南小館 (已結業)

今日同屋企人去親戚屋企拜年，上去前先去食午餐，我地一行六人（三大三小）去左南小館食。我地叫左個小食拼盤，入面有花雕雞，糖醋骨，涼拌木耳，四喜烤麩，四樣小食各有特色。另外我地叫左個酸辣湯，個湯比較酸，風沙小黃魚整得好香口，小朋友好鍾意食。除了普通小籠包之外，我地仲點左一客帶子小籠包，但個人鍾意普通小籠包，因為肉汁豐富d。擔擔麵除左辣之外，無咩花生味，叫左個芝麻蝦多士，阿仔非常喜歡最後加埋個甜品拼盤，有杧果布甸，南瓜團同蒟弱湯丸，杧果布甸味道不錯，另外兩款則一般。