文鼎酒家 (已結業)

今晚我們去咗灣仔大王東街嘅「文鼎酒家」食晚飯！我們叫咗文鼎鮑魚酥、文鼎脆皮燻魚、稻草紅燒肉、咕嚕龍脷斑球、文鼎糟香鷄、火朣雲吞老鴨湯同東方之珠！文鼎鮑魚酥嘅鮑魚炆得非常軟滑腍身，加埋相當濃郁嘅鮑汁，真係超好味呀！係本人嘅必食推介！文鼎脆皮燻魚嘅燻魚表面非常香脆，肉質極之嫩滑，加埋超香甜濃郁嘅秘製醬汁，真係好惹味呀！稻草紅燒肉炆得好腍好入味，肉質相當鬆軟，最好嘅係完全無肥膩嘅感覺！咕嚕龍脷斑球嘅肉質超嫩滑，炸粉亦唔會好厚身，醬汁嘅味道酸酸甜甜，非常醒胃！文鼎糟香鷄嘅鷄肉好滑，酒味亦好香濃！火朣雲吞老鴨湯嘅湯底非常濃郁，雲吞亦好軟滑！東方之珠嘅賣相超級精緻吸引，呢顆東方之珠又好似將天上嘅月亮摘咗落嚟擁抱住嘅感覺，煎堆嘅質感相當煙韌彈牙，就算凍咗都一樣咁好味，真係值得一試！