貝爾特酒廊

營業中

休息中

食物種類少不特只，味道又差，我從來未試過去酒店食自助餐會咁冇嘢食架，連魚生壽司都冇，熱盤冇蒸魚冇蔬菜，餐廳空間好大，但放食物嘅地方超細，真係差到一個點，K-buffet 都多嘢食過佢

前幾天同朋友去屯門行街食飯，朋友推介屯門貝爾特酒店的Pentalounge, 由西鐵行過去只需要幾分鐘就到，好方便！餐廳環境設計好young ，行工業風，坐得舒服，有梳化位，最啱傾偈食飯，佢果然冇介紹錯，賣相精緻好味，價錢唔貴，經openrice book 枱仲有8折！我地叫左3個set lunch share, 包左餐湯主菜餐飲甜品1）餐湯喺西蘭花忌廉湯落咗好多西蘭花🥦，超足料，仲打得好細滑2 ) 主菜我叫左泰式香煎牛扒青木瓜沙律牛扒肉質鮮嫩，牛扒同個青木瓜沙律超match，酸酸辣辣好開胃，健康好味又唔肥膩3）朋友主菜叫咗炭燒紐西蘭牛柳配半邊牛油烤龍蝦🦞牛柳煎得剛剛好五成，肉質香嫩多汁，龍蝦鮮甜彈牙，連配菜都有細心烹調，蘆筍香甜爽口🫰🏻4）另外一個朋友叫做西班牙海鮮飯西班牙海鮮飯真係用蕃紅花煮出嚟👍🏻，唔係出邊餐廳咁落黃薑粉，佢哋落足料有好多海鮮，我食到有魚柳大蝦青口🤤真係堅好食！5）甜品我地都係一樣叫咗西多士佢嘅西多士特別之處係一啲都唔油膩，同平時喺茶餐廳食嘅傳統西多士好唔同，佢哋唔有之餘仲好酥脆可口！整體來說，我地都非常滿意，一定會encore!

其實睇過食評，冇乜期待👉🏻👈🏻食物款式少唔係問題哦🥱花少少心思用心去做 應可值回票價$3xx一位午餐想食到一個美味嘅午餐都咁難？比我想像中仲要差到一個極點🫥係咪應該考慮不適合做自助餐？🤐

環境,工作人員衣著,食物全部一個字'頹'. 食物種類少, 食物份量都少. 和宣傳圖片相去甚遠.啲蝦蟹,青口唔係好似圖片所示, 係用一個細兜裝住, 份量好少.川式水煮蝦淡然無味連(懷疑有冇落鹽),連麻辣味都無.沙巴龍躉第一輪食完好耐都無再Refill, 好啦等咗好耐終於上啦點知係唔熟的,魚肉除咗肚腩尾巴其他地方完全剔唔到. 黐到實一實.龍蝦伊麵, 成大盤麵得三四舊龍蝦仲要係龍蝦腳, 啲龍蝦腳好快都無埋, 剩低成盤麵攞咗成晚. 西冷麵檔成晩唔見有職員係度, 唔知果檔有咩用, 人客自己煮埋??甜品款式少得可憐. 

這裏麻雀區雖小但五臟俱全，食物味道出色，價錢非常合理。而且人流唔多，好好坐、好舒服。還記得入嚟嘅時候，見到啲食物擺放地方好似好細，以為咁嘅價錢唔係食啲咁嘅嘢嘛。點知Tong真係起身埋去望清楚，原來係麻雀雖小五藏俱全，每様食物份量雖然小但係種類唔少，值得推薦

很久沒吃自助餐了，就近訂了家裡附近的酒店自助晚餐，性價比很高，有關東煮，羊排牛排海鮮等，熱食都不錯，甜品有我喜歡的窩夫，movenpick雪糕等，人均都是三百幾，還包泊車優惠。

由於訂唔到位食中秋做節飯，見到近屋企間酒店係kkday 有優惠，不妨試一試。環境方面，酒店係工業區，行工業風，當然唔係什麼星級酒店，但座位寛敞，枱與枱之間絕對多過1.5米，感覺舒適。取食物區雖然唔大，每款食物都唔係好多，但職員refill 得快，以保持新鮮。食物方面雖然種類唔多，但確實每款食啲啲都好足夠有餘，而且味道有水準，真係意料之外。家人也覺得滿意。當然呢個價錢，唔好期望有好多海鮮、高檔食物等，但以環境及味道質素，絕對合格有餘。推介食品：關東煮、芝士tart、炸魚條、口水雞翼、磨菇湯、waffle、話梅蚊豬手、安格斯牛柳粒、自家製豆腐花

今晚一行4人去食set dinner,食咗鱸魚、蝦set，食物有水準，同埋最難得服務之好，屯門區少見。我爸爸不小心倒瀉啤酒，有兩個侍應立即拿紙巾走過來抹枱，還問我爸爸有沒有弄濕。服務非常好，又有禮貌👍👍一定會再光顧！

2年前我已經去過呢間酒店餐廳，但只係for drink. 當時已經好鍾意佢夠寧靜，可以慢慢嘆，不受騷擾。而且酒精類價錢相比新墟啲bar,其實一啲都唔貴。由於疫情關係，依家餐廳sofa位都唔開放俾人坐，波枱都唔開放俾人玩。我同朋友平日3點零去，都係得2枱客，對我黎講，梗係覺得爽，最好俾我慢慢坐。由於少人，所以waiter都得1，2個，所以order需要少少耐性。menu有咩食？外賣自取個list已經齊哂，我就叫左鱸魚併大蝦，而朋友就叫左burger， 上菜唔算快，但就非常好同時一齊上，唔使其中一個食住等。鱸魚嫩滑，無雪味，但大蝦就得一隻，物以罕為貴呀～而朋友個burger都幾吸引，食左一啖，幾肉質juicy。夜晚我仲要order左份鰻魚炒飯做外賣，份量岩岩好，而且仲好好味。外賣仲要7折總括，雖然酒店餐廳少人去食，但食物質素都算唔錯。屯門想避開啲人，但想係巿中心附近食嘢坐得舒舒服服，可以一試。

母親節前夕餐廳提供「母親節暖心海鮮晚市自助餐」，價錢比佢地平時既自助餐貴少少，但係多咗雪場蟹腳同埋酥炸生蠔。雖然放野食既地方唔大，但係menu入面所有野食都有出現，絕對無呃人！冷盤溏心蛋最好食，花雕雞翼唔夠味，完全食唔到酒味，煙三文魚比較鹹，食落麻麻。海鮮都好新鮮，蟹腳唔會好細隻，有淡淡既海水味，讚！熟蝦都好彈牙，其他就一般。熟食最推薦係焗扇貝同埋酥炸生蠔，超級新鮮又好味！夠膽話好食過好多餐廳酒店！扇貝出咗兩轉就無再補啦，如果見到就要拎多兩隻。即煮station有海南雞飯，雞肉好滑，油飯就一般。切肉既牛西冷好味，唔會好老。麵檔有好多選擇，都好味。甜品就認真麻麻，不過有Movenpick，淨係食雪糕都夠啦！另外豆腐花有驚喜，好滑。本身對呢度自助餐無咩期望，但係食完竟然有驚喜，好滿意！

今天來到這家酒店居住, 整個酒店裝修非常工業化, 酒店樓下這間餐廳裝修也很特別, 內裏有很多小孩娛樂設施, 包括足球機美式桌球和一些棋類遊戲。而且地方非常寬敞，座位與座位之間隔得很開。點了他們中午套餐川椒雞煲，配上番茄土豆湯，一碗豆腐花和一杯咖啡，住客打八五折後才109元算是性價比不錯。川椒雞非常入味，醬汁配上白飯吃數碗飯都可以。番茄土豆湯味道也不錯，豆腐花做得非常精緻而且很嫩滑，最後配上一杯咖啡，能在這樣寧静的環境內吃午餐確是一種享受。

佢係工廠改建， 環境舒服， 服務都好， 新曾咗執碗姐姐， 感覺比較安全， 我order咗魚，跟咗一隻蝦， 蝦好甜， 魚就 味道正常， 但對我來講， 唔夠飽... 最後甜品係熱豆腐花， 上枱 精緻， 有糖水或黃糖， 我選擇黃糖， 好好味， 好滑， 正過main course.😆😆

係2020最後的一星期，係酒店stay左一晚，房間就不過不失la，無期望無失望。check out完約左姊妹shopping未夠鐘。。就係酒店餐廳叫了杯drink，hea 下時間，原來當日收3pm，好彩無趕我走啫，間酒店d餐具擺設行工業格！！想走之際姊妹又話要叫外賣，叫完三心兩意，又問下有無折，哈哈節儉小妹嘛！不過個靚仔水吧哥哥就值得一讚啦，高高大大西裝骨骨得黎又好有耐性，叫個外賣問左三四次都無炸型(原諒我係香港女孩），下次都要約埋姊妹去hea 下先

屯門這間半自助晚餐，選擇很多。一個主菜，平時酒店沙律，小食，芝士，熱盤，冷盤海鮮，飲品都有。 由於疫情關係，服務員會幫你夾或部份寫紙廚房安排，基本任食都飽肚，例如:芝士蝦球伊麵黑松和牛炒飯燒西冷朳燒羊肉雲吞雞德國咸豬手烤加拿大豬柳主菜4選一我選了肉眼蓋感覺比較少見5成熟，粉嫩但口感有6-7成熟，有些失望火灸吞拿魚凍豆腐不錯寫紙任吃凍海鮮有1點比較不滿意，因為麵包蟹只有膏好吃，身上肉沒味道只有雪味，餐廳選2件，得半件蟹蓋，選4件，也是半件蟹蓋想哭……凍蝦比較好味，青口大蜆都是雪味道……燉湯水準非常高，比酒家更出色，超熱有豬骨，雞件，細花膠1件，紅棗，杞子，雪蓮子，沒味精真的燉湯，驚喜如果酒店住客有7折優惠

星期五想食好啲， 所以嚟到呢間酒店，酒店附近有唔少工廠大廈，呢間酒店係同區來講算係高格調午餐有唔少選擇，有中式同西式，午餐全部都配餐湯，可以揀中通或者細湯，同埋基本飲品好似檸檬茶咁，仲限時優惠送甜品，有豆腐花，紫米露或者朱古力蛋糕可以揀因為我比較鍾意食海鮮，所以揀咗香煎比目魚配虎蝦配黑松露忌廉汁虎蝦有兩隻， size唔算太大，但算有鮮味同埋煎得幾香，比目魚份量不大不少， 同樣煎得幾好， 反而個忌廉汁就唔係好食到黑松露味總括來講我覺得呢個襯比較適合女士，去買個餐湯飲品同甜品，份量啱啱好