Cafe Italiano

營業中

休息中

朋友包場有幸參加真正有口福，味味都好食似乎大廚手藝非常好。小食一：香煎墨魚餅小食二：花雕雞中翼先來兩個小食，香煎墨魚餅及花雕雞中翼，兩款都有水準，墨魚餅新鮮彈牙，花雕雞中翼嘅花雕味做得剛剛好，香得黎又唔會搶走雞中翼嘅鹵水味。呢個蔬菜啫喱好好味，入口好fresh，第一次食到咁嘅菜式。鹽焗海馬友可遇不可求，要有返咁上下大條又要夠新鮮真係一d都唔容易。條魚嘅味好鮮，骨位同骹位d肉嘅魚油味香得不得了。呢個墨魚仔好掂，墨魚仔新鮮唔在講，大廚調嗰個醬汁同個墨魚仔好夾。呢味係橄欖油乾蒜片大蝦又係好正，佢個汁係精華所在，如果有埋意粉就perfect，衣家好似有啲嘥咗個汁。雞卷肉札實且嫩滑。呢個乳鴿係全晚最精彩嘅一道菜，聽講大廚煮家禽類最洒家，呢個乳鴿就完全表現晒出嚟，肥美不在話下，焗到皮脆肉嫩真係好難得。食到最後一檔斧頭扒其實已經飽到上心口，不過梗係要試埋佢啦，佢呢個就好似熟咗少少所以有啲韌，後尾食第二嚿專登揀一件多啲血水色嘅就好味好多。