金滿都越南餐廳 (已結業)

一輪冇去，近排再試味道好左喎。是日 A 餐，越南生牛肉湯河粉 $43咋，牛肉數量完全舖滿碗面。唔韌，今次仲幾滑吓。河粉的quality 亦改善左，滑左。牛湯好清，但有牛味。配料如香葉同辣椒都有齊架。加左幾蚊 upgrade 特飲，係檸檬金桔蜜，味淡但勝在夠大杯。五十有找，性價比超高。另一個餐叫了香辣牛肉炒河粉 $51，夠大碟有鑊氣，牛肉大片嫩口。但是唔夠辣，再重味D會好D。環境一般啦，D枱都迫迫地，一人一碟就ok, 如果係叫餸 share 食就唔太夠位了。