吃撈麵喜歡叫炆腩肉，在於肥豬油易被麵吸收，吃起來味道就更豐富，這裡腩肉有五分肥，份量不多，勝在少吃多滋味。

更多的平民麵食分享＠
http://foodxfile.blogspot.com/2010/08/blog-post_3309.html

第一次去筷子記試他們的撈麵
下晝去已經好多人排隊
由於我自己一個去試,所以唔洗一分鐘就入咗去
我自己叫咗澳門包心卷+路環香腐角+魚肉腐皮卷+蠔油撈幼麵+凍華田
三餸當中,魚肉腐皮卷好重豆腐味,蠔油就多咗啲,但都好食
餐廳入面好有澳門Feel
$32食澳門撈麵都抵~~~

Service 唔講, 好多人講過, 况且去呢種食店最緊要係好食. 記得九記牛腩重係大排擋果時, 我叫左麵同可樂, 我食到一半問伙記重有枝可樂未來, 跟手比佢大大時叫我 " 你食完D麵先啦 ! " 無奈至今仍然繼續幫襯, 哈哈. 無法, 因為好食.

講番呢間, 唔講 gum 多等位等幾耐點點點, 去到你就知. 我既觀點係自己去試下, 唔好剩係聽人講, 睇人寫. 每個人既口味, 耐性及對 service 既要求都有唔同, 試完就 register openrice & post your comments 先係呢個 web 意義. 我都係啱啱開始 post 下 comments.

1. 招牌撈麵 - $48
一碟冇餸, 加幾條芽菜, 再加鹵水汁撈既幼麵.
我唔知大家點睇, 就係因為 gum 簡單, 價位中上, 我對佢既其望係高既.
將心比己, 撈麵我食過好多, 但係好失望, sorry 得罪哂. 希望大家試完後話番比我聽.
任何一間包括劉森記, 楊記既蝦子撈, 甚至中環筷子記既豉油撈麵 ( 雖然沙茶撈先係佢至強 ) 都要好食過佢起碼三條街平佢五條街. " 招牌 " 唔可以亂改, 叫得招牌 + premium price 就算唔係震撼性好食但起碼都要個個話 okay.

2. 鹵水鵝片 - $9X ( 唔記得大概 )
鹵水汁係 okay 但偏咸, 鵝片質量算係上中, 唔會話皮同肉間有太多肥羔, 而肉質 tender. 豆腐托底, okay. 呢碟合格但亦唔見得比其他鋪頭好食.

3. 千層腸 ( 價錢唔記得, 主要評好唔好食 )
滿滿的大腸中間没有多餘空間, 呢個係賣點.
味道就是大腸嘅味道, 沒什麼特別.

除左我要踏佢既招牌撈麵, 其餘兩樣算係 okay 合格, 但亦冇乜特別好食震撼之處. "阿鴻小吃" 沒有提過佢係潮洲菜, 所以用其他潮洲菜館同佢比亦不適合. 總括幾個小吃, 味道亦唔太似潮洲菜.

本來打算到「籣芳園」或「勝香園」吃午餐，以前曾經吃過一次「勝香園」的蕃茄湯通粉，味道不錯，但想起那時身穿FULL SUIT，在塑膠帆布的簷篷底下進食，頭頂是猛烈無情的太陽，時正直炎夏，塞縮於「摺枱、摺櫈」享受午餐，實在是何等辛苦同攞命的滋味。

這是大家轉戰「筷子記」的原因。

我選了 1 (馬交魚羮), 3 (沙茶醬魷魚), 5 (路環香腐角) +米線+清湯+ 一杯凍麥香奶茶 (忘了正確名字)，盛惠$33 。

麥香奶茶 (忘了正確名字)有點像好立克定麥精溝奶茶

1 (馬交魚羮) 白色一塊塊，没甚麼特別

3 (沙茶醬魷魚) 第一次吃沙茶醬，原來是甜甜的，魷魚很普通，「太淋」 ，無咩特別，如果選撈麵的話，可以拌着沙茶醬來吃，應該會比清湯底更好吃。

5 (路環香腐角) 是黃色三角形的蛋角，不太喜愛吃

總結：$33 大大碗，味道都叫OK，我還是喜愛傳統車仔麵。

去筷子記試他們的沙茶醬撈麵
我們2人點了三餸的粗撈麵，包括瑞士雞翼,魚腐和包心卷

沙茶醬味道普通，我還以為會帶點辣，但完全不辣
三餸的質素也是平平無奇
不是說不好吃，只是覺得不值得特意來試
其實這裡還有豬扒包和辣魚包等，再來的話希望可以試試

飲品要了咸檸廉，酸酸咸咸的，味道不錯
不過我和友人都很疑惑為何叫"咸檸廉"
因為只喝到咸柑桔和忌廉梳打，但完全沒有檸檬的味道呢...

長沙灣的美寧中心,是小時候常到的地方,因為由細睇到我大的醫生,就是在此中心之內,到了今天仍在.不過我已沒有來診症超過十五年了.大抵已忘記了我吧.

現今在中心外圍,有一間專賣澳門風味小吃的"滋味堡",香港與澳門一水隔天涯,在梳打埠隨時也吃到港式味道,掉轉過來,就不是很多澳門風味,不計那些澳門茶餐廳,好像只得在中環的"筷子記",是賣澳門味道,同在澳門可用港幣,在香港就不能用葡幣差不多道理.

店子不大,只有大約十個位多一點,緬甸菜在香港全無立足之地,你可在此吃到澳門"小緬甸"三盞燈風味的緬甸魚湯粉,我要金邊粉,魚湯的質感偏杰一點,杰得來又有點點"沙",味道帶有魚的濃甜,沒有一點腥味.至於配料較為特別的是香蕉芯,爽口得來帶點稔身,金邊粉入口細滑,價錢只是$15一碗,實在便宜,同隔離的李鄭屋公屋,二手價都去到百七萬的身價大相逕庭.

上年在三盞燈"東京小館",吃豬腦麵之外,更吃馬拉盞撈麵,在滋味堡一樣可以吃到,不過味道就不及前者,馬拉盞的食味道有點"隔靴騷癢".很輕微的辣度,你我也受得到.但是香港不算太多地方可吃到,而且只是$11一碟,來到的話也可一試.

兩味加在一起只是$26,想想現今澳門不再是一味活在香港之下,連今屆港澳盃,也是澳門馬勝出.可望日後在飲食層面上,更多鄰埠的味道在本土出現.

其實,小弟很羨慕澳門人,拿的葡國護照又可世界通行,政府每年又會派幾千銀,回想到我們香港?粒糖都無粒食下,真係越想越激氣!

女友不說我也不知，原來筷子基是澳門的一個地方，在回來看看Wiki，才知道在是澳門半島西北部的一個半島，屬花地瑪堂區，怪不得一所賣澳門食物的食店會改一個如此的名字。

主要都是試其特式的撈麵，兩個人，一碗要撈，一碗要湯就最好不過了，一網打盡，每人點三款餸，務求試到最多的東西，跟餐加杯喝的，另再加多個包包，就成了。

先來介紹那個包包，點了荷蘭園辣魚包，因為豬扒包真的吃得太多了，試試這個辣魚包，魚包的包不是熱的，看來沒有翻烘過，幸包身尚算鬆軟，有點包香，而魚餡就真的很少，雖然魚肉質感挺霉的，但吃起來有種濃重的味道，餡雖然帶點辣油，但不太辣，而那種濃重的味道挺香的，究竟是什麼來的呢？細心細味之下，發現有點點非常細小的蝦乾仔，怪不得這樣的香了，相信如果熱辣辣的吃，效果會好得多。

先介紹湯麵，選了米線，另配澳門包心卷、瑞士雞翼及路環香腐角，先喝一口湯，是濃種的醬油湯底，帶點甜身的，另加點炸過的蒜泥，喝起來立時香了不少，米線就真的挺彈口，真是有點意外，而澳門包心卷都是在空心的魚片內釀入肉餡，魚片不彈牙，也沒有魚味，而其包着的肉餡更是一點嚼頭也沒有，這個餸不太行。

幸而還有瑞士雞翼及路環香腐角，路環香腐角是好一點的作品，至少沒有了中間那又霉又腍的肉餡，吃起來似炸魚片多一點，但都是不彈牙；瑞士雞翼反有驚喜，另上的瑞士雞翼的皮被瑞士汁染成深啡色，吃起來不單雞皮有很濃香甜的豉油味，其肉都很有味道，加上雞翼的肉一定不會嚡，所以美味。

另外的撈麵則選了粗麵，另配咖哩蘿蔔豬皮、澳門魚腐及馬交魚羹，再加沙茶醬，麵嗅起來挺香沙茶醬的味，沙茶醬雖然是被調配成一個茨汁，但味道依然那麼香，真是難得，加上咖哩汁就更是惹味，可惜粗麵的口感普通至極，腍腍的沒甚咬口，幸好跟來的配料質素真不低。

先來介紹蘿蔔豬皮吧，味道是惹味之外，蘿蔔很是腍又一點渣也沒有，鮮甜美味，豬皮又嫩又軟腍，一條豬毛也沒有，吸飽了咖哩汁，味道當然好；澳門魚腐外層有點油香，內層的魚腐打得軟腍得來又帶點咬口，又有魚肉香，是魚肉打得均勻起膠的效果；馬交魚羹是一粒粒的魚肉粒，外表平平無奇，但咬起來就很是過癮，皆因它非常之彈牙，而且也帶點魚肉香，這個如此彈牙的魚肉，現在也很難吃得到的了，還要是在這小店內，真走運。

喝的點了羅漢果蜜及杏加啡，前者顏色黑黑的，味道酸酸甜甜，但就有一股非常濃重的羅漢果味，且也不是太甘；杏加啡其實即是杏仁霜的粉加入港式的咖啡，攪拌之後喝，咖啡的質感立時比一般的港式咖啡稠了很多，喝起來帶有點點的杏仁味，但就不算太出，可能咖啡的味道比它更霸道吧，但兩款味道挺強的東西撞在一起之後，喝起來兩者的味道其實也不太出位，下回還是喝普通咖啡或奶茶好了。

這餐午餐，只需七十二元，以這個地段來計，真的非常便宜，希望店家繼續努力，讓中環上班的人仕繼續有經濟美味的食物吃吧。

今日(16-3-2010 Tue)同男友o係筷子記食完好飽o既lunch後,好想試蘭芳園,不如繞住中區警署繞一圈先啦,點知行完返o黎都只係1:08pm,更加多人添,但男友唔理話照食,我o地o係新舖等o左一陣就到我o地喇,啲位好迫,係o岩o岩好坐得落o個隻.

我要o左西多士同凍奶茶,呢個就$31.00,男友o係好奇之下,.放棄雞扒撈丁而要o左豬泵兜撈丁同凍奶茶,呢個就$40.00.

又好快,兩杯奶茶到o黎,其中兩塊冰係奶茶冰,但竟然好快熔o左,男友o既豬泵兜撈丁o黎到,材料好豐富,而且竟然有薑蓉,我亦只嗅到薑蓉味,而我奇怪呢o度冇燒味飯o架喎,點會有薑蓉呢?男友翻開啲’豬泵兜’o黎睇,話好似係豬頸肉,係呀,呢啲咪係豬頸肉,而且其實豬頸肉係豬o既面豬登,所以我覺得叫豬泵兜好似貼切啲喎.而見到佢啲醬,我覺得係泰式酸辣醬,所以唔敢試.

咁我o既西多士到o黎,牛油唔係咁多,我加埋蜜糖塗勻後就開餐啦,呢個熱熱地,甜度適中(自己較),都冇乜問題.而奶茶呢,竟然令我失望,我覺得冇咩茶味,而滑呢?我諗係o岩o岩夠滑,唔太出眾.

但男友就對佢o既撈丁讚不絕口,佢話唔係味精o既死鹹,佢聰明在加薑蓉,呢個係成個撈丁o既靈魂,我又試吓先,豬頸肉厚有口感,夾埋薑蓉的確好味,而佢o既汁原來唔係酸辣汁,佢寫就話係叉燒汁,但我又唔覺喎.

2010年01月30日，15:30
吃過水記繼續到威靈頓街，發掘飲食文化遺產。
見到對面食店"筷子記"字樣，連忙抹抹眼鏡
為何？
因我衹知澳門有筷子基，何來筷子記？？
澳門平民大排檔？
最合我意
姐姐推介三(菜)麵，食客一般從善而流。
我卻選了特色飽點，要了荷蘭園辣魚飽和齋啡。
即製需時，期間店員在推介葡國老人牌沙甸魚@HK20.-
細看店的陳設，幾硬銷"大排檔"三個字。
開放式廚房和水吧，是把大排檔爐灶，完全搬到室內。
麵食用以搪瓷盤盛載，夠道地
同桌的吃三(食送)麵，賣相和香味好吸引
等了五分鐘，飽飽到。
熱騰騰的軟豬，放進了惹味的辣沙甸魚。
熱飽吸盡了辣辣檻欖油，點滴不漏，食味出奇的好
題外話：在網上搜尋辣魚飽，荷蘭園竟和她無關

2/2(二) 7pm
"筷子記",以車仔餸作招來的一家家庭小店.甫入店內,耳朵已被店內的笑聲及粗言覆蓋著.

我倆包心卷,腐角鮫魚肉,洋蔥汁米線$26,瑞士雞翼,墨丸及牛肉沙茶醬油麵$26,葡腸$10,生菜金菇$10,羅漢果蜜加$3及茶走

包心卷,腐角,鮫魚肉洋蔥汁撈米線--三餸當中,以鮫魚肉質素最為討好,腐角索然無味;外表似獅子狗的包心卷亦犯下相同罪名.

瑞士雞翼,墨丸及肥牛沙茶醬撈油麵--瑞士雞翼不算肥碩,卻頗入味!墨丸圓渾彈口,鮮度不弱!肥牛則可省卻之.沙茶醬跟油麵這配搭,吃落不知怎的,有點怪怪的!

葡腸及生菜金菇--以灼生菜及金菇,中和味帶油潤鹹香的葡腸,最好不過...

羅漢果蜜--自家煲的果蜜色澤烏黑,味道濃烈,甚少沾口的我有點受不了!

茶走--質滑具茶香的茶走!

看似迴異,實質也是俗品的"筷子記"

一向都覺得中環實有D又平又抵食既小店
今次出門口前特登做定功課
去到筷子記, 好快手咁ORDER左豬扒包+熱奶茶
老闆娘推介要多個咖哩羅白魚蛋淨餸 + 沙嗲汁
無介紹錯, 只係覺得無個面, 好似晒左個汁

豬扒面個包係餐包, 無乜特別, 豬扒都無乜特別
但係諗唔到既係個醬係熱狗醬

咖哩好味, 諗唔到既係$10食到咁好既野
不過真係晒左個面, 有埋個面既話唔會晒左個汁

BTW. 可以再黎多幾多

睇完戲已經9點, 朋友霸左位o係潮館食晚飯
真係冇幾可9點先黎食飯. 食到半價既小菜.

首先叫左韭菜豬紅, 韭菜顫底. 豬紅好盪口. 有點紅油在面, 但放心, 唔辣既.
炸魷魚, 份量睇落唔多, 因為炸粉丫晒d 位. 魷魚冇乜味.
鹵水雙拼. 豆付拼豬耳. 真係好奇怪既配搭, 兩樣都係廉價貨. 本身有豆付顫底, 但再叫豆付.
豬耳又林又爽, 個邊有d 膠質, 中間軟骨位就爽脆. 好正!

唔知咩粿肉. 係一團肉碎炸左, 好似咕嚕肉咁. 肉食得出醃料既香味
但都係鍾意咕嚕肉多d. 粿肉質感比較散.

潮州粥. 之前黎食過好大煲, 但今次好似細左好多. 上次食極都食唔完, 哩次食兩碗就冇晒.
飯又唔多, 所以都唔太飽肚.
叫佢芫茜分開上, 最後只係少左芫茜, 但冇另上. 冇左芫茜成個粥都冇左一點生息.

炸多春魚, 好厚炸粉, 成圈麵粉都睇到. 多春魚大條, 但有點苦
另外再叫左個沙茶牛肉河, 沙茶汁唔錯, 令我聯想起筷子記. 仲有點辣.

半價左之後都唔算特別平, 其實只係未半價前特別貴.
埋單每人只係$37, 算係咁. 始終對大集團既評價麻麻.

趁未夠鐘見客, 行到閣麟街, 看看有什麽輕食, 見到這筷子記門面好平民, 走進去試試... 店內裝飾得好有大牌檔feel, 地方不大但坐得舒適, 可能此時客人不太多吧, 看了一會有什麼好吃, 見其他客都在吃撈麵或湯麵, 但我又不想吃太飽, 最終選了個聖保羅豬扒包+凍奶茶.
滿心以為澳門豬扒包是用硬豬仔包, 豈料上碟是個軟餐包, 可能因此而名為聖保羅吧! 但雖是軟餐包, 烘得熱辣辣又有少少脆, 別有一番滋味. 豬扒不太厚, 味道ok, 不甚特出, 醬汁也是如此. 若只論價錢及地點, 這裏確是附近上班一族嘅開飯之選. 下次可以嘗嘗撈麵吧!

哩日等到下午茶黎食筷子記. 平日lunch 見出面勁多人排隊, 心諗哩間野只係食車仔麵, 而且$3x 一個撈麵唔係平, 點解仲咁多人黎食呢.
所以今日趁星期六下午冇乜人入左黎試下究竟乜頭乜路.

麥奶奶茶. 甜味恰到好處, 但味道真係99% 似麥精. 飲唔到有任何茶味.

叫左個烏冬, 沙茶汁, 2 餸, 連頭先杯野飲 $29, 下午茶都唔算話好平.
烏冬夠彈牙, 沙茶汁甜甜地咁, 但就唔太辣, 所以唔食辣既朋友都可以放心. 撈埋一齊又幾好食
包心卷, 幾特別, 魚蛋入面包住d 豬肉咁既野, 有少少蔥既香味, 幾彈牙
香菇肉片扒, 似豆付多過似肉片, 菇係切粒撈o係入面, 其實都唔係好食到有菇既存在.
份量唔好expect 多, 話晒其實都只係一餅麵.

格局有點舊式冰室既感覺.
唔知點解睇過所有餐牌只係寫住下午茶幾錢, 冇lunch/dinner 既menu
哩度d 餸既款式都幾多, 而且好少地方食到, 食試晒都起碼食多2,3次.
有機會再黎

哩日lunch 黎左哩間. 等位等左半個鐘. 有冇咁勁呀...哩間野食車仔麵咋喎
我地排緊隊o個陣已經落單, 睇到張車仔麵紙, 真係嘩仲出黎, $30 兩餸麵+1杯野飲? 我冇眼花呀嘛? 地域既優勢真係大晒.
所以我都係揀返d 套餐, 要左毎香蒜雞扒飯 $34
坐低之後隔左5min 左右先送到. 反而d 車仔麵仲耐過d 飯.

我仲以為佢成$30 一個頹麵, 一個$34既香蒜雞扒飯都只不過係橙色既蒜蓉汁再加一塊預先整好既燒雞扒o個d 茶餐廳貨色, 點知又唔係喎
個飯睇落個賣相幾ok, 可能本身自己冇乜期望, 見到o個時都覺得好似正左好多咁
塊雞扒係炸架, 好香脆, 雞皮連炸粉有點厚身, 但都可以. 雞唔太鞋.
炸蒜蓉都好香. o係底d 菜係熱既, 所以可以放心食
甜豉油當然用來撈飯!

奶茶味道極似大家樂o個d. 但未夠滑.

個綠豆沙真係好沙下, 溶到好似豬油糕咁. 睇個樣好似打左個獻咁.
食落就正正常常, 好沙, 仲有朕中藥味. 同埋好甜. 食左一啖就放棄, 敵不過佢.

飯真係幾ok, $34 過得去啦! 反而唔係好明周圍d 人點解個個都係食粉麵, 都有點好奇. d 汁有冇筷子記o個d 秘製之類既東西黎support 佢哩度既"招牌"咁. 但似乎就冇
朋友叫既河粉, 睇落都唔覺得有榮記o個種彈牙, 可以慳返唔試