影片
以上資料只供參考, 請與餐廳確認詳情
店員見到揮手都唔過嚟，仲要同第二個細聲講大聲笑都算，入兩三次單都入錯，送野過黎仲要大大力放，唔講以為自己做錯嘢😊，本身嗌咗一碗諗住加多碗，點知幫我加咗餃子，之後同佢修正返就喺度發晒脾氣，點知佢淨係幫我取消咗份餃子冇幫我加返碗麵，跟住我再同佢講，點知佢幫我加多左兩碗麵，真係唔知係佢蠢定係懶，但係食物質素係OK嘅，店員就真係垃圾，俾我請到啲咁嘅人真係唔知上一世做錯啲乜嘢。咁嘅服務態度仲要收我服務費💁🏻♀️
繼續閱讀
星期六返工冇帶飯 唯有係街揾嘢食 但係勢估唔到原來香港真係咁多人有乜解救間間都排滿晒隊 唯一而家發現有間冇人排可以即刻入座❣️ 俺流熟成濃湯拉麵 $64通常去啲未試過嘅拉麵舖 最穩陣都係叫豚骨湯底 味道有冇想像中咁差 唔係好明點解冇人等定係可能真係返枱速度太快叉燒有兩舊 都唔算好薄 食識落吸晒湯好鮮味 佢嗰隻豚骨唔係平時好濃郁嗰啲 連埋啲柚子皮一齊食 即使飲咗好多湯都唔覺油膩今次麵嘅硬度揀咗偏硬 唔算煮得好淋口感滿意 蔬菜亦都比其他拉麵舖多 忽然覺得自己今餐食得幾健康
繼續閱讀
湯底算好小小，不過唔算係濃湯，其他野同屋企煮既即食拉麵差唔多，叉燒肉質味道普通，麵有重簡水味，價錢適中。唔難食但唔算特別好食。店員有禮，但服務店員制服很港式，沒有日本風格。當係肚餓去普通食個麵ok既。
繼續閱讀
我一向都好欣賞俺流塩，佢地嘅拉麵一直都保持良好嘅質素，但係最近嘅一次服務令我大為失望。 當日，我滿心期待咁order咗一碗辛辣熟成濃湯拉麵，軟硬度剔咗硬。第一口，我飲咗啖湯，尚算正常，保持一貫水準。但係當我開始食麵，惡夢就開始了！未食之前，我預期會係一碗熱騰騰，彈牙嘅拉麵，為依個寒冬帶黎一點暖意。但係正所謂「希望越大，失望越大」，我一口吸入大量嘅麵，點知係同幻想中嘅質感完全相反，麵條唔單止唔彈牙，更加係痴牙，就好似咀嚼緊泥膠一樣。當下，我感到嘅係嘔心。你想像下食一碗麵糊般嘅條狀物體係幾難受嘅一件事。隨即，我同侍應提出問題，而對方最後亦願意重新整一碗比我，但係第二碗情況亦無改善。我相信係佢地依批拉麵嘅問題，因此再叫佢地整過亦無補於事，所以我毅然離開。唔知道是次情況係分店問題定係俺流塩已經大不如前，不過我短期內都唔會再光顧。其實，一碗麵話平唔平話貴唔貴，但係我知道當日嘅質素完全辜負咗個價錢。我相信飲食業係一個對人嘅服務，如果當日發現到來貨有問題，佢地應該果斷停止出售，而唔係得過且過。一個品牌信譽係靠多年嘅服務累積，但係崩壞只需一剎。我希望俺流塩會正視問題，亡羊補牢。身為舊常客嘅我都希望可以再次大口大口咁食你地嘅拉麵。
繼續閱讀