影片
更多
2012-09-05
476 瀏覽
同班同事講咗好耐想食「大班樓」，今日打個電話去 book 晚飯，點知接電話果個人同我講：「晚飯個 booking 要等到 9月尾先有…」 我心諗：「吓！有冇咁誇呀~~~ 雖然話係米芝蓮1星，又話被選為全球101間最佳食肆之一… 想見識吓啫… 洗唔洗咁難?!」大家都忍唔住~~~ 不如泥個即興，留咗幾度要預訂嘅小菜，就 book 咗今日 lunch 去試試！我地一行四人，抱住好大嘅期望！打開個 Menu 一睇，真係非一般的家常便飯！淨係睇啲菜式名，已感覺到廚師嘅心思！雖然佢都有Set Lunch，但我地又點忍得住口? 就係咁… 响 Menu 度揀咗一揀，又問一下侍應哥哥有啲咩好介紹！頭盤 : “九層塔甜醋醃漬小蕃茄” -- 小蕃茄去晒皮，聞落一啲味都無，但一咬落去，好似爆丸咁勁 juicy，九層塔啲香味好濃，又保留到蕃茄味，好surprise！值得推介！第二度菜： “龍井菊花煙燻乳鴿” -- 咬落去有啲似西式煙燻鴨胸，龍井同菊花味比較輕，味覺唔敏感嘅人可能會比較難感受到。隻乳鴿可能用煙燻，一點都唔油膩，好味到連鴿頭都食埋！今日主打：“雞油花雕蒸大花蟹配陳村粉” -- 全餐焦點！！一上菜酒香
我地一行四人，抱住好大嘅期望！打開個 Menu 一睇，真係非一般的家常便飯！淨係睇啲菜式名，已感覺到廚師嘅心思！雖然佢都有Set Lunch，但我地又點忍得住口? 就係咁… 响 Menu 度揀咗一揀，又問一下侍應哥哥有啲咩好介紹！
頭盤 : “九層塔甜醋醃漬小蕃茄” -- 小蕃茄去晒皮，聞落一啲味都無，但一咬落去，好似爆丸咁勁 juicy，九層塔啲香味好濃，又保留到蕃茄味，好surprise！值得推介！
第二度菜： “龍井菊花煙燻乳鴿” -- 咬落去有啲似西式煙燻鴨胸，龍井同菊花味比較輕，味覺唔敏感嘅人可能會比較難感受到。隻乳鴿可能用煙燻，一點都唔油膩，好味到連鴿頭都食埋！
今日主打：“雞油花雕蒸大花蟹配陳村粉” -- 全餐焦點！！一上菜酒香已撲鼻，加埋雞油好濃郁，搞到大家留晒口水！隻蟹唔係好大，但你一定估唔倒隻花蟹竟然有咁多膏！！超新鮮！！正！！可見揀料有一番心機！見到陳村粉已心知不妙，我今餐一定超標！呢個魔鬼吸埋吸埋啲蟹膏蟹汁… 問你點忍得住唔將佢全部掃晒落肚~~~ XD！！死未！！
特別預訂：“江南百花雞” -- 巧手小菜，用雞肉混埋蝦膠，再鋪返上雞皮去炸。雞皮好脆，雞有少少油，但同埋蝦膠食就平衡番，食完唔覺膩。想試就一定要預訂，隔離枱望住我地碟菜，想叫都冇得叫！！
“冬菇三耳炆腐皮” -- 腐皮好特別，特登整到一磚紅燒豆腐咁。碟菜甜甜地，同平時食開嘅齋唔同，唔食齋嘅人都會接受到。
最後試埋甜品 -- 平時中式甜品都不外乎糖水飽點，但佢地用子薑同桂花杞子做雪糕！我特別鍾意桂花杞子雪糕，雪糕外型有啲似士多啤梨雪糕，裡面有原粒杞子，清香又啲口感，值得一試~~~
題外話/補充資料：
整體泥講，兩個字：「滿意！」食物水準高！但價錢稍為貴咗啲~~~ Business Lunch 或朋友聚會都okay，但好難一家十幾口一齊幫襯！哈！事關要我埋單！特式菜同甜品都做得好出色，但蔬菜方面的菜式選擇比較小！環境及服務方面都 okay！建議搭的士前往，因為九如坊、歌賦街一帶都好難搵倒位泊車！
(以上食評乃用戶個人意見 , 並不代表OpenRice之觀點。)
張貼
