響葫蘆 燒物 . 居酒屋 (已結業)

第一次寫食評，就係為左提醒大家千析唔好中伏！今餐可以講話係垃圾，見團購成二千幾個人買左又咁多正評，以為可靠，點知都係一個伏。團購description上有嘅野，根本實際上係冇嘅！例如三文魚子軍艦，鱈魚，統統都冇，海膽唔好話係半板啦唔該，實際上只係得一滴，我直頭想去海關度告佢違反商品說明條例，誤導客人。話就話食到十點半，十點都未夠就last order，order左嘅野完全唔齊又唔岩數，食物種類極少，冇乜選擇，又冇甜品，係好差嘅放題，得碟一口牛好食少少，完全唔值$225呢個價。我完全覺得受騙，兼且憤怒，希望嗰二千幾個未幫襯嘅食客快啲去yahoo退款，如果唔係真係後悔莫及，寧願加多少少食返有質數保證嘅大x屋都唔好俾錢佢賺！真係離晒譜，真係超差#&@?₩%😡