更多
2015-04-19
870 瀏覽
預祝同事新居入伙，book左係佢舊居附近嘅一間餐廳，真係少入黎大埔，原來有咁好情調又有質素嘅抵食西餐廳。睇左餐牌，計下條數，個四人晚餐set好抵食，兩個頭盤，三個主菜，包餐湯，餐飲同甜品都係598，我地四個女仔實夠食有餘，唔使諗咁多，就拍板叫呢個！每張枱上都有個小小嘅蠟燭臺，好靚靚。友人遲到，叫住飲品飲住等，叫左粉紅懶人(前)同果汁千層(後)。粉紅懶人有奶，蜜糖，士多啤梨同橙汁打成，甜甜酸酸，又有少少似乳酪，好好飲。果汁千層有橙，菠蘿，西柚，紅莓，檸檬汁打成，味道有層次，像是混合果汁嘅味。黑松露忌廉湯淡淡嘅黑松露香，忌廉湯不太稀亦不過傑剛剛好，配上半條麵包條點著吃，唔錯。芝士乳酪薯條滆哂嘅芝士加上煙肉乾灑係熱辣辣嘅薯條上面，又點會唔好食？！不過一定要襯熱食，凍左芝士會硬，將啲薯條黏埋一齊。雞翼併盤 (柚子，水牛城，蜜糖)柚子同蜜糖都好甜，水牛則微辣，旁邊仲有沙律醬同芝士醬點，味道唔錯，一盤有九隻之多，夠哂大家分著吃。火焰鐵板烤雞嘩嘩！！好型呀，係你面前點火架，聞到好香嘅烤雞味。燒完，店員會問使唔使分，咁梗係好啦，切開一件件易食啲吖嘛。成隻雞，仲有薯角，翠玉瓜伴碟，仲有燒汁過沙律醬。雞少
睇左餐牌，計下條數，個四人晚餐set好抵食，兩個頭盤，三個主菜，包餐湯，餐飲同甜品都係598，我地四個女仔實夠食有餘，唔使諗咁多，就拍板叫呢個！
每張枱上都有個小小嘅蠟燭臺，好靚靚。
友人遲到，叫住飲品飲住等，叫左粉紅懶人(前)同果汁千層(後)。粉紅懶人有奶，蜜糖，士多啤梨同橙汁打成，甜甜酸酸，又有少少似乳酪，好好飲。
果汁千層有橙，菠蘿，西柚，紅莓，檸檬汁打成，味道有層次，像是混合果汁嘅味。
黑松露忌廉湯淡淡嘅黑松露香，忌廉湯不太稀亦不過傑剛剛好，配上半條麵包條點著吃，唔錯。
芝士乳酪薯條滆哂嘅芝士加上煙肉乾灑係熱辣辣嘅薯條上面，又點會唔好食？！不過一定要襯熱食，凍左芝士會硬，將啲薯條黏埋一齊。
雞翼併盤 (柚子，水牛城，蜜糖)柚子同蜜糖都好甜，水牛則微辣，旁邊仲有沙律醬同芝士醬點，味道唔錯，一盤有九隻之多，夠哂大家分著吃。
火焰鐵板烤雞嘩嘩！！好型呀，係你面前點火架，聞到好香嘅烤雞味。
燒完，店員會問使唔使分，咁梗係好啦，切開一件件易食啲吖嘛。成隻雞，仲有薯角，翠玉瓜伴碟，仲有燒汁過沙律醬。雞少少鹹，肉嫩，皮燒得十分香脆，皮下一啲肥膏都無，食哂啲皮都唔會有罪惡感呀！
蕃茄海鮮意粉有蝦，青口，魚柳等，配上蕃茄容打成嘅蕃茄醬，清新鮮甜，意粉軟硬剛好有口感，唔錯唔錯，唯凍左後有少少腥，又係要襯熱ko佢。
鮮鴨胸野菌意大利飯個人十分喜歡意大利飯，每次必點之選。啖啖鴨肉同雜菌，加埋包滿忌廉汁嘅飯，口感丰富又唔會膩，好味。
特式雪糕泡芙本來想叫炒雪糕，但店員話無啦，問我地要唔要雪糕泡芙，都好吖，都有雪糕啫。泡芙軟身，配上曲奇味雪糕，甜甜凍凍幾好味噃。
鐵板冰火朱古力軟餅招牌甜品點都要試，店員送上後先落朱古力醬，個鐵板即時發出咋咋聲，朱古力香味即刻出哂黎，熱辣辣嘅朱古力蛋糕同醬，加上凍凍嘅雪糕，果然係冰火呀，口感十足！
飲飽食醉，吹下水，好滿足呀！！
張貼
