今日朋友生日飯，揀咗呢間燒肉，入去時，門口同事介紹任食套餐時很詳細。一入到去坐低，有一盤不同既食物先上，跟住再掃code點餐，出面有不同飲品同小食、甜品可供選擇。佢既肉類很新鮮，同埋好多款式，仲有熱食，沙律，冷烏冬等等，本人極力推介炸榴連，即叫即炸，勁好味當燒左一陣，有位叫家樂既店長走過嚟，幫我地燒原隻魷魚，又教我地燒其他食物，佢燒既魷魚好好味，又唔乾又爽口。見我地燒蠔燒到癡晒底，又幫我地換過d新既蠔再教我地點燒先好味，而且就算過左時都唔會趕客人走，仲叫我地慢慢拎甜品食。今次食得好開心，下次會再去幫襯。

今日諗住仔女生日，帶佢地去食buffet,有好多間想訂既時候都無位，見到北角呢間有自家製雪糕，所以就決定佢。一去到，好多人喺門口排隊，要等到成11:56先開始比人入座，搞到入到去都12:15。入到去冷盤同熱食分開兩邊，冷盤有魚生，沙律，壽司，生果同甜品，魚生只有四款選擇，三文魚，希靈魚，吞拿魚同鱲魚。沙律最值得讚，因為有師傅即製既凱撒沙律同青木瓜沙律。熱盤有咖哩，燒味，粉麵，最好味既就係即燒豬腩肉，可以包埋生菜，落韓式辣醬。水果款式唔多，只有西瓜、菠蘿同火龍果，西瓜唔係太甜，菠蘿比西瓜更甜。甜品款式選擇多同埋樣貌精緻，雪糕係自家製，個人推仲奶茶味同薑味，不過負責雪糕既職員態度一般，最後去既時候仲掛住同其他人傾偈，只顧整自己野，客人等左成幾分鐘都無理，要客人叫先整，仲要好細球。

今日約咗朋友食午餐，行到附近見到一間好有日本feel的餐廳，立刻走入去試吓。入到去，因為午市時間所以只有午餐供應，本來想試吓天婦羅，但佢要晚市先有提供，但師傅都幫我哋整咗軟殼蟹沙律，跟住我同朋友試咗三色刺身飯，起身飯係午餐跟兩隻餃子同麵豉湯，魚生好新鮮。軟殼蟹沙律啲沙律菜好新鮮，軟殼蟹炸得好脆，加埋個醬好好味餐廳嘅座位好闊落，加埋啲日本嘅裝飾同埋裝修，好似去咗日本食嘢咁。下次要試下晚市過嚟食埋天婦羅同串燒。

同事介紹左我食呢間日本料理，因為好近我返學既地方、所以食飯時間約埋同學仔一齊去試下，高質素既日本料理，價錢亦都好高，但呢間質素好但價錢親民。我覺得日本料理要試好唔好食，最好就係試下魚生飯，叫左一個三文魚腩碎同刺身飯，我覺得佢既魚生好新鮮，而且份量亦夠大份，就算男士食都夠飽，而且刺身種類亦好多款。

諗住佢外賣有折好抵食，所以決定買外賣返去食，因為唔想食咁多，所以叫左芒果雞沙律，但返到屋企後發現變左燒雞肉芝士夾餅。食物賣相同味道唔差既，不過希望下次唔好錯單。

今日同朋友去左灣仔灣景廳食buffet,因為呢度食過幾之都有質素，所以都一直係支持者，仲要不定時更新主題，所以唔會次次都食相同既野。今次係蠔做主題，除左出邊有兩款蠔可以選擇，另外每位客人都有一份兩款蠔送返比客人。蠔非常新鮮，質素唔錯，其他海鮮都十分鮮味，刺身選擇比較少，仲有可樂、橙汁同咖啡可以任飲。另外限時會有鵝肝供應，熱盤選擇不多，但味道唔錯。甜品款式選擇很多，中式西式，雪糕也有6款選擇，對於鍾意食甜品既我，非常推介。用左oki book有折，晚餐人均消費都係$330，有人蠔同有質素晚buffet。

今日終於可以解除限聚令，我地一行九人去左九龍酒店食Lunch buffet,因朋友在網上先付款有折，平均一人$270左右。海鮮選擇很少，除了生蠔只有蟹腳同青口，魚生約有五個品種，都係一般款式，甜蝦同帶子都無。熟食款式唔多，只有幾款熱食如燒牛肉，紅燒火腿，菜和生滾粥，但無粉麵選擇。湯有一款中湯和一款西湯，甜品種類ok,有豆腐花，芝士蛋糕，芒果拿破倫，款式比較多，冷熱齊備。另外有咖啡檸茶無限供應，略嫌待應出食物比較慢，經常有盤沒有食物。

本身係牛角會員，見荃灣開左柳氏家幾特別，又有四人同行一人免費coupon,便同班姊妹去食晚飯。係門口已經落左order 100分鐘任食,我地叫左蜜糖味噌加柳氏雞雙拼，但坐左成10分鐘都未見有鐵板黎，遲過我地既都到左，便問待應，原來未落單，好彩係落單先開始計時。跟住黎左鐵板，個爐原來開到好細，d雞同其他野炒極唔熟，差不多半個鐘先有得食，蜜糖味ok,但柳氏雞略嫌有d咸，跟住加單，新既鐵板等左15分鐘先黎，好彩今次開大左個火，15分鐘有得食，但再轉打邊爐煱又係等好耐，搞到得返10分鐘食。

今日一行十人約食飯，因為好耐無見，所以就決定打邊爐，可以傾耐d,經朋友介紹book左滾得棧。去到，因未人齊但又肚餓，所以先叫左d前菜-炸蝦餅同脆皮咕嚕肉，雖然呢度係專食打邊爐，但其他熟食都唔錯，咕嚕肉下面仲有雲吞皮墊底，d雲吞皮入口即溶，好正。跟住叫湯底打邊爐，叫左一個鴦鍋，係麻辣同椰子湯底，另外叫左個蘆薈脆皮椰子雞鍋，食落去d雞皮好得意，真係好似脆脆地既感覺。我地又叫左蝦膠油炸鬼，墨膠油炸鬼同生炒糯米飯，糯米飯炒得粒粒分明又唔會硬，好味。打邊爐既材料好新鮮，丸類都係手打，海鮮好新鮮，自己個人唔食牛，侍應介紹左食牛肩脊肉，其他朋友話牛好好味。

估唔到觀塘都有咁好食既放題，CP值超高。佢除了一般放題有既刺身壽司，熱食之外，仲有爐端燒可以比你燒烤。呢度既好處係用ipad落單，唔駛等人黎收紙，而且店員服務態度好好，仲會過黎教你點燒同幫手。刺身大約十款左右,全部都好新鮮，壽司選擇亦有很多種類，生既熟既都有，細細件一啖一件，唔驚太飽食唔到其他，連平時比較少既左口魚壽司都有。飲品款式亦很多，除左一般汽水，啤酒，仲有提子酒，涼茶，鮮橙汁。爐端燒加一位$60有個海鮮拼盤，有燒蟹蓋，蟶子，扇貝，蠔同鮑魚，如果唔加都有蝦，毛蟹，活刀貝，黃金螺同大蜆可以燒，所有燒烤都好味唯獨毛蟹有d咸。其他熱食亦好多種類及味道很好，即使泰式食物亦唔會做得唔好味，值得推介既放題。