平時好小食拉麵！因為通常出面既拉麵都係得個鹹字，我只係會去呢度食‼️就係因為呢度係唔會有味精，同埋唔會咁鹹，但又有佢本身既湯底同配料既味‼️之前都有去開其他分店，今次都算係第一次係調景嶺食，而我都算係熟客‼️間中有時間就會係度食‼️上次食過，都可以再食，仍然都係食味增炸餃拉麵，炸餃子同拉麵分開上‼️拉麵好新鮮，即刻整好就食得‼️湯底好香，食完晒拉麵都忍唔住要飲埋湯，再食埋餃子，炸過就更加好食，餃子再浸一浸湯底‼️更加正，平時既食法就係咁，呢個拉麵既味道依舊一樣咁好‼️一個人都夠晒食，拉麵仲有蛋同紫菜，同埋裡面既拉麵其實都好多，以我細食既人來講，都真係夠‼️然後仲要飲埋黑糖珍珠奶茶‼️質地夠晒滑，黑糖既味真係好正，其實令我諗起台灣既黑糖，依舊食過都係咁好‼️仲可以保持質素‼️值得支持同幫襯
環境乾淨，舖頭美觀，永遠支持只吃麵匠八‼️
味道👅👅👅👅👅👅👅
環境👅👅👅👅👅👅👅
質素👅👅👅👅👅👅👅

💯💯今日考試，考完試一身鬆晒，要食返啲嘢慶祝一下，一個人去食拉麵，呢度叫做麵匠八，係調景嶺既，門口有兩個明顯既牌，成間舖都好易睇，入面既環境好靚，特別鍾意牆身既畫，仲可以打卡添，入去時坐好之後，都睇過有好幾種唔同既拉麵，見到想食既食黑鬼叉燒拉麵，睇落去夠晒飽肚，價錢都好合理，等左陣好快就整好，佢既湯汁好濃郁，仲有叉燒同埋半隻蛋，蛋整得好好味好入味，個底仲有好多拉麵，拉麵好好食，呢度既質素都好好，有機會再試其他既款式 💯💯至於小食就試一份野菜餅，平時係出面都好少見，我平時都唔鍾意食菜，但係呢份又整得唔錯，好好食，再加上呢種小食又好少見，見佢咁特別，但又好食喎 。 💯💯食咁多固然都要解渴，抹茶紅豆鮮奶，嗰種獨特嘅滋味真係會令人難忘。首先抹茶嘅香氣濃郁，帶有點點苦味，卻又潔淨純粹，喺舌頭上留下淡淡嘅茶味回甘。再搭配上紅豆嘅甜香，那種天然嘅甜味同抹茶完美融合，既不會太甜亦不會蓋過抹茶嘅清香。 而講到鮮奶，就更加係整杯飲品嘅靈魂。鮮奶嘅濃郁輕柔，好似絲綢咁滑過喉嚨，同抹茶紅豆融和喺一起，口感層次豐富，每一啜都係享受。不單止，嗰種奶香同茶香嘅結合，又好似帶來咗一種放鬆嘅氛圍，讓人心情都跟住平靜落來。
總體上說，抹茶紅豆鮮奶呢款飲品既可以清新提神，又可醇厚滿足。尤其係酷暑炎炎嗰陣，一杯冰凍嘅抹茶紅豆鮮奶，真正係消暑解渴嘅好選擇。每一啜都好像喺紛擾嘅日子中尋到一份寧靜，絕對係人手一杯嘅好物。

一個人原來都可以盡興🥹，今晚要一個人食飯，不過我覺得都要食返啲好嘢！令到自己感覺冇咁寂寞空虛😂喺調景嶺商場就搵到一間我最想食嘅拉麵！ 💯番茄肥牛拉麵 番茄肥牛拉麵，真係一碗色香味俱全嘅好湯面🍜！番茄湯底酸酸甜甜，用嘅係成熟嘅新鮮番茄熬製而成，湯色紅潤，每一啖湯都飲得到番茄嘅自然鮮甜，而且仲有濃濃嘅蕃茄香氣，一飲落去暖笠笠嘅，一掃外邊陰冷嘅空氣😋。

而啲肥牛就更加唔使講，薄薄片切，肉質鮮嫩多汁。個肥牛放入熱湯一瞬間就煮得啱啱好，保持咗牛肉嘅嫩滑唔會過火，柔軟又入味🥩。配合哂啲番茄湯底，嘅甜味同肥牛嘅鮮香，絕對係一個絕配😍。

至於啲麵條，同樣係有咬頭，吸收足夠嘅湯汁，食落去啲麵並唔會太軟，嗰種韌性令人很滿足(🍜)。食啲拉麵嘅時候，仲可以加啲青菜或者蛋，令整碗面更加營養均衡🥦。

總之，一碗好番茄肥牛拉麵，既能夠暖胃，又能夠滿足對美味嘅追求😌。每次食完都覺得好滿足，好幸福。而且，喺凍冷嘅天氣裏面，能夠食到一碗熱騰騰嘅拉麵，簡直係冬日裏嘅一盞暖燈🔥。真係令人食咗之後提提神精神滿滿👍！💯忌廉粟米流心脆餅 勁鍾意食佢呢個小食，好似喺其他日本拉麵店都唔多覺，下次決定一定要再嚟食，忌廉粟米好香甜，重點佢個脆餅仲要係流心！💯芋香芋泥奶茶 最後當然仲叫咗一杯最邪惡嘅芋香芋泥奶茶，啱晒我呢個芋泥控！

今日嚟到調景嶺食飯，呢度嘅商場好似唔多嘢食，唯一一個吸引的就係呢間小神燈。餐廳入邊環境非常之特別，雖然係大排檔中餐館，但係裝修非常有心思。呢度有勁多菜式選擇，真係諗得到嘅都有。菠蘿咕嚕肉外皮酥脆，內裡鮮嫩多汁，酸甜醬汁更係菠蘿咕嚕肉嘅靈魂，令人食完想再食。沙薑焗海花螺嘅肉質鮮嫩，沙薑醬嘅醬汁又蔥味，估唔到依個組合咁特別。用住竹籤撩出嚟更加有大排檔風味。金沙鬼馬百花釀油條係一個好有創意嘅菜式，其實係將油炸鬼切開，釀入墨魚滑再鋪滿鹹蛋醬落油鑊炸。真係勁惹味，好想問餐廳有冇一包裝買。椒鹽瀬尿蝦嘅椒鹽味道非常香口，令到我本身唔係好大興趣嘅，都越食越上癮。爆膏奶油蝦嘅大蝦鮮甜彈牙，奶油汁嘅味道香滑濃郁，重點係蝦頭嘅膏真係一口爆發出嚟，非常鮮甜。奇趣脆皮豬手炸得皮脆肉嫩，估唔到嘅係豬手嘅皮爽脆得來，肉質可以保持腍滑，我覺得比起西餐廳煮嘅德國豬手仲更加好味。本身以為調景嶺冇野好食，但好彩畀我搵到依間小神燈。

聖誕和家人一齊聚餐，我們在調景嶺那邊又不想專登搭車出去，那就一於去彩明商場的「小神燈新派飯館」。我向家人都一致認為小神燈是調景嶺區最受歡迎的中式餐館，最適合一家大細聚餐。進入小神燈，馬上感受到濃厚的港式大排檔氛圍。餐廳的裝潢採用懷舊的大排檔格局，充滿了懷舊的氛圍。內部裝飾著許多香港霓虹燈牌，營造出夜繽紛而熱鬧的氛圍，這些燈牌也是很多人打卡合照的位置。飯館的裝潢設計成功地再現了香港大排檔的風格，讓人彷彿置身於香港的街頭小巷，不用專程出去廟街。作為大排檔混合新派中式飯館，小神燈所提供的菜式可算是應有盡有，想得到的港式小炒都一定有。▰ 1. 菠蘿咕嚕肉 咕嚕肉亦是港式經典菜品之一，用來測試餐廳的功力便是最好不過。小神燈將軟嫩多汁的炸嫩豬肉塊與菠蘿、彩椒等配料經過炒製，再搭配特製的甜酸咕嚕醬，弄得酸甜香脆，食完一粒又一粒。▰ 2. 啫啫唐生菜煲
小神燈將港式啫啫煲味道調得非常惹味，鹹香得來又不會太過酒膩。唐生菜焗香之餘，還伴上大量蝦乾和肉碎，用來伴飯實在一流。▰ 3. 奇趣脆皮豬手 想不到，小神燈的脆皮豬手是這麼高質。廚師先將豬手外皮炸至金黃酥脆，但卻能將肉質內部保持著軟嫩，吃起來香脆可口，非常好食。另外，亦可配上沙律醬和黄芥辣醬，沾上之後豬手的味道更加豐富。▰ 4. 爆膏奶油蝦 將蝦一剝殼，內裡的蝦膏突然爆發出來，味道非常鮮甜。蝦肉亦都鮮嫩多汁，搭配奶油醬汁，再以豐富的蝦膏混合，形成了口感豐富的味道。▰ 5. 椒鹽瀬尿蝦 不是很多大排檔可以食到椒鹽瀬尿蝦，難得見到那就要懷念一下其味道。瀬尿蝦先裹上椒鹽調味，炸至外酥內嫩。椒鹽的香氣與蝦肉的鮮甜相得益彰，實在是非常惹味。▰ 6. 沙薑焗海花螺 這份海花螺配以薑蓉和香料，經過焗烤而成。海花螺肉質鮮嫩，口感彈牙，搭配薑蓉的辛香和烤製的香氣，作前菜小食一流。▰ 7. 金沙鬼馬百花釀油條 酥脆的油炸鬼內部先填滿了墨魚滑，再裹上濃厚的鹹蛋黃醬，非常香口好食，油炸鬼、墨魚滑、鹹蛋黃醬，這三個創新配搭混合絕對推介。小神燈新派飯館充分展現了港式美食的獨特風味。想品嚐正宗的港式小炒，不用去廟街了，直接過來小神燈更加舒適。

位於將軍澳調景嶺站「小神燈新派飯館」裝潢以老香港為設計靈感，店內有多個打卡位，香港獨有的大排檔設計，配搭五、六十年代常見的綠鐵皮攤檔、街市紅色吊燈及霓虹燈招牌，充滿香港的集體回憶味道，影相打咭一流👍🏻 店家不時推出時令新派菜式，今期就係最啱我嘅限定海鮮大餐，包括有「爆膏奶油蝦」、「椒鹽瀨尿蝦」、「沙薑焗海花螺」等等，真係聽到都想食😋😋 🐓▪️餐前小食藥膳雞腳 一坐低店員立即會送上香茶和餐前小食，可以一邊食一邊點菜，小食藥膳雞腳炆得軟腍入味，充滿藥膳香味 🦐▪️爆膏奶油蝦 超大隻既大頭蝦，醬汁充滿牛油香，蝦頭爆膏又甘香，蝦肉爽口彈牙，配上奶油醬汁好滋味 😋▪️椒鹽瀨尿蝦 瀨尿蝦細細隻，肉質鮮味又多膏，用上避風塘材料，辣椒、炸蒜、香葱爆炒，好有鑊氣，香辣又惹味 🍤▪️金沙鬼馬百花釀油條 必點招牌菜式，彈牙既蝦膠釀在油炸鬼上再炸香，再用鹹蛋黃醬汁爆炒，可想言之有幾邪惡就有幾咁美味，味道鹹香口感香口又彈牙，而且仲一啲都唔油膩，超級美味 🐚▪️沙薑焗海花螺 白灼花螺就食得多，原來用上沙薑醬爆炒完之後咁好味，海花螺口感煙靭爽口好鮮味，配上醬汁充滿沙薑的鹹香，配搭得非常好味 🥬▪️瑤柱扒荳苗 食咗咁多海鮮梗係要點個菜，荳苗冬天食就最當造，新鮮又翠嫩，配合瑤柱芡汁味道非常之夾

自小神燈開張後，調景嶺不再是美食沙漠😌 無論早午市的點心，晚市的小炒等等都有一定及穩定的水準！ 難怪客似雲來，愈來愈多街坊棒場！ 小神燈話咁快開業一年，推出期間限定秘製餐牌😋 今晚同屋企人黎小神燈試下佢地d 海鮮! 好回味😋 日後想食海鮮都唔駛刻意去西貢了 - 🔸豉汁蒸無骨大白鱔 $198 爽口又惹味的豉汁蒸白鱔是我很喜歡的菜式之一！ 白鱔去骨，肉質爽彈，配上咸香豉汁，色香味俱全 - 🔸蒜茸粉絲蒸元貝 $128 元貝大粒又彈牙！ 新鮮蒜蓉粒去蒸超級惹味，底部粉絲吸進湯汁精華，好正 - 🔸椒鹽瀨尿蝦 🦐 $168 是香港的招牌海鮮菜！ 夠哂鑊氣！ 一上枱就香氣撲鼻😌 肥美的瀨尿蝦沾勻炒香的椒鹽，令人吃得津津有味 - 🔸金沙鬼馬百花釀油條 $98 邪惡的東西，總是那麼美味！ 一向很喜歡香口的炸物😋這份金沙鬼馬百花釀油條！ 非常美味！油條炸得金黃脆香，加上彈牙的蝦膠及滿滿的鹹蛋黃，食指大動😋 - 🔸沙薑焗海花螺 $128 花螺肉質爽口，用上新鮮沙薑焗製，不油不膩！ 而且沙薑獨特的香氣令人難以抗拒，與海鮮的鮮香互相配合，入口惹味

提早做冬，又去了調景嶺的小神燈新派飯館吃中菜。餐廳走港式懷舊風蠻有格調的～餐廳菜式選擇很多，這次就試試這裡的海鮮類🍴 🔸金沙鬼馬百花釀油條 金黃邪惡的鹹蛋黃醬裹滿了百花釀油條，香口又惹味，非常下飯 🔹爆膏奶油蝦 大頭蝦很多膏呢，還細心的開了邊！濃郁的蒜蓉奶油香氣撲鼻，好吃得啃指🦐 🔸椒鹽瀬尿蝦 瀬尿蝦撒上滿滿的椒鹽去爆炒，帶點辣勁，是下酒菜的不二之選🍻 🔹沙薑焗海花螺 份量十足的海花螺，用竹籤挑出來就可品嚐，肉質彈牙爽口 🔸哈哈哈大笑炒飯 冬日要吃碗熱騰騰的炒飯暖胃🔥 炒飯炒得乾身粒粒分明，加了櫻花蝦、蝦仁和翠肉瓜，色香味俱全🍚

小神燈新派飯館 (將軍澳) 📍將軍澳調景嶺彩明街1號彩明商場2樓251-252號舖 年尾真係好多約會同朋友揀咗嚟呢間餐廳 裝修得好靚 好有香港特色 金沙鬼馬百花釀油條 點做呢款做前菜 極度邪惡 蝦膠份量都多 外面包滿黃金鹹蛋黃 炸得好脆 爆膏奶油蝦 蝦肉鮮嫩多汁 外層包著濃郁的奶油膏 煮得剛剛好 奶油膏的香氣與蝦肉的鮮甜好夾 椒鹽瀨尿蝦 炸至外脆內嫩 搭配椒鹽的調味 口感香脆 沙薑焗海花螺 新鮮的海花螺為經過沙薑烤焗處理 份量都算幾多 口感彈牙 香氣四溢 風味獨特 絕對值得一試 蒜蓉粉絲蒸蟶子王 蟶子王肉質鮮嫩 搭配濃郁的蒜蓉和彈牙的粉絲 絕對是海鮮愛好者不可錯過既佳餚。

今日嚟到位於調景嶺嘅哩間懷舊港式餐廳。餐廳環境勁有特色，行懷舊大排檔風格，勁多70-80年代嘅佈置，超適合打卡📸 餐廳而家推出咗小神燈一周年期間限定秘製餐牌，逢星期一至星期五先有架～ 🍵晚市茗茶 $13/位 🔺餐前小食（醃蘿蔔） $15/碟 🔸爆膏奶油蝦 $138 哩個真係不得了❗️啲蝦勁大隻，而且蝦頭係滿滿嘅蝦膏，好香，送飯一流，而蝦肉爽彈，非常新鮮，帶有奶油香，絕對係好食推介👍🏻 🔸椒鹽瀬尿蝦 $168 瀨尿蝦被椒鹽覆蓋住，調味相當出色，食落鹹香惹味，令人忍唔住一隻接一隻咁食，亦食得出非常新鮮，同樣係好食推介👍🏻 🔸金沙鬼馬百花釀油條 $98 油炸鬼被鹹蛋黃包裹住，入口係滿滿嘅鹹蛋黃蛋香，油條炸得香脆，夠晒香口～ 🔸沙薑焗海花螺 $128 絕對係一道出色嘅送酒小食，沙薑味道好突出，而海花螺肉質爽彈，亦夠晒新鮮，店員仲好細心地提供竹籤～ 🔸蒜蓉粉絲蒸元貝 $128 元貝全部都大大隻，而且非常新鮮，上面加上粉絲、蒜蓉同蔥花，真係絕配，我自己就好鍾意拎啲粉絲嚟送飯，真係一流😆

喺調景嶺返學，由於我本人好鍾意食米線，有陣時放lunch會特登過嚟食米線！ 午市時間，有時好多人，要喺出邊排隊，仲會成日搭枱，不過為咗盡快可以食到好食嘅米線，搭唔搭枱都冇乜所謂 我每次嚟都一定嗌豬頸肉！超級好食！啲肉好大塊，食落個口又爽脆。佢嘅魚腐都好大嚿，索埋啲湯汁，真係好食得好過分！ 所以嗌一杯鹹檸七就可以幫助解渴 值得一提嘅係佢嘅炸醬，同出邊普通米線唔同嘅係，佢唔係甜甜地嗰種炸醬，而係有啲腐乳味嘅好特別嘅味道，我覺得拎佢嚟送飯都一流🤣🤣 我都有食過佢嘅豬皮，店舖嘅menu有推薦，而我就覺得佢嘅味唔係咁啱我食，但係佢好辣係幾正嘅。 一開始我唔知道原來嗌3餸可以免費送嘢飲🤩之後我再去食就次次都嗌3餸了！ 溫馨提示特飲如鹹檸七係要加$4的 再溫馨提示，佢嘅酸辣湯底係非常之酸，我鍾意佢嘅麻辣湯底多啲，推薦俾大家食

【西貢區】【小神燈新派飯館】經過呢頭都好幾次，但係一直都冇機會入去食嘢，今次終於的起心肝、鼓起勇氣入去食嘢。一向存在感都極低嘅我，見到係 QR Code 落單就心情舒暢，但係飲茶嚟講冇人幫手開茶位都係證明到我確實係存在感低，唔係亂吹。 仲睇緊 menu 時突然進入下午茶時段，攪到我都措手不及，不過重新快速擬定作戰方略都係我嘅強項嚟。所以各 $13.8 嘅「經典魚翅餃」同「家鄉鹹水角」就係因此而叫嘅嘢，味道正常但幾抵食，十零蚊碟點心仲去邊度搵呀。 之後到 $28 嘅「懷舊棉花雞」，近年雞扎少咗落魚肚之後唔錯嘅替代選擇，好味。而 $29 嘅「小神燈蝦餃」就好普通，可叫可不叫。仲叫咗 $29 嘅「懷舊瑤柱灌湯餃」，呢個要自己飲茶先敢叫，費事要人夾錢，味道都可以嘅。 跟住 $25 嘅「懷舊麻蓉包」都係近年少咗茶樓整嘅點心嚟，幾好。下午茶茶位 $10 一位，我叫咗壽眉，好飲。呢度係有加一嘅，不過由於係下午茶時段，我一條友食咁多嘢都只係 $164 落樓，我覺得一啲都唔貴呀，幾抵添。。。 （地址：將軍澳調景嶺彩明街1號彩明商場2樓251-252號舖） #1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am西貢區 #調景嶺 #小神燈新派飯館 #彩明商場 #飲茶 #經典魚翅餃 #家鄉鹹水角 #懷舊棉花雞 #小神燈蝦餃 #懷舊瑤柱灌湯餃 #懷舊麻蓉包 #下午茶 #壽眉 #1am1227 #1ambackup

同朋友喺調景嶺體育館打完羽毛球，朋友話想食燒烤，咁我就諗起呢間小野人，如果喺調景嶺行過去就大約15分鐘，舖頭位置有啲遠，但係為咗食好嘢，行遠少少冇乜所謂，其實之前都食過，今次朋友話想食咁就帶佢試吓啦， 落單方面，佢哋就係用自助落單，所以唔使怕落錯，同埋佢哋上嘅速度都好快，食物質素方面呢，食物嘅溫度都仲係保持得好高水準，佢哋最細心嘅地方就係會用一個熱嘅爐，幫你暖住啲串燒，唔駛怕啲串燒凍咗唔好食，同埋呢度抽風都做得唔太差，唔會好大煙. 鋪頭主打川式串燒，串燒真係燒得唔錯，而每串份量都唔算太多，而我自己就推介金針菇牛五花卷和香蔥豚肉卷。香蔥豚肉卷就喺將香蔥和嫩豚肉卷放埋一齊烤到外酥內嫩，口感豐富，而金針菇牛五花卷就喺將金針菇同埋嫩牛五花肉卷放埋一齊，經過烤製後呢，肉質鮮嫩多汁，而金針菇同肉質的鮮美完美組合. 同埋店舖嘅擺位，都令到人坐得幾舒服，唔會好大擠迫，但係就要早啲去攞位，如果唔係晏咗就會好多人.

呢間嘢真係好唔掂，食過佐敦嗰間總店，將軍澳咁近咁方便開一間就去試吓，始終有總店嘅名氣。 但實在令人太失望，叫咗一個蔥蒜水晶雞，水煮蜆，豉汁陳皮蒸鱔，啫啫芥蘭煲，白灼牛三寶，哈哈哈哈哈大笑炒飯，兩個楊枝甘露，一個草莓布甸及一個椰汁椰果爆珠仙草，就已經$1000。 喺調景嶺屋村商場食個飯要收呢個錢，好有期望，但係食物質素超出預期差。 食物賣相唔吸引，送到枱唔夠熱，味道一般。 唔知喺香港經濟差做唔起夜市，定係食肆都唔想做夜市，啲嘢未食完就問要唔要想收碟，啲嘢未嚟齊就問使唔使買咗單先， 9:30走冇晒人。 個場設計好有懷舊風情又如何，食唔到人情味，食唔到懷舊嘅味道，仲要咁貴，想點？咁樣做落去做壞總店個名。

間舖頭新開張，日日經過都見到好多人排隧，今日就入去試下，叫咗個味噌雞扒拉麵同酸湯肥牛拉麵，雞扒味道唔錯兼大件，抵食酸湯開胃，出餐亦算快，整個用餐過程感覺良好，值得推薦