九里香茶餐廳

營業中

休息中

上水又係香港其中一個擁有美食天地既地方，如果要覓食都真係要搵地膽介紹😆朋友仔話呢到既蒸飯好抵食，仲可以食埋點心，太耐無食傳統蒸飯了❤️🍴章魚肉餅飯係一個個鐵碗上既蒸飯，唔會似依家連鎖既飯偏軟身，好有咬口粒粒分明，肉餅亦都好大塊！餡料唔少，再配埋甜豉油簡單係惹味；不得不提，餐廳最受歡迎既係舖係飯表面既酸菜！你以為酸？其實食落甜甜地，好爽脆添架😜重點係，飯既份量一啲都唔少，大家記得留肚先黎啊😆🍴乾蒸燒賣一籠有四粒，每一粒都好大粒，肉質彈牙好好味😋🍴鵪鶉蛋燒賣朋友仔話呢個係一定要嗌，我都好耐無食過鵪鶉蛋了😍一籠有三粒，比乾蒸燒賣更彈牙！而且一咬好多汁一啲都唔乾身～