新容記小菜王 (已搬遷) 新店位置

新鮮食材、選擇多、地點方便、傳統菜式等等，如炸大腸、焗魚腸、豉油撈飯、小炒王、焗茄子、煎𧐢餅、黃金蝦、雞煲、羊腩煲、椒鹽九肚魚、生炒骨、糯米飯、避風塘炒蟹等，好好味！

今日心血來潮約左朋友K去深水埗搵食，隨便逛一逛黃金，就響黃金電腦商場附近搵咗新容記小菜王，容記就響福華街，近地鐵站嘅，之前都有聽過佢小炒唔錯。朋友K對一些香口特色菜很有興趣，新容記就可以滿足到佢。容記有唔少招牌菜，可樂鴨，燒肉等等，但兩個人食唔到咗多。我我就哪因一兩個香口招牌菜，容記第一咀同香煎鹹魚肉餅，餸啤酒一流。第一嘴就係好少食到嘅墨魚咀，香脆又有爽口，脆加爽係個特別嘅感覺。另外，煎鹹蛋肉餅，容記做五內鬆外脆，鹹香脆口，又係一個特別嘅享受，加支大啤就係麻甩佬嘅吹水組合。我哋仲試埋佢嘅豉油撈飯，真係唔錯配搭。剛到時候，大約六點，還未有好多人流，老闆又好吹得水主動推介左魚腐湯加辣子雞丁。魚湯香濃鮮甜，辣子雞丁香口麻辣，岩香港人口味。老闆仲好好人送左少少燒肉比我地試，，佢個肉燒都係同和牛一樣，入口即融，佢特別在於係配日式芥末醬，清甜芥末同燒肉好配搭。老闆真係無介紹錯。值得一贊👍

黃金脆鮮魷$108 咸蛋黃味突出得嚟又無遮蓋到魷魚嘅新鮮本身自己好鍾意食咸蛋黃製作嘅嘢，所以呢碟真係食到停唔到口完全係我杯茶酥炸沙律明蝦球$98 蝦球真係非常之新鮮彈牙，配上wasabi沙律醬，入口感覺十分有趣西蘭花炒帶子$128西蘭花嘅鮮綠色好吸引人，賣相唔單調。帶子雖然唔係厚切，不過鮮味加返分呢碟整體可以話係做到色香味俱全P.S 聽到隔離枱講左幾次話燒腩肉好好食，個皮好脆睇嚟下次嚟值得考慮下叫呢味餸

因公司電腦壞咗，今午特意同朋友一齊過嚟深水埗黃金電腦商場逛逛，行完街肚仔餓，大家一想起醫肚，就諗起我們嘅致愛燒腩仔👍新容記小菜王除咗出名招牌燒腩仔之外，街坊小菜更加平、靚、正😋😋$128 招牌燒腩仔脂肪及瘦肉層層相間，五層最佳，最底層食完可以噒骨頭，小店每日不惜工本用新鮮豬肉炮製，肉質鬆化、軟腍無渣！入口即化又不油膩，食落好Juicy ，再加上爆起芝麻皮夠脆身，味道適中唔會過鹹😍😍$128 鐵板酱燒魚🐟新鮮倉魚先走油，再淋上洋蔥、蒜蓉、辣椒🌶️嘅酸甜醬料，包上錫紙焗一焗，鐵板上，熱辣辣、香噴噴、酸酸甜甜特別開胃😋😋

新容記小菜王向來出名，最近更開了不少分店，因為疫情關係，無需等位，我們兩個人簡單叫了兩碟餸。香脆金磚豆腐$68 店員非常推介，即叫即做，外脆內滑，入口即溶，香脆可口，非常抵食，其實都很考廚師的功夫，有一定的水準，配飯一流。值得再試。上湯仲夏伊麵底 $158起碼有十隻大蝦🍤，每隻都新鮮肥美。配上伊麵，份量大。絶對夠食。可能我哋太細食，兩碟餸已經很飽，還有其他小菜都好想試，希望下次有機會再食。🥰😋😋😚

今日同媽咪去深水埗特賣場入吓平貨 再去福榮街買玩具畀小朋友們，之後去搵嘢食， 媽媽話想食小炒之類嘅中式飯店,就入咗去一條街有兩間分店嘅新容記小菜王！奇味海鮮豆腐煲 $98想食個煲諗住熱辣辣暖下個身, 所謂嘅奇味醬係蝦醬味再新容記秘製醬汁, 彈牙嘅蝦,大大件嘅魷魚和魚柳同埋主角紅燒豆腐！ 已到嘅醬汁一啲都唔吝嗇， 每件食物都充滿奇味醬汁！ 鬼馬咕嚕肉 $78 向西檸雞同埋咕嚕肉之間我哋揀咗咕嚕肉，所謂嘅鬼馬係這一碟餸中有油炸鬼粒嘅意思，感覺油炸鬼加上咕嚕肉汁酸咪咪好特别，咕嚕肉份量都多，加上馬蹄一齊食非常特別！

今日去開深水埗，路經「新容記小菜王」，隱約記得容記好似都有啲歷史，所以即管入去試吓手勢。地方其實唔係好大，擺得幾張枱，環境看來其實都有啲年日，雖然佢有炒粉麵選擇，不過嚟得梗係食小菜，兩個人叫咗一碟沙拉豬扒和一碟椒鹽九肚魚，加兩碗白飯搞掂。沙拉豬扒其實有啲似京都骨嘅味道，豬扒好腍，味道都幾唔錯，反而點唔點沙律醬都唔係太大影響。椒鹽九肚魚即叫即炸，新鮮熱辣，非常鬆化，加埋喼汁就可以減少熱氣，好好食。白飯唔使講就係大大碗。食緊飯嘅同時，發覺門口一路有人過嚟裝飯盒，見佢哋手上都揸住一張好似飯卷嘅嘢，似乎呢間容記都有社會良心呢！

我們雖說是街坊但從佢在桂林街至現址都未曾幫襯過, 這晚來算是試一次機緣巧合吧, 有朋友在附近上班, 相約晚飯一嘗久仰大名的容記, 當然亦知佢主廚一早已經退休同時又復出在太子另起爐灶, 這店全晚人客只不過兩,三枱, 如果以現時的格局, 星期六/日好多人都在家煮飯唔出街食的環境, 這類型客底唔多夠的店都可能要過些比較緊的日子吧!當晚本來想試試招牌菜式的"燒肉"可惜店員話現在豬價太貴, 暫停咗咁咪叫半隻水晶雞之類的切雞, 油脂豐厚, 沒什麼雞味, 偏咸但可以理解因為作為下酒菜係咁架啦, 一個菜心 望落清清地不過都夠味嘅, 另一個冰燒肉之類嘅菜式, 濃味偏甜!黑椒豬手鐵板上, 都係另一個濃味之選, 最後一味係椒塩鮮魷呢個可能係全晚的高潮了,價錢屬於經濟晚飯價, 

呢間野以前食還可以。以前有自己特色既招牌可樂鵝，而家入去吾好俾佢牆上張圖呃左，無左可樂鵝，餐牌偷偷改左5味鵝，啲肉霉，味道又差，搵微波爐叮反熱！最嬲豉椒炒蜆根本吾係炒，係用水 煲熟啲蜆再淋啲汁上去，咁係豉汁淋蜆囉！個場得2枱都咁差！仲有個啫啫芥蘭煲啲芥蘭老過粉葛！條條都有渣！又咸！服務差！千奇吾好叫佢介紹野你食！一定叫你食貴野！通常一定講1,2樣海鮮叫你食！全部吾新鮮，一係就死！真係以後以後都吾會再去！#我不是打手！

This restaurant is located in Shum Shui Po Fuk Wa Street, one of those neighborhood restaurants with a lot of different dishes tailored to local residents. With no-frill setting of round tables and plastic stools, the dishes are displayed on the wall in traditional style, offering a familiar old HK experience.We ordered three dishes: the signature Roasted Pork ($128), Baked Fish Intestines with Egg ($68), and Grouper Fillet and Vegetables in Fish Soup ($188). The pork is freshly roasted, with a

容記小菜王近年開咗好多間分店, 新定舊我都唔知有咩分別亦唔識得分, 深水埗呢間容記n年前已經開始食, 佢哋以前燒肉好出名, 皮脆肉嫰, 不過近年已經覺得唔好食, 已很少來, 今日之所以嚟係因為跟一班朋友活動完畢找食, 其中一位朋友嚟呢度食開, 又可以代客加工海鮮, 所以去街市買完海鮮便過嚟加工開餐。14:00 燒肉還未有得供應, 試唔到佢哋而家嘅水準有點可惜。鹵水鵝掌翼鹵得幾入味， 略嫌鹵水汁唔夠香及有點鹹。容記小炒王味道還可以 ， 可惜配料單薄咗啲， 只有魷魚及蝦乾, 唔夠惹味。可樂鴨可樂雞翼食得多， 可樂鴨還是第一次， 味道不錯， 鴨滷得好入味，鴨肉滑口， 香香甜甜， 最緊要係肥膏不多， 食多兩嚿都唔會有罪惡感, 好食。口水雞唔夠麻唔夠美, 辣度也欠了少少。以下海鮮係街市買來加工， 今日啲海鮮有少少失望， 一嚟深水埗街市啲海鮮始終冇大埔街市質素咁靚， 二来呢度嘅師父加工功力爭少少， 但整體味道及火候控制都可以， 只係冇大埔另一間食店煮得咁好食, 同加工費一啲都唔平。 

好開心  同一班同學四個人去容記食晚飯 老闆好熱情同埋員工服務都好得。我地叫咗幾個餸 真係唔錯 埋單$300度 幾抵食。 老闆好好人 見我地係學生仲請埋我地食生果 如果行開深水埗可以去試試。

和家人晚膳，一直想試這間菜館，三個人點了三個菜：招牌焼腩仔，可惜它不是燒的，好似先蒸後焗的感覺，皮是脆的但肉是一絲絲的，非常失望！招牌鵝也太甜；只有啫啫芥蘭煲還算過得去。總之應該不會再光顧

今晚想食小炒，所以突登行左去萬發同愛文生， 一如所料，好多人，見有d 肚餓，所以唔等啦，返左深水埗揾， 咁啱見到呢間「新容記」， 醒起d 人話「容記小炒皇」 好食， 所以入去試下， 叫左碟「西芹炒田雞」同「芥蘭炒鮮魷」。 兩碟野都好快到， 但都炒幾唔好食， 可以話差過茶記。 首先講碟鮮魷， 完全無味， 係無調味，無魷魚味，仲要好濕， 完全無鍋氣..... 再講西芹炒田雞雞， 田雞一d 都唔鮮， 有d 老， 都係好濕， 無鍋氣💀💀💀💀。 點解會係小炒王呢？ 點解咁知分別， 因為即晚返返愛民生， 叫返碟田雞食， 先知天堂地獄不過服務係有既， 起碼一入去，就有人招呼下， 所以有收返你加一服務費🤭

今日去食團年飯，所以就會揀咗去市區食，屋企人都幾鍾意食新容記，所以就話不如今次來這間食晚飯。我哋大約六點鐘去到，只有了一台客所以不用等位就可以有得食，我哋今次叫咗一個天下第一雞原來係沙薑雞，偏鹹沙薑味比較少，但雞肉都幾嫩滑。黑豚肉醋骨，豬肉味唔錯，不過醋味唔濃郁，只可講微酸，而且價錢$168，本人就覺得貴左少少。涼瓜炆倉魚，倉魚冇諗過會咁大條，而且肉都幾多同埋滑，涼瓜又好好食，整體來講好滿意，而且價錢都好合理。豆腐火腩煲，偏油而且味道都係偏鹹，豆腐都幾滑但火腩唔算十分之多，$48乳鴿好少肉，而且吾夠熱，真係麻麻哋有啲失望。整體來講衛生程度都唔錯，而且份量都算幾足，不過就嘢食就比心目中普通。