壹加一手抓餅專門店 (已結業)

喺旺中行街經過見到呢間主打手抓餅嘅小店, 價錢非常親民, 加$10仲可以加杯飲品, 即刻試試先！✔可以自行選擇醬料, 包括有蜂蜜芥末醬、甜醬、香辣醬、奧爾良醬等等, 而調味粉就有海苔味、芝士味🧀、奶酪洋蔥味🧅、奶油蒜香味、七味粉, 仲有一系列嘅配料可以追加, 例如有肉鬆、泡菜、培根🥓、漢堡扒等等, 款式超多！🌯香蔥手抓餅 即叫即製, 拎上手時熱辣辣！本身有雞蛋 🍳 同生菜🥬, 另外再加咗煙鴨胸, 醬汁揀咗蜂蜜芥末醬、海苔粉。香蔥手抓餅煎至金黃酥脆, 內層柔軟, 層次分明, 煙鴨胸好香嫩, 加上香蔥香氣, 成個味道好夾！🌯原味手抓餅 配搭奧爾良醬、海苔粉, 食落好 juicy, 生菜加添口感, 估唔到配埋漢堡扒都幾夾！奧爾良醬味道似燒烤醬汁, 層次豐富！🥢鹽酥雞、鹽酥杏鮑菇即叫即炸好香！外皮脆卜卜！🥤桂花酸梅湯 個包裝好特別, 飲唔晒可以”zip”起佢拎走慢慢飲！酸甜可口, 仲有去油解膩作用～