影片
更多
2011-04-17
10 瀏覽
日(17-4-2011 Sun)朝o係男友北角家起身後,就拿拿淋由佢帶路搵呢間o野食,好快,我o地就搵到喇,但真係要小心睇,一不留神真係行過o左.可能已經唔早,所以唔係咁多人,我o地坐低後,決定樣樣都叫.1. 先o黎每隻$2.50o既鍋貼四隻嘩!個底好夠燶,上面都有微焦,似係我細個時食到o個種鍋貼,食喇食喇,熱騰騰,豬肉餡多,我重唔覺食到’咇’o左啲肉汁出o黎,真係好多汁o架.呢個就係我細個時食o個種,同上次o係皇之家大姊小籠包食o既真係好大分別.食評: http://www.openrice.com/restaurant/commentdetail.htm?commentid=2160419一於買啲返屋企畀爸爸食,因為佢都好鍾意食燶鍋貼,不過我買生o既返去自己煎.味道: 5分2. $3.50o既生煎豬肉包呢個size唔係好大個,直徑同一個插蘇差唔多啦,男友食o左一半畀我.呢個個底同樣係煎燶,豬肉餡唔太多,皮厚o左啲,感覺冇咁好.味道: .3.3分3. $3.50o既生煎牛肉包呢個比豬肉包大隻啲,而且底面都有煎過,皮唔厚,餡就自然多啲.但我食到餡有啲豬油膏味,牛肉味唔係好食得出.味道:
可能已經唔早,所以唔係咁多人,我o地坐低後,決定樣樣都叫.
1. 先o黎每隻$2.50o既鍋貼四隻
嘩!個底好夠燶,上面都有微焦,似係我細個時食到o個種鍋貼,食喇食喇,熱騰騰,豬肉餡多,我重唔覺食到’咇’o左啲肉汁出o黎,真係好多汁o架.呢個就係我細個時食o個種,同上次o係皇之家大姊小籠包食o既真係好大分別.
食評: http://www.openrice.com/restaurant/commentdetail.htm?commentid=2160419
一於買啲返屋企畀爸爸食,因為佢都好鍾意食燶鍋貼,不過我買生o既返去自己煎.
味道: 5分
2. $3.50o既生煎豬肉包
呢個size唔係好大個,直徑同一個插蘇差唔多啦,男友食o左一半畀我.呢個個底同樣係煎燶,豬肉餡唔太多,皮厚o左啲,感覺冇咁好.
味道: .3.3分
3. $3.50o既生煎牛肉包
呢個比豬肉包大隻啲,而且底面都有煎過,皮唔厚,餡就自然多啲.但我食到餡有啲豬油膏味,牛肉味唔係好食得出.
味道: 3.5分
4. $5.00一碟兩件o既煎釀豆腐
呢個煎到皮有啲啲脆,豬肉餡其實唔多,只係一層好薄好薄.食落,黐線o架,豆味使唔使咁重?頁腐使唔使咁滑?開頭男友食o左話好滑,唔使叫豆腐花我都唔信,原來係真,一啲都唔誇張.我重加糖o黎食添.
味道: 5分
5. 每杯$5.00o既凍豆漿兩杯
好,食o左咁多o野,要飲o野喇,唔大杯o既豆漿甜o左少少,但都仍飲得出豆味.
味道: 4.7分
6. 每碗$7.00o既細凍豆腐花兩碗
我問男友重食唔食到?佢答食到.咁我o地就一人一碗.
我覺得清澈o既糖水唔夠甜,但男友覺得夠,我又加啲蔗糖食,豆腐花一樣咁滑,但豆味淡啲,可能係凍食所以淡啲吧.
味道: 4.5分
夜晚,我o係雪櫃攞盒生鍋貼
出o黎爸爸自已煎,煎好o左又試,
肉汁仍keep到o係入面o架,勁!服務:
我o地唔係一次過叫o野食,係分o左幾次,佢o地都唔嫌煩.
埋單後,我問可唔可以買生鍋貼拎走,店員答可以,我重請教佢煎o既竅門,佢都詳細教我,好窩心啊.同樣係出名食肆,但任何一個店員都明顯但好過阿鴻小吃o既老闆娘.
價錢:
唔計拎走o既生鍋貼合共$46.00,覺得有啲貴,但真係冇辦法,物價上漲,要怪只怪我o地唔知道呢間名物,可以o係通漲前o黎食.
不過見到有個幾十歲o既婆婆做樓面,都值得支持o既.
其他:
同樣,好遺憾尋晚唔記得帶相機出o黎,呢o度除o左食物外,老店模樣同友善o既店員都好值得留下o架.
*呢個食評只計今朝同男友食o既早餐.
張貼
