永騰潮州鹵水鵝店

營業中

休息中

今日頭頭踫着黑，原本預約了的事做不成，搞到要流浪街頭幾小時，仲得閒到寫埋食評😂呢度附近有多間鹵水店，見呢間門口最陳舊，又有幾個老人家在幫襯，相信可以透過老店享受「懷舊」的味道。成盒鵝我懶得拎，冇訂坐就唔想「鄰骨」...看見原隻鵝肝仔細細，易拎又易吃，但25大元有點不捨，回想平時西式的，一片都同佢一個差唔多大，不過細....係咪即係「人道啲」？冇專登去谷肥谷死隻鵝呢？比咗錢之後，鵝肝切件了，看起來比原隻時大份咗，又覺得25唔貴，吃得飽喎。第一次吃中式的，第一啖覺得好咸（可能我冇餸飯就咁食）。中式肝質比較西式「結實」，細細啖當零食都係幾好食，鹵水夠老，下次想試吓隻鵝。