五穀豐收 (已結業)

.五穀豐收: 炒雜菜五榖飯$41.整體黎講好健康，唔鹹無味精，難得有五榖飯，價錢合理，種配豆腐同豆漿，但感覺上，呢一餐豆類製品好多😂另來，呢間其實都有d肉食(例如金菇肥牛)同其他素食，多元化🤤👍🏻.炒雜菜雜菜包括：四季豆，蓮藕，蘿蔔，木耳，冬茹，娃娃菜，豆卜。什菜係用南乳炒，唔會死鹹好入味😍尤其是個豆卜，吸晒d汁，真係一流🤤.而飯方面有粟米，紅米，糙米，燕麥。穀類方面唔會話得幾粒👍🏻糙米你會見到真係有穀殻，好有口感，d汁用黎撈飯一流。.豆漿真心高質，係濃稠嘅，飲到最尾會有少少腐竹😍😍😍值得一試.五穀豐收 (佐敦)地址：佐敦白加士街19號地下.🎈健康小貼士：食白飯睇落好肥，不防轉食五穀飯，例如糙米嘅膳食纖維是白米的8倍、維生素E是10.83倍。豐富嘅維生素B群，也能促進身體新陳代謝😊

日前與兩位好友來到佐敦白加士街，在這美食林立的地區找個午餐。走過店前，店名為五穀豐收，看來是清淡的感覺，看看店門餐牌，都是一些家常小菜，似乎很健康，決定入去試一下。店內裝修很簡單，一般茶餐廳的感覺，餐牌也很樸實。從餐牌可以看出，可選套餐配飲品或甜品，而價錢略有不同，仍很相宜。於是要了三個不同菜式及甜品，店員告知甜品可以稍後再挑選。只是等了大約數分鐘，職員已為我們送上食物。生菜湯鯪魚球，滿滿的生菜，碗中都是鯪魚球，鯪魚球則是由蔥花及點點陳皮制成，朋友說魚肉味很香，雖不是很突出，口感卻很不錯，五穀飯混合多種穀物，很有咬感，而且又健康。朋友要黑椒雞扒，想不到配一份豆腐，很意外。雞扒口感一般，卻是很入味，軟綿綿的雞肉，盡是黑椒汁的香味，點點辣味，剛好點綴，豆腐滑滑，很香豆味，朋友說很久沒吃過豐富豆味的豆腐，菜飯很普通，不多店鋪可有提供，已經很滿足。我的是回鍋肉，也是己一份豆腐，很有特色。椰菜盡是回鍋肉醬汁味道，很有咬感卻又軟，正是我喜愛，豬肉片很有咬口，味道剛好不太濃，再配口豆味濃郁的豆腐，一清一濃，非常的配合而又吸引。飯餐吃過後，我們也要了甜品。兩位好位都要雪蓮豆奶，初時還以為是杯裝送上，誰

返工返得咁辛苦，就算要儲錢，返工日都要搵日出去同同事食吓飯，輕鬆吓。 這間五穀豐收在我舊公司附近，以前已經覺得佢套餐抵食又健康。 恰巧現在公司也在能走去吃這間餐廳的範圍內，也介紹了其他同事去食，同事們都讚不絕口。（想想也開了近十年）五穀豐收是一間平民又不算起眼的食店，位處佐敦百加士街近九龍公園那邊。 其實佐敦這邊有很多食店，中西日韓泰樣樣有齊。而五穀豐收能讓我和同事們都想encore的原因，就是平、靚、正，仲要健康，對於打工仔又豈能不愛呢？回到正題，店內沒什麼裝修，不過都乾淨整潔。 除了飯餐，也有麵餐，不過我每次也是吃飯餐，所以不知麵是怎樣。 飯餐方面，一個餐點一個餸，然後必然會附上蒸豆腐。另外飯有普通白飯，菜飯或五穀飯可以揀，而我每次也會揀菜飯。午飯時間仲會送冷/熱豆漿。雖然這間小店沒有湯水，但已非常滿足。今次餸揀咗野味雞及青檸豬排。野味雞是切雞類咁，上面有少少花生，辣辣地，又真係幾野味。唔知係我好彩定只點，仲比咗雞脾我添。青檸豬排就是煎豬排，附上一小件青檸給你自己加。 肉整得好淋，煎得啱啱好，唔會死實實咁，食咗去仲有肉汁，好味！豆腐是清蒸，加一點豉油，滑到好似豆腐花咁，當覺得肉有點

早排去佐敦, 經過這間店舖, 見佢有飯, 有麵, 又有甜品食, 於是入去光顧。店舖唔算大, 但整潔。要了碗冬陰公湯豬扒泰式薯粉。好香嘅冬陰公湯味, 唔算辣, 啱晒我只喜歡吃少辣的人。豬扒細細地共有 4 塊, 肉地唔靭, 仲有豆腐蘿蔔各ㄧ件, 蘿蔔好淋, d 薯粉也很煙靭, 整體嚟講係唔錯。配了ㄧ杯凍椰汁西米露, 好多西米, 椰汁夠香濃, 又唔會太甜。原來十二點半前落單, 送多杯奶茶, 或者豆漿, 紙包飲品亦可以。因為已經夠飽, 我要紙包飲品, 可以帶走。

晚上自己一人在佐敦聽講座，就上網先search到那裡吃晚餐，找到附近有這間餐廳，簡單健康，就去試試。6點去到餐廳，時間尚早，不用等位，但要跟另外一人搭枱，看來她是一位常客。簡單的Menu套餐，但看起來餸菜及甜品飲品的選擇也頗多，我選了照燒什菌套餐配五穀飯，再加$8就有一碗芝麻糊。餐送上時才知還有一大份豆腐送，非常嫩滑，很有豆香味，什菌主要是雲耳及一些應該是雞脾菇之類，芝麻糊相當香甜幼滑，很抵吃的一餐。

今日經過見到E間鋪名好特別，有點似古代名，望望餐牌又幾吸引所以就買尼食，但因為趕時間所以只可以叫外賣。我叫左佢個餐，佢的餐有野飲，但野飲又可以轉糖水。所以唔想飲野的可以考慮轉糖水。我叫左黑椒牛丸番茄湯米線，番茄湯味道頗濃，亦有一兩粒番茄可以咬下米線份量好多，唔好見佢個碗細細地，但米線好似食極都仲有糖水係椰汁黑糯米，雖然係膠碗上，但等左好耐都仲好熱，所以如果大家外賣個餐就記住食個maindish時就打開個糖水等佢凍。黑糯米頗有咬口，椰汁亦好多，多到包住每粒黑糯米，味道好濃。

今日lunch去左佐敦站附近既五穀豐收食飯，地鐵站行過去都係5分鐘左右。入到去睇下都有幾多選擇 而且有飯有麵可以選擇 飯都可以選擇白飯 五穀飯同菜飯 而我一拎起餐牌就比黑椒蜜汁雞翼吸引住 呢個蜜汁同岀面吾一樣既係佢既汁吾會好黏 吾會痴到成咀蜜汁 另外每個餸都會有豆腐送 豆腐好滑好似豆腐花甘 另外飲品就比較貴 最basic既都要加8蚊 如果揀糖水就加12蚊 當然可以選擇吾加啦

放工係佐敦附近搵野食…朋友仔推介有間健康食菜飯既餐廳…決定走去試下舖頭唔算大…晚飯時間可能都要等一陣位見到大部份人都係揀套餐…有餸有飯有甜品…幾多選擇叫左個金陵牛腩…份量就真係少左啲…得兩舊平…不過食落都夠淋夠入味豆腐呢就非常之滑…好食配左菜飯…菜既比例都多…而飯都有晒菜味…朋友就叫左五穀飯…就好似平時啲紅米糙米飯咁…比較硬少少今次叫左野飮無叫糖水…下次再試健康得呢價錢又合理…想健康吓一晚一定要試下

間唔中都會黎呢度食晚飯，因為佢既套餐係一餸一飯一普通飲杯＝＄50（如上圖所示），佢既味道比較清淡，你揀一個餸仲會送埋豆腐比你，金菇肥牛非常入味，每次都係呢個餸 飯既種類有五穀飯/菜飯，佢既五穀飯有點硬，未必個個鐘意，但就非常健康！飲品方面我每次都會點腐竹薏米水，清甜解渴又唔太肥，個人非常喜歡！朋友點左呢個豬頸肉，酸酸甜甜的豬頸肉非常開胃，份量適中！如果間唔中想清淡下，呢度會係我既不二之選！

我時不時都會嚟呢度食嘢,但係第一次介紹俾大家. 因為我覺得佢煮啲嘢唔油膩，調味亦都唔會太濃，唔會太多味精.相對於其他食肆比較健康. 淨係個飯，都已經有三款選擇. 你可以選擇菜飯,五穀飯或者白飯. 而我今次選擇菜飯. 菜係切粒的小棠菜，大小剛剛好.菜同飯的比例亦都好合理，食落好清新.飯的軟硬度適中，加埋啲菜，口感唔錯.餸方面也有很多選擇，有啲係冬天限定. 而我選擇了夏天限定的豬頸肉. 豬頸肉煎得好香，調味剛剛好，最緊要係唔太重味. 加埋嗰啲甜甜酸酸嘅汁，十分開胃. 佢啲汁又唔算太多,剛剛夠你點晒啲豬頸肉. 佢仲有樣好特別嘅嘢，就係你叫任何餸，佢都會有蒸豆腐分上. 加少少豉油撈埋食,都幾香㗎. 佢嘅豆腐好滑，但我覺得豆味未算太強烈. 食完飯梗係一定要來個甜品。佢都有好多款你哋選擇。我自己會推介薏米腐竹特飲，芒果布甸也是我致愛.

早幾日出去佐敦, 順路幫襯我最愛食嘅清湯牛腩米線。牛腩炆得好林好入味, 碗米線ㄧ d 油膩嘅感覺都無, 奶茶係送嘅, 因為未到食午餐嘅繁忙時間, 最後加個芒果布丁, 可惜唔夠花奶。

每次到佐敦, 我總會光顧的。今次 order 了豬扒冬䕃公薯粉, 豬扒唔靭, 湯底唔會太辣, ㄧ個字 , 甜品揀了芒果布甸, 因為 12:30 前落單, 所以送多杯熱奶茶, 唔鍾意奶茶嘅朋友, 可以揀凍豆漿 or 紙包飲品, $45 就可以埋單走人

早排見朋友黎左呢間餐廳度食飯，post 左幾張好有家的味道的餸菜餸菜，所以吸引左我嚟試一試。見到個餐牌，就已經有選擇困難症出現，因太多選擇。我最後揀咗食米線，要木耳和泰式燒肉配番茄湯底，甜品要咗個薑汁燉奶。湯底的味道夠濃，只係太少蕃茄，多兩件就更好了。不過食食下個木耳，先發現原來係雲耳，有點失望。建議下次再叫泰式燒肉分開上會比較好,因為個皮會浸到淋晒，唔脆。薑汁燉奶好夠姜，燉奶都好滑呀,好味到唔記得影相。下次我會再試吓啲飯餐。

一直對於米線既印象都係連鎖個兩三間，今次既呢間店舖一樣係食唔同粉麵，但都有啲驚喜😋-其實睇menu係俾鮮茄湯吸引而試既，而且價錢方面係佐敦算幾平😆 叫左最愛既豆卜，但食落有少少鹹，所以要一路食住餸一路配埋米粉食😆 睇相可以見到，呢度既茄湯係用真蕃茄熬出黎，而唔係一般餐廳用味精居多既～🍅 我諗鍾意蕃茄既朋友可以去試下！-食物方面都算足料，係夠一個女仔食既份量😛 選擇亦都有好多，同埋比較特別既係呢度有得揀ABC套餐，可以配甜品同飲品，啱哂想係度食哂正餐同甜品既慾望🤤 -環境方面，我八點幾去個時都冇咩人，唔使等位，食完又唔會有好快趕你走既感覺，所以服務同環境都OK!-呢個質素同份量我覺得都算係對得住個價錢，行經可以一試！😛

係附近買完野跟住要揾食， 老公話要食蕃茄湯底， 咁岩呢度有， 一於試下啦叫左2個餐， 呢個係蕃茄湯牛腩&泰式燒肉米線。 湯底色水好靚， 但飲落唔重蕃茄味， 應該有落茄膏， 呢度sell健康野但蕃茄湯少鮮茄味仲落埋茄膏就真係唔合格啦。 唔夠味落埋薯仔一齊煲其實已經好甜， 成本亦唔貴呀！ 餸方面味道唔錯既， 牛腩夠淋又入味， 可惜得2舊。 燒肉都係2舊， 皮已經唔脆了， 肉質好鞋好實， 但肉味幾香， 食唔到泰式既感覺， 可能泰式同港式無咩分別。五穀飯配西檸雞翼到。 賣相幾好聞落好香檸汁味， 仲配左份我唔知會有既豆腐， 第一印象相當好。食啖飯先， 有點乾硬， 我屋企食開紅米飯都唔覺有咁硬。 睇唔出有五種穀物， 不過無所謂啦， 個飯撈左檸汁好好味， 因為個檸汁做得唔錯， 但餐牌明明係寫西檸， 黎到無論片檸檬定個檸汁都令我覺得佢係普通黃檸檬。雞翼已經唔脆， 但個汁好味補救返！ 整體都唔錯。 最驚喜係個豆腐， 好滑而且豆味相當濃厚！ 勁好食！跟餐有糖水， 揀左最貴果系列， 仍然好抵！海底椰椰汁西米露， 椰汁好香， 海底椰都唔少， 正！椰汁黑糯米， 又係椰汁好香， 黑糯米煮得軟糯， 又係正！