尚苑京滬川菜

營業中

休息中

原來尖東南洋中心有間食中菜嘅餐廳，位置少少隱蔽，入面地方好大，非常闊落好座。晚市有啲單點菜式之餘，仲有啲孖寶、三寶小菜選擇，價錢都幾抵食。燻香樟茶鴨半隻（$98）- 半隻分量都唔少，鴨肉十分嫩滑，帶少少燻香及鹹香味，開胃惹味。新鮮菠蘿拔絲咕嚕肉（$88）- 呢個絕對係必食推介，超驚喜。咕嚕肉炸得香脆，配埋新鮮菠蘿嘅酸甜味，十分之夾。值得一讚，拔絲做得一流。鍾意食咕嚕肉嘅朋友，一定要點嚟試吓。尚苑擔擔麵（$68）- 擔擔麵帶微辣，麵質軟滑，少少彈牙，鍾意佢湯底有花生醬香味，唔會只係食到辣味咁單一。灌湯小籠包 （$98）- 一客共六隻，上菜時熱辣辣，灌滿湯汁，一咬落去就時爆汁，味道不錯。