金之藏 (已結業)

朋友住港島區，話 o的日本野好好食，拉麵/串燒/日本丼 等都好有水準，所以晚上聚會就去呢度我地叫左日式叉燒拉麵 + 煎日式餃子、燒秋刀魚、和牛飯、雞親子丼等等拉麵先上，聞到好香呀！麵底好彈牙，估唔到小店都有咁高質的麵底。個湯豬骨味好濃，但唔油膩，湯面無多餘的油。日式叉燒幾juicy, 肉味濃，肥瘦同厚度都適中，唔錯！另外，估唔到配菜都OK，煎日式餃子皮好薄好滑，醬汁同餃餡味道好夾，溫泉蛋糖心，粟米幾清甜！不過我食左一半先記得影相 跟住係燒秋刀魚，燒魚擺得好靚好有心思！魚件燒得外脆內嫩，保留到魚汁，同埋入面加左少少紫薯一齊燒，面頭抹左特製醬汁，口感同個味都幾夾！和牛飯0的和牛都OK 喎！食得出唔係普通平價雪藏貨，同埋師傅手勢幾好，和牛煎到外面香口，肉汁就鎖住係入面，咬落去脆口之餘，有香濃肉汁流出，好味！最後上雞親子丼。個飯一上黎，就聞到好香的蛋+洋葱+醬汁香味！因為個飯即叫即製，夠新鮮同夠熱，所以先”迫” 到食物的香氣出黎。不得不提的是入面o的蛋真係好滑，滑到好似融左入日本米入面咁; 雞肉嫩滑; 個醬汁同洋葱加埋好惹味，好適宜搭配日本米吃，我忍唔住問侍應取多一份醬汁吃見到餐牌，發現原來