新容記小菜王 (已搬遷) 新店位置

年初三約埋一大班朋友去食飯，呢碟蒸頭腩肉質鮮嫩，而且一啲都唔腥，平時唔多鐘意食魚都覺得好食👍🏻呢碟蒜蓉粉絲蒸扇貝勁足料，竟然有埋金菇，金菇同粉絲索曬蒜蓉味同扇貝嘅鮮味，而且粒粒扇貝都大大粒，我比98分！魚香茄子煲雖然煮得唔係好淋，不過味道搭救，叫嚟送飯一流！呢碟沙拉豬扒酸酸甜甜夠晒開胃，而且冇骨，大人小朋友都一樣啱食，重點係豬扒好淋，而且入晒味，正！呢味係鋪頭推介嘅天下第一雞，同平時食嗰啲雞唔同嘅係呢隻juicy好多，肉質都好嫩。 BB鴨，皮脆肉嫩，唯一可以挑剔嘅就係瘦咗少少不過反而佢最聞名嘅招牌豉油撈飯竟然比以前差咗，以前嘅豉油撈飯豉油味係明顯有煮過，食落勁香豉油味加軟綿綿熱辣辣嘅白飯就算冇餸都覺得好好食，不過而家嘅豉油撈飯嘅豉油就好鹹，就算撈勻左食到底都鹹到食唔落。價錢$30一碗就覺得貴左少少。