燒肉酒場 (已結業)

天氣凍 又係食羊暖身嘅時候❄️唔一定要食羊腩煲嘅 烤羊肉其實都好正㗎✨銅鑼灣燒肉酒場主打嘅就係烤羊肉 當然另外都有其他肉類🥩今次我哋就大包圍 豬牛羊雞都有揀🤣ꕥ 和牛盛盒有五個部位嘅和牛 個人最喜愛係和牛肉眼 入口有溶化感🤤相當軟稔 而西冷嘅牛味夠晒濃郁 第一次食和牛背峰 肉質好有彈性 又夠肉汁 值得一試✨另外仲有三角胸小排同和牛肩ꕥ 澳洲羊腹肉羊腹肉係一塊扒狀 燒到咁上下剪開佢會更易處理🐏肉質較有咬口 雖未至於好軟稔 不過羊羶味突出 愛好羊肉者都應該會好喜歡ꕥ 炭火雞腿肉黑蚊蚊其貌不揚 但係食過炭火雞腿肉嘅都知 肉質好鮮嫩又夠厚肉 而且有陣炭燒味特別香🐔ꕥ 山形縣產煙燻豬腩第一次燒煙燻肉 雖然厚身不過唔難處理🐷獨特嘅煙燻香味係錦上添花 燒至外面焦香 入面仲係軟嫩 入口無一般腩肉嘅油膩感職員細心介紹各種菜/肉點樣燒🔥配料點樣配搭 好nice!