玩具小屋咖啡室 (已結業)

今晚同朋友慶祝生日🎂因為見生日甜品畫碟好靚，打算試下！好彩book定枱，全場爆人！我地8點左右落單，等左45分鐘先上第一碟海鮮拼盤，其實係炸魷魚、炸魚柳、炸蝦，但唔知炸起左無人理定點，腍晒！好難食😔😔之後慢慢上埋意粉、意大利飯、pizza，份量偏細，但味道唔錯！黑松露忌廉意粉夠creamy又好香黑松露味，辣扁意粉辣度適中，但偏油左少少。飲品麻麻地，朱古力好淡，水偏多，朋友佢地叫的花茶啫喱都係普通。因為幾日前已send圖比店員預訂畫碟圖案，上枱真係好靚！👍🏻👍🏻好值得影相，同原圖相似度近乎100，但好可惜拿破崙焗燶左，有啲苦苦地味🤭但總括黎講，如果想慶祝生日而畫碟，都可以一試。