澳洲牛奶公司

營業中

休息中

啲嘢食講真好一般，啲蛋極鹹要夾包食，啲叉燒就偏甜。服務就眾所周知，但係你都唔好落錯單先得㗎。嗰日我叫常餐你俾個快餐。又冇俾單我睇吓嗌咗咩，食完先知原來佢幫我落咗快餐。然後話因為杯檸茶係大杯所以死都唔肯換，我第一次嚟食點知你杯檸茶大杯定細杯。仲叫我額外加多個$38嘅通粉，咁我咪喺你度食成80幾蚊，唔知有心搞詐騙定冇心想大事化小。你服務差都算，好心你錯就要認啦。仲喺度大大聲聲喺間餐廳同所有人講以後記得啲客話要快餐嘅時候同佢講埋入面有咩，不如你留返啖氣專心聽吓啲客嗌咩好過啦。