Pokka Cafe (已結業)

今日同粉絲喺呢頭做完野~ 所以搵地方醫醫肚~~粉絲心思非常唔簡單~揀左好耐先決定黎呢到~下午茶時段唔洗等位就入得~ D枱放得有密左少少 ~同隔離枱好冇距離,幸好枱櫈都算大張,感覺都坐得好舒服望下個餐牌~服務員話因而家係下午茶時段,出品有限,我地望完又望~先有決定~豬軟骨蕃茄濃湯拉麵 - 蕃茄濃湯唔算好濃,食得出係''開水''貨式,出品一般~幸好唔會太咸~拉麵本身就煮得淋左少少~加上我又食得慢~浸得更淋,所以更減份~豬軟骨有兩小件~好淋好有味~唔錯~只係少左D~肥牛炒面 - 好大碟好勁份量~一D都唔欺場~漿汁炒至入味又乾身~上枱熱騰騰,肥牛係打邊爐貨式,真係好肥~!雪糕厚多士粒 - 成餐飯的主打~厚多士粒切到大大粒拎去炸再配合埋朱支力雪糕~對呢類甜品要求真係唔高~只要擺得好好睇睇靚靚地就可以了~師夫真係做到呢個效果~!一睇到就覺得好開心~~而且唔算好甜,感覺一D都唔肥膩!正~~又傾又講都唔知時間過~服務員們唔會成日過黎打擾客人~感覺好好~最後餐飲我地照舊點左杯熱檸系列完成今餐的句號總括黎講..唔錯的KILL TIME 好地方~!值得再去~!