢一個無骨豬手飯，佢都話真係好好食！因為呢我實在食咗太多次無骨豬手飯啊，所以呢今次我就試咗個冬陰功湯可，呢一間餐廳嘅冬陰功湯河味道呢都非常之唔錯，酸酸辣辣咁樣，非常之開胃！而我最欣賞嘅呢就係佢午市套餐係免費跟特飲嘅，有唔同嘅特飲揀我今次呢就揀咗青檸梳打，呢一個價錢配埋嘢飲我覺得真係算係唔錯㗎啦！