Wooden House (已結業)

逛街到油街，順勢食個晚飯～ 好耐無食西式菜，於是食呢間。前菜食龍蝦湯配紅蝦刺身。龍蝦湯以杯上，配有一隻細蝦刺身。廚師好細心，將隻蝦切件方便食～ 龍蝦湯味道香濃出色，湯面上更有一層厚厚嘅泡沫，令湯飲落更幼滑。主食有Marinella～ 餅底夠薄，夠香脆，加左parma ham，水牛芝士同火箭菜，好好食～～ 即使好大個，兩個女仔都仍然能夠完成，仲可以食多個烤黑毛豬。西班牙伊比利牙黑毛豬配烤紅椒堅果醬。落單時，侍應好細心，問我地要七成熟定全熟，提醒我地全熟，豬肉質會較韌。因為黑毛豬係穀飼，所以可以七成熟～ 咁梗係要好食嘅七成熟啦，食落仲居然入口即溶😳 驚奇好食～ 配住烤紅椒醬，完全唔辣但香口，更惹味好食😋食飽飽唔少得甜品～ 甜品嗌兩個，朱古力窩夫同雲呢嗱窩夫加 gelato～ Gelato 有四款口味，都係店手造～ 我地揀左雜莓味～ 甜甜嘅雜莓gelato, 配埋窩夫一齊食，剛剛好～