影片
更多
2010-11-18
136 瀏覽
星期日食brunch喺好寫意嘅。有時間可以晏啲起身，滋滋油油咁食兩餐撈埋一餐，又自在又減肥（其實有啲自欺欺人，一餐食多咗咪一鬼樣）。如果選港人最最受歡迎嘅Sunday brunch，非飲茶莫屬！但揀茶樓好考起，間間出品都差唔多（由工房統一生產），仲話唔定由祖國入貨，“即叫即篜”！好嘅點心師父又自己開檔（有啲仲攞埋星！）。有信心嘅茶樓已經買少見少。翠亨邨喺老子號。我耐唔耐都有幫襯。飲茶最頭痛就喺人少。每樣點心想食少少，但一籠有三、四件。兩公婆一人一件，剩返嘅梗喺我哽。。。今日點咗叉燒腸粉、叉燒飽、白玉四寶扎、蘿蔔絲酥餅、鳳爪、馬拉糕、魚茸藕餅。腸粉皮唔夠薄，叉燒飽也是。比較失望。四寶扎箅不錯，有厚菇和大片魚肚、可惜火腿冇乜味。鳳爪也不過不失，算中上之作（如不怕味精的話）。最好嘅係馬拉糕－古法做，有糖香味！蘿蔔絲酥餅香口，饀熱蘿蔔軟。藕餅煎得微脆，加馬碲，都算未全軍覆沒。值得贊嘅喺佢嘅服務水平高，d阿姐態度好，面帶笑容親切。有時食嘢除咗味道，食得悠閒舒服，好好咁嘆下週日。唔駛趕喉趕命，一樂也！
飲茶最頭痛就喺人少。每樣點心想食少少，但一籠有三、四件。兩公婆一人一件，剩返嘅梗喺我哽。。。今日點咗叉燒腸粉、叉燒飽、白玉四寶扎、蘿蔔絲酥餅、鳳爪、馬拉糕、魚茸藕餅。腸粉皮唔夠薄，叉燒飽也是。比較失望。四寶扎箅不錯，有厚菇和大片魚肚、可惜火腿冇乜味。鳳爪也不過不失，算中上之作（如不怕味精的話）。最好嘅係馬拉糕－古法做，有糖香味！蘿蔔絲酥餅香口，饀熱蘿蔔軟。藕餅煎得微脆，加馬碲，都算未全軍覆沒。
值得贊嘅喺佢嘅服務水平高，d阿姐態度好，面帶笑容親切。有時食嘢除咗味道，食得悠閒舒服，好好咁嘆下週日。唔駛趕喉趕命，一樂也！
張貼