更多
2023-10-11
257 瀏覽
FD話介紹一間性價比好嘅餐廳比我,咁試試啦。哩間餐廳晚市好full,坐咗8成滿。我們揀咗$268嘅嚴選安格斯牛套餐,120分鐘任食。睇到加88仲可以食到羊腩煲,即刻加咗。除咗QR code落單,仲有火鍋配料同埋飲品甜品櫃檯,好多嘢食。嘢飲品種好豐富,今次揀咗出面放題少見嘅椰青水同檸檬茶,飲落好清爽,就火鍋一流。FD話哩間係全港首間任食火焰牛尾煲餐廳,不過上次佢已經食咗,今次想試試羊腩煲,就佢啦。羊腩悶得好軟爛,醬汁醬香味好重,同羊腩好夾。每件羊腩都帶皮,食落真係好滿足。食完牛煲仲可以打邊爐,原來想試試佢嘅養生滋補鷓鴣湯,話可以先飲湯再打邊爐,不過FD對鷓鴣麻麻,嘅下次再試試啦。肉都好多可以揀,最鐘意食安格斯封門柳,牛肉厚薄均勻,微涮已經可以食!白鱔片都係必叫,鱔片好新鮮,食落彈牙爽口,同埋冇骨,真係要叫多一份。任食嘅丸類同午餐肉質素都好高,肉味好重同埋Q彈,好味。食到好飽,都要食埋雪糕,雪糕種類幾多下,今次試咗咖啡雪糕,入口咖啡同奶味好重,同埋口感綿密,好食。食完真係超飽,哩間質素唔錯,可以encore!
張貼