0
1
2
等級1
1
0
2022-02-22 283 瀏覽
我一向都好欣賞俺流塩,佢地嘅拉麵一直都保持良好嘅質素,但係最近嘅一次服務令我大為失望。 當日,我滿心期待咁order咗一碗辛辣熟成濃湯拉麵,軟硬度剔咗硬。第一口,我飲咗啖湯,尚算正常,保持一貫水準。但係當我開始食麵,惡夢就開始了!未食之前,我預期會係一碗熱騰騰,彈牙嘅拉麵,為依個寒冬帶黎一點暖意。但係正所謂「希望越大,失望越大」,我一口吸入大量嘅麵,點知係同幻想中嘅質感完全相反,麵條唔單止唔彈牙,更加係痴牙,就好似咀嚼緊泥膠一樣。當下,我感到嘅係嘔心。你想像下食一碗麵糊般嘅條狀物體係幾難受嘅一件事。隨即,我同侍應提出問題,而對方最後亦願意重新整一碗比我,但係第二碗情況亦無改善。我相信係佢地依批拉麵嘅問題,因此再叫佢地整過亦無補於事,所以我毅然離開。唔知道是次情況係分店問題定係俺流塩已經大不如前,不過我短期內都唔會再光顧。其實,一碗麵話平唔平話貴唔貴,但係我知道當日嘅質素完全辜負咗個價錢。我相信飲食業係一個對人嘅服務,如果當日發現到來貨有問題,佢地應該果斷停止出售,而唔係得過且過。一個品牌信譽係靠多年嘅服務累積,但係崩壞只需一剎。我希望俺流塩會正視問題,亡羊補牢。身為舊常客嘅我都希望可以
更多
我一向都好欣賞俺流塩,佢地嘅拉麵一直都保持良好嘅質素,但係最近嘅一次服務令我大為失望。 當日,我滿心期待咁order咗一碗辛辣熟成濃湯拉麵,軟硬度剔咗硬。第一口,我飲咗啖湯,尚算正常,保持一貫水準。但係當我開始食麵,惡夢就開始了!未食之前,我預期會係一碗熱騰騰,彈牙嘅拉麵,為依個寒冬帶黎一點暖意。但係正所謂「希望越大,失望越大」,我一口吸入大量嘅麵,點知係同幻想中嘅質感完全相反,麵條唔單止唔彈牙,更加係痴牙,就好似咀嚼緊泥膠一樣。當下,我感到嘅係嘔心。你想像下食一碗麵糊般嘅條狀物體係幾難受嘅一件事。

隨即,我同侍應提出問題,而對方最後亦願意重新整一碗比我,但係第二碗情況亦無改善。我相信係佢地依批拉麵嘅問題,因此再叫佢地整過亦無補於事,所以我毅然離開。

唔知道是次情況係分店問題定係俺流塩已經大不如前,不過我短期內都唔會再光顧。其實,一碗麵話平唔平話貴唔貴,但係我知道當日嘅質素完全辜負咗個價錢。我相信飲食業係一個對人嘅服務,如果當日發現到來貨有問題,佢地應該果斷停止出售,而唔係得過且過。一個品牌信譽係靠多年嘅服務累積,但係崩壞只需一剎。我希望俺流塩會正視問題,亡羊補牢。身為舊常客嘅我都希望可以再次大口大口咁食你地嘅拉麵。
11 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2022-02-12
用餐途徑
堂食
人均消費
$80