影片
更多
2007-06-24
25 瀏覽
不嬲都知元氣既質素唔穩定, 不過樂富呢頭真係冇乜好食, 唯有都係去元氣, 一餐半餐者! 8點前去到, 難得唔駛排隊等, 入去既決心更大~一坐低就二話不說開半綠茶先, 個人覺得元氣唯一一定比其他迴轉優勝既, 就係呢杯自己加綠茶粉開既綠茶, 次次去元氣一定會飲多兩杯!~跟住就梗係開餐, 去呢d質素參差既連鎖迴轉壽司食野又唔想食完覺得唔值既話, 好簡單, 就係唔好食18蚊以上既貴價壽司~ 好似我咁怒食9蚊12蚊, 又夠飽, 質量差少少既都冇咁嬲!9蚊既玉子腐皮燒八爪魚墨魚同埋三文魚就必食既, 前4樣都正常一般咁啦, 三文魚都幾新鮮, 我鍾意元氣既三文魚肉色鮮亮又冇咁多脂肪紋冇咁膩, 不過鍾意食肥美三文魚既人可能會唔多happy。另外仲食左:辣味三文魚軍艦: 小小辣味又唔會蓋左三文魚既味, 紫菜都係脆既, 唔錯~波士頓卷: 中間有一舊仔唔蘇既cheese, 幾得意, 都係唔錯。炸蝦卷: 雖然唔係岩岩炸起, 不過條蝦都仲脆脆地, ok啦!他他牛: 賣相差左, 好似一塊燒乾左既生牛片, 之前係厚肉d靚d ga! 我冇食, 朋友就話味道冇變, 仲ok喎。本來想食吞拿魚同埋元氣既皇牌炸軟殼蟹手卷, 不
一坐低就二話不說開半綠茶先, 個人覺得元氣唯一一定比其他迴轉優勝既, 就係呢杯自己加綠茶粉開既綠茶, 次次去元氣一定會飲多兩杯!~
跟住就梗係開餐, 去呢d質素參差既連鎖迴轉壽司食野又唔想食完覺得唔值既話, 好簡單, 就係唔好食18蚊以上既貴價壽司~ 好似我咁怒食9蚊12蚊, 又夠飽, 質量差少少既都冇咁嬲!
9蚊既玉子腐皮燒八爪魚墨魚同埋三文魚就必食既, 前4樣都正常一般咁啦, 三文魚都幾新鮮, 我鍾意元氣既三文魚肉色鮮亮又冇咁多脂肪紋冇咁膩, 不過鍾意食肥美三文魚既人可能會唔多happy。
另外仲食左:
辣味三文魚軍艦: 小小辣味又唔會蓋左三文魚既味, 紫菜都係脆既, 唔錯~
波士頓卷: 中間有一舊仔唔蘇既cheese, 幾得意, 都係唔錯。
炸蝦卷: 雖然唔係岩岩炸起, 不過條蝦都仲脆脆地, ok啦!
他他牛: 賣相差左, 好似一塊燒乾左既生牛片, 之前係厚肉d靚d ga! 我冇食, 朋友就話味道冇變, 仲ok喎。
本來想食吞拿魚同埋元氣既皇牌炸軟殼蟹手卷, 不過吞拿魚個樣真係太差太唔新鮮, 拎唔落手, 朋友又話飽飽地, 就算啦。
賣單前都係決定試埋佢個日式chocolate cake, 嘩, 上下兩層chocolate sponge好軟呀, 中間層chocolate cream就小小甜, 成件食就岩岩好唔"溜", 呢個可以比個"正"字!
服務都唔差, 侍應幾有禮, 環境唔算太大不過都幾乾淨~
如果呢間既質素keep到呢個水平又咁岩冇乜人排隊, 去開呢頭都食得過。
張貼