拉麵凪 (已結業)

第一次幫襯，當然係要試試原味豚骨拉麵。湯咸度（醬油量）、濃厚度（油量）、蒜泥量、自家製炎之醬都可以自己揀，麵基本跟兩塊薄叉燒、木耳、蔥/椰菜（可選）、炎之醬，其他配菜要top up。我今次加咗隻溏心蛋。總括豬骨湯味濃厚，麵係幼麵，溏心蛋真溏心又浸得剛好入味，一個女人仔唔使三個字完食成碗麵，湯都清埋，係好好味的指標😋。日本凪らメン味道重現度基本滿分。但環境/氣氛重現度就要繼續努力喇-雖然店員都會講greetings日文同播放j-pop（我幫襯當日播了金爆、卡莉怪妞etc的歌），但店鋪內在裝潢感覺好低成本，燈光偏白，氣氛呢方面期待再提升就接近完美真日本拉麵。