影片
更多
2011-10-22
2086 瀏覽
每次與舊同學聚餐, 我地呢班為食一簇都會四周圍覓食試新嘢, 實行來個work hard, eat hard :-P 今次我地揀選咗呢間中菜館~江山笑, 它的名字頗具中國特色, 不期然會令人聯想起武俠小說中的經典歌詞: 滄海一聲笑, 滔滔兩岸潮, 浮沉隨浪只記今朝… 當我地來到位處於金鐘力寶中心商場內的“江山笑”時, 發覺呢間中菜館既室內環境相當細小, 不過格局佈置卻很典雅, 而館外則設有專for happy hour時段的露天茶座。 我地今晚點選既菜式係「任食中式放題」, 只能坐於小飯館內, 卻無緣享受與星空共進晚餐的醉人美景! 今期放題既主題菜是麥皮黃金沙巴老虎蝦, 每人一只大大隻, 蝦肉彈身, 味道濃淡相宜, 絕不油膩, 屬全場最得之菜式。 其他任食菜式有好多款, 我地四個人超擦得, 竟然食咗二十几味, 好勁啊:-O 湯羹類鮑參翅肚羹: 足料鮮甜。杏汁豬肺燉菜胆: 燉湯過鹹, 杏汁味淡, 燉盅內完全沒有菜胆, 只有兩件嚼極不爛的豬肺。 小食類天師素鵝: 薄薄的炸腐皮, 包著素菜, 香脆可口。芥未醉雞卷: 賣相麻麻地, 一般冰雞肉味, 完全沒有芥未及酒香既味道, 我地只order
當我地來到位處於金鐘力寶中心商場內的“江山笑”時, 發覺呢間中菜館既室內環境相當細小, 不過格局佈置卻很典雅, 而館外則設有專for happy hour時段的露天茶座。 我地今晚點選既菜式係「任食中式放題」, 只能坐於小飯館內, 卻無緣享受與星空共進晚餐的醉人美景!
今期放題既主題菜是麥皮黃金沙巴老虎蝦, 每人一只大大隻, 蝦肉彈身, 味道濃淡相宜, 絕不油膩, 屬全場最得之菜式。 其他任食菜式有好多款, 我地四個人超擦得, 竟然食咗二十几味, 好勁啊:-O
湯羹類鮑參翅肚羹: 足料鮮甜。
杏汁豬肺燉菜胆: 燉湯過鹹, 杏汁味淡, 燉盅內完全沒有菜胆, 只有兩件嚼極不爛的豬肺。
小食類
天師素鵝: 薄薄的炸腐皮, 包著素菜, 香脆可口。
芥未醉雞卷: 賣相麻麻地, 一般冰雞肉味, 完全沒有芥未及酒香既味道, 我地只order几件試試, 但卻來了一整碟雞卷, 反而鮑汁鹵牛展就無來到。
手拍青瓜: 脆脆地, 口感不錯。
話梅車厘茄: 酸酸甜甜, 屬口感豐富的開胃前菜, encore咗一次。
點心類
蒸鮮肉窩貼: 肉汁不算多, 質素一般。
上湯小籠包: 外皮又軟又薄, 湯汁濃郁, 肉餡鬆軟。
上海春卷: 外層炸得好金黃色, 吃起來卜卜脆。
鮑汁炆鳳爪: 炆得夠腍夠入味, 忍唔住一再encore。
小菜類
麻辣口水雞: 雞肉嫩滑, 可惜麻辣味唔重, 雲川担仔麵仲辣過佢。
無錫小排骨: 肉質鬆軟而不油膩, 醬汁香濃, 味道酸酸甜甜, 非常開胃, 令人食慾大增, 兩個人一碟已掃清。
泰式脆炸蝦仁: 蝦肉爽口, 脆醬炸得夠香脆, 外型渾厚飽滿好鬆化, 放涼再吃一樣酥脆美味。
話梅香酥骨: 肉質較硬, 口感麻麻。
照燒牛柳條: 好嫩的感覺喔, 醬汁真香。
豉汁帶子蒸豆腐: 帶子鮮甜, 好滑既豆腐呀。
金勾梅菜蒸芥蘭: 清清淡淡不太鹹。
金銀蛋浸時蔬: 金銀蛋份量足, 好味。
野菌炒時蔬: 一般素菜, 味道平平。
飯麵類
雲川担仔麵: ,麵醬中嘅花生味欠奉, 只像加了辣椒油的麵, 但吃起來蠻嗆辣的。 麵質基本上跟生麵並沒分別。
甜品類
桂花糕: 清甜可口。
蛋白杏仁茶: 香滑無比, 濃厚好喝, 一個人一口氣飲咗2碗。
以上多款菜式均屬普普通通, 說不上是什麼美食, 且以原價HK$268/位加一(每人$10茶位)來說, 略嫌偏貴, 就算用上了網站既coupon 78折後計, 也不見得抵食。 但勝在地方清靜, 服務態度良好, 侍應生會細心地講解菜式既分量。 最重要是客人吃得開心, 才無負這忘憂的好地方。
張貼
