影片
更多
2023-09-17
886 瀏覽
今日同朋友去左旺角上樓嘅韓燒店試下，我地揀左level 2嘅套餐（＄378），呢嗰套餐有和牛，和牛有一份，不列入任點範圍，不過其實份量都好多，已經夠哂我地食。呢度嘅韓燒本身會加上牛油紙，放係牛油紙上面燒，咁樣就會減低燒燶嘅程度，而且職員都勤力換牛油紙，非常細心。美國牛頸脊日本A4和牛冧肉澳洲M9和牛肉眼牛肉味幾香而且口感都柔軟，油脂分佈平均，油脂味亦香。其他都可以手機落單：牛：仲有其他牛嘅選擇，美國安格斯肉眼扒，大大塊安格斯肉眼扒，咁樣用黎韓燒真係夠哂吸睛，而且帶有肥膏位嘅香味。美國牛仔骨，牛仔骨用來燒都好適合，有牛骨香味，而且肉汁亦都好香。串串：雞腎串，都新鮮，而且夠爽口。爆脆墨魚咀串，職員教我地放喺韓燒板上面解左雪之後，就要拆出嚟燒，放喺邊位，慢慢等佢乾哂水，就可以食，都幾彈牙。雞皮串，都一樣係溶左雪之後就拆出嚟燒，雞皮要攤返開黎燒，唔駛不停咁反佢，燒到脆就可以食，雞皮燒到脆後真係零舍好食，而且冇油膩嘅感覺。海鮮及刺身：海蝦，韓燒點少得食海蝦，大大隻，而且蝦味鮮甜。三文魚刺身，刺身都新鮮，亦會配上豉油同wasabi。玉子有蛋嘅甜香味。椒鹽雞軟骨，炸得好脆口。日本黑椒脆皮腸，平時台灣
呢度嘅韓燒本身會加上牛油紙，放係牛油紙上面燒，咁樣就會減低燒燶嘅程度，而且職員都勤力換牛油紙，非常細心。
美國牛頸脊
日本A4和牛冧肉
澳洲M9和牛肉眼
牛肉味幾香而且口感都柔軟，油脂分佈平均，油脂味亦香。
其他都可以手機落單：
牛：
仲有其他牛嘅選擇，美國安格斯肉眼扒，大大塊安格斯肉眼扒，咁樣用黎韓燒真係夠哂吸睛，而且帶有肥膏位嘅香味。
美國牛仔骨，牛仔骨用來燒都好適合，有牛骨香味，而且肉汁亦都好香。
串串：
雞腎串，都新鮮，而且夠爽口。
爆脆墨魚咀串，職員教我地放喺韓燒板上面解左雪之後，就要拆出嚟燒，放喺邊位，慢慢等佢乾哂水，就可以食，都幾彈牙。
雞皮串，都一樣係溶左雪之後就拆出嚟燒，雞皮要攤返開黎燒，唔駛不停咁反佢，燒到脆就可以食，雞皮燒到脆後真係零舍好食，而且冇油膩嘅感覺。
海鮮及刺身：
海蝦，韓燒點少得食海蝦，大大隻，而且蝦味鮮甜。
三文魚刺身，刺身都新鮮，亦會配上豉油同wasabi。玉子有蛋嘅甜香味。
椒鹽雞軟骨，炸得好脆口。
日本黑椒脆皮腸，平時台灣嘅黑椒脆皮腸就食得多，日本嘅好似都係第一次食，日本嘅黑椒脆皮腸相對冇台灣嗰啲咁重口味，反而更加好食。
雞：
韓式雞肉，雞肉嫩滑，用來燒都幾好食。
豬：
蒜味豬扒，蒜味香，而且豬扒柔軟。
五花肉，帶有油脂嘅香味。
豬頸肉，燒過嘅豬頸肉一向都係最好味，用來韓燒就最適合，燒到個邊脆脆哋，更加好味。
蔬菜：
蒜蓉牛油燒金菇，燒到個牛油溶哂，就差唔多食得。
蒜蓉孜然燒茄子，蒜蓉同孜然味好香，第一次自己燒茄子，原來都好方便。
白菜仔，食左咁多比較熱氣嘅食物，當然要食返啲菜，白菜仔本身有用調味，都幾清甜。
韓式泡菜辣度適中，亦都辣得很香。
甜品：
榴蓮炸彈，榴槤味濃郁香口，而且亦都炸得好脆。
水果：
西瓜切得好靚，擺盤夠哂美觀，而且西瓜好甜好多汁。
飲品方面，可以喺出邊雪櫃拎，我揀左蘆薈，朋友揀左茶。
張貼
