家住附近所以都來過不少次用餐, 記得剛開業一兩年間算是區內少有的有水準壽司店,而且經常要等位,也是區內喜愛的食肆。數年過去,最近一年曾三次光顧,每次皆失望已回。(但晚上經過依然頗多人輪候...) 首先,坐椅餐具之破舊不堪已令人食慾大打折扣,如只是區內小店茶餐廳式作業大抵也可接受, 但始終是集團式經營實在令人失望。 也罷,始終食物本身才是用餐的重點,其實每次到壽司店吃的款式都差不多,都是些三文魚,赤貝,帆立貝,各款魚生壽司,三文魚實在很難不好吃,這裡的質素也還好,也不好太挑剔。 值得一讚的是蝦天婦羅,每次都會點,算是好吃。 其他壽司就是惡夢的開始,基本上只能說: 不！新！鮮！壽司不用煮,也不是計較那團飯怎樣怎樣.但那些魚生刺身實在難吃,而且一年內三次皆難吃。 近期和花亭還增設了九時後半價(最低消費要$88), 在食物質素如此低劣下, 減價再多也只是等於食物會越差吧。 畢竟在將軍澳用饍的選擇真的不多,再開一家新店作選擇更好吧。

以前成日去尖沙咀既和花亭食~

自從執左之後, 真係好似得番冇乜幾間咁~

今日同阿媽去上水買野, 見到有, 即刻入去食~

好彩唔多人, 等左一陣就有位~!

叫左D 壽司, 三文魚, 劍魚, 三文魚子, 海膽手卷, 芝士三文魚, 軟殼蟹壽司~水準真係冇O係尖沙咀時咁好味

魚生都尚算新鮮~但有時卻食到少少雪味~

三文魚都食到魚香, 另一款配上芝士既, 幾特別~

三文魚子好香 ( 其他人可能會覺得好腥)

埋單食左三百幾蚊, 相信佢地加左唔少價..

以後唔會去了...

因為咁既價錢, 去另一間大型連鎖店會食得好D~

去到上水廣場, 打算食大快活, 但眼見和花亭竟然做7折, 星期一至四 6:00P.M 後...於是改變主意入去食原來有張紙壽司、刺身、手卷是7折, 其他熟食就無!!

好彩我地只係鍾意食壽司!!有壽司無影相..壽司手卷一概不特別, 手卷仲要紫菜唔脆

其實和花亭壽司, 好多朋友都鍾意食,現在7折, 平左,但其實唔平, 埋單已經二百零蚊....

食物可以接受,但服務侍應態度令我不會再去此間店!!!!!!!

6月20日, 當年和花亭嘅海港城店曾經都係一間人龍長排嘅人氣迴轉壽司店, 環境裝修有格調, 壽司質素亦屬上佳~ 今晚嚟到旺角始創, 周圍食肆都大排長龍, 反而呢間和花亭就一個人都無, 唔洗排隊就可以直入! 但入到去先發現間舖好似落場咁, 迴轉帶上無壽司、斟水水喉壞水泵、連侍應都只係零零星星… 見環境唔多對路我地都只係求其叫d壽司醫飽肚就算喇…

::: 三文魚壽司 ::: $12
三文魚望落都較淡色, 而且都幾薄切下~ 味道唔夠鮮, 只係僅僅合格…::: 鱆紅魚壽司 ::: $25
鱆紅魚反而有少少驚喜, 肉身厚, 有少少鮮味~ 但魚味都係較淡, 唔夠突出.

::: 帆立貝壽司 ::: $18@件
帆立貝壽司賣成$18一件絕對唔算平, 所以我地都有少少期望… 開頭都以為佢應該用d大帶子去做, 但嚟到發現原來都係普通size嘅帆立貝… 雖然都算厚身, 但味道都係唔夠鮮甜~ 一般啦~::: 北寄貝沙律軍艦 ::: $14
呢個北寄貝沙律軍艦size都細細地, 滿口都係爽脆菜粒, 沙律中北寄貝比例亦好少, 味道亦唔突出… 幸好軍艦中最重要嘅紫菜都新鮮, 加上沙律本身味濃, 就算無乜北寄貝咬下都唔算太差, 只係有d貨不對辦je…::: 自家製厚燒玉子 ::: $20
記得之前食過真係唔錯~ 但今次呢個厚燒玉子就難免令人失望! 首先快玉子唔係新鮮熱辣都算, 但攤凍後質地變得又實又膠, 食落甜味多過蛋味… 中間d壽司飯更加係可有可無… 失望…::: 芝麻吞拿魚腩卷 ::: $36
呢個卷好有趣, 包住吞拿魚同菜絲嘅紫菜反卷再蘸滿芝麻, 上面再唧d沙律醬點綴下~ 不過吞拿魚腩份量太少, 唔係好食得出味… 反而外層芝麻烤過所以有陣焦香, 味道仲濃過d吞拿魚腩, 搞到有d喧賓奪主.::: 軟殼蟹野菜卷 ::: $40
呢個軟殼蟹野菜卷賣相就十分有心機~ 最頂一舊更豎起大大隻軟殼蟹腳! 其實加入野菜令口味更清新, 不過卷物大小不一, 軟殼蟹又唔夠脆, 炸粉略厚蟹肉又削… 元氣個軟殼蟹卷會好味d~今次再食和花亭, 不論係環境服務以至食物質素我地都覺得大不如前, 唔怪之得成個商場大部份食肆都大排長龍嘅同時呢度可以人影都唔多隻! 唔係好難食, 不過對和花亭都無晒憧憬lu~ 下次想食壽司都唔會揀呢度喇!

星期五的晚飯時間,無論大店小店都是排滿人, 眼見和花亭門口比較少人, 只有十個左右, 但點都要等成個鐘.
坐order枱都無咩所謂, 最緊要有得食.

北海道炸魚鰭 – 其實即係炸三文魚. 無咩特別, 好快凍,所以要快點食!三文魚壽司 – 好刀法…..好簿
甜蝦壽司 – 好似放得太耐, 暖的.
昆布鯖魚壽司 – 沒有魚味
針魚壽司 – 沒有魚味, 好似食緊舊豬肉咁蟹籽軍艦 – 好多蟹籽. 好味
山葵八爪魚軍艦 – 山葵味勁重. 好味
魷魚海膽軍艦 – 友人話海膽有點臭臭的.胡麻醬帆立貝火炙 – 花生醬味吾太夾帆立貝. 不過都算大大粒.軟殼蟹野菜巻 – 呢個係失敗之作, 一放上枱已經散哂. 啲蟹仲有啲”益益地”待應生都算快手, 不過眼見二,三枱客都話漏單, 而且要叫先加水.但待應生都好有禮貌及態度.

價錢不算太貴也不算太平,但咁既價錢可以食其他更好的.

18:00 與母親大人及印傭三人到呢間位於東港城的和花亭晚飯. 去到門口, captain姐姐望見我哋唔出來招呼, 有位穿著橙色制服的姐姐出來一輪咀咁講咗一堆說話, 我聽都聽唔切, 問佢講乜野, 佢就深呼吸, 好大聲咁同我講: 個半小時就要交枱, 得唔得? 嘩! 而家連食壽司(唔係放題, 又唔係自助餐) 都有分時段? 心想冇問題嘅, 咁就入咗去.

第一輪的食物尚算OK, 包括: 牛油帶子, 一牒六件的三文魚壽司, 雞軟骨, 3個蒸蛋, 3年劍魚腩壽司, 3年燒牛肉壽司. 大約18:40, 加單叫了網燒牛肉+鹽燒鯖魚, 等咗冇耐網燒牛肉就到了. 唔知點解佢地嘅網燒牛肉唔係乾身, 係有汁嘅, 好似街市買嘅牛肉响個鑊度兜幾兜就送上枱咁, 同平時食開嘅一D都唔似

之後等咗好耐都未有嗰條鯖魚, 咪問個姐姐啦, 佢check一check, 同我講要等25分鐘. 吓! 唔係下話. 我同佢講, 而家七點鐘, 要等5個字條魚先到, 我七點半要交枱, 條魚黎到都食唔到啦. 佢二話不說就即刻係廚房攞條魚出來擺响我枱面.

你話吖! 呢間係乜野餐廳! 我落單嗰陣位姐姐唔同我講, 到追單時位姐姐又奇奇怪怪. 佢哋D咁嘅服務真係九流到絕呀!!!!!!

埋單總要四佰完. 嘩! 計落唔係食咗好多野, 服務態度差, 下次就算冇野食都唔會到幫襯.

上星期和男友接媽媽收工
本來計劃去始創中心的和民
但因等位太久所以被迫放棄
改為向樓上和花亭前進

和花亭門口比較少人, 只有十個八個左右
不過都等了差不多半句鐘甫坐下, 我就盡力剔剔剔剔 ... 從來都看不起蛋壽司的我
因之前有看過openrice食評
所以今次點一客自家製厚燒玉子壽司試試試後果然不錯, 厚厚的蛋很滑, 內裡還有些微蛋汁, juicy!!另外要一提的山葵八爪魚大盛軍艦
本以為零殺傷力, 誰知在豪無預感下給殺個措手不及
山葵辣得我和男友, 眼水直下
不過八爪魚爽口彈牙, 山葵味香濃
味道和口感都配合得很好媽媽十分欣賞蟹籽沙律
因為材料足, 蟹籽, 蟹柳, 青瓜絲都非常慷慨的多五目腐皮壽司
腐皮加上蟹籽和蟹柳碎, 味道依然清甜沒看價錢地點了三件一本穴子壽司
鰻魚長六吋左右,
看樣比蒲燒鰻淡色
我把那鰻魚圍著壽司飯卷一圈送進口裡
嗯 ... 鰻魚味和汁醬味道都不夠
埋單才發現$40件
我想隨便一間超市的鰻魚都比他優勝 ... 三文魚六福壽司三文魚腩壽司甜蝦壽司
三文魚的壽司都略為普通
而蝦壽司則吉列蠔壽司炸粉偏多, 下次不會再點了炸三文魚皮手卷
醬燒牛肉火灸
三文魚親子卷這幾款味道略為普通, 印象不深

新開既壽C店, 1直都無去食, 終於去試咗, 純壽C係之前元氣既位置~ 原來純壽C同豐壽C同1集團~ 但係食物2者有1點不一樣~豐壽C多選擇, 經常會推出時限食品, 而純壽C則有兒童餐可以叫黎食~佢有3款兒童餐~ 價錢比散叫為抵食~
問咗服務生, 佢話兒童餐叫幾多個都得~ 仲可以配益力多tim~本人最愛既芝士薯仔波波, 芝士與薯仔好夾~好好味~豐壽C都有得食~佢既燉蜜算係滑, 但係就無我係尖沙咀isquare果間和花亭既燉蛋咁滑咁多料~其他壽C都好新鮮~ 佢D壽C飯係暖暖地~ 有純字既蛋壽C既蛋味好正~

今天接老婆放工一齊去食飯, 老婆想食刺身飯/魚生飯,
本來諗住去"怪物壽司"食, 點知星期六係無 lunch set, 殘念.
結果最後去咗和花亭.

星期六中午 12:30, 店內人客不多, 大把位揀.

坐底後, 心目中已經有選擇了
刺身飯+牛肉烏冬定食, $128
魚生飯+天婦羅定食, $98
定食包前菜, 麵鼓湯, 及飲品, 我哋都要咗蜂蜜柚子茶

刺身飯 - 有很多款, 如刺身蝦, 帶子, 三文魚, 吞拿魚, 墨魚, 海膽, 魚子
多款刺身都十分新鮮, 味道雖不至於入口難忘, 但都十分鮮甜味美.
牛肉烏冬 - 牛肉唔'鞋'唔un, 烏冬尚算滑流, OK.

魚生飯 - 種類雖不及刺身飯多, 但都有很多不同款的角切魚生,
如刺身蝦, 三文魚, 吞拿魚, 魚子, 蟹子, 玉子, 而且味道都不錯.
天婦羅 - 新鮮熱辣炸起, 炸粉唔厚, 又唔肥膩, 好味道.

和花亭真是很久沒幫襯了, 回想已經係海港城年代 (已結業了),
今次再次光顧, 質素都十分不錯, 值得再次幫襯.

本店收加一, 可簽 VISA, 埋單 $248.6.

朋友生日,由她決定吃什麼。在isquare覓食。
未夠七點來到,只有一枱客。不久坐滿,但人手只得兩名侍應。我們吃至中途,加單兩次,order也難叫人。
這次兩人吃,可是大食啊!吃了如下:
三文魚子軍艦$36、咖哩鹽三文魚火炙$20、柚子酸汁鱆紅魚$30、劍魚腩火炙$32、汁煮蠔壽司$25(太咸)、鱆紅魚壽司$25、三文魚親子壽司$28。
壽司刺身用料新鮮,壽司idea口味配搭也不錯。
蒲燒海鰻魚飯$65,很少鰻魚,又薄片,鰻魚有腥味,飯極多。
芝士玉子壽司@$16,預期有蛋汁,但無。芝士味是日式甜甜地的芝士,芝士也不夠多又不均勻,包著的紫菜,有調味作用,但細細片,不夠囉。
醬燒血三文魚壽司$15,不知是三文魚哪一部份,因為被醬汁醃過晒魚身,總之肉質很滑又香,勁正!肉嫩抵吃!
芝士花之戀$32,三文魚重搭搭的,但芝士蟹籽怪怪的,不好吃。
吃至這裡,想吃個甜品"和花亭雪糕伴紫薯”也叫不下了。

是日闖進了和花亭, 在逛著isquare之際, 真不知吃什麼才好, 真的是路過這店又不用排隊才進去一試的很令人開胃的沙律, 鮮味爽口的青瓜絲是一讚, 配上醬及少量蟹籽, 算是不錯的前菜彈牙麵條, 甜的薄片肥牛, 加上芝麻醬十分香口美味

服務中規中矩, 不夠好但又沒有任何對客人特別好的, 價錢ok, 環境ok

其實來過這間食店一段時間了，很多次都沒有下定決心為這一間食店寫一寫食評，因為多數都會為一些新去的食店來寫，一來有新鮮感二來要寫的資料也會比較多，對於一些常常都會去的食店變成了一種習慣，要下筆時少了一些的推動力和新鮮感，但去了這店食了一段時間都有一些的感受想分享一下，所以就下了決心為這店寫一次的食評。和花亭壽司是在始創中心的3樓，數一數手指應該是開了六至七年左右，一間店子能維持六至七年一定會有它們的原因，在很多的集團式的壽司店中這店的壽司都有較多的選擇，已經很多時都有一些優惠推出，令食客們都有一些的恩惠，但好像近幾年食物的質素、食物的選舉和員工的態度都有一些的改變，恐怕會對店有一些影響。一個星期六的晚上，想想下都有一段時間沒有去過這店食壽司了，就抱住嘗試的心態去到這店去碰碰運氣，因為以前星期六晚上的熱門時間會有很多人在這店的門外等候，但這一次六時半去到，店內竟然只得兩三丁人在內，初初都有點兒唔相信，但事實如此都沒有辦法，心中突然想到為什麼會這樣呢?第一個我覺得的原因出現在我面前:員工的態度，幫我們帶位的員工的態度都比較懶散，店內雖然沒有人他們好像連帶位的力量都沒有了，求其問我們坐什麼地方就算了，好像一些基本的招呼都沒有了，這樣會令客人卻步的，不過都沒有辦法，坐下了看看餐牌有什麼食物選擇了。在看餐牌的時間伙計們幫我們倒茶，才發現枱上的水機壞了，當然伙計們倒茶的態度一樣是貫徹始終:無神無氣的，是否生病了就不得而知，但這樣的態度令人有一點兒的唔舒服，又是這一句:算了吧(唔算又可以點?)看看餐牌，壽司都是這一些的，沒有太多的新意，就算加了門外牌上一些新加食物，選擇性仍然是不多的，是否這個就是第二個原因令人客少了就不得而知，心中就想著選一些自己喜歡食的都可以了，就叫了醬燒牛肉壽司、醬燒白象拔蚌壽司、胡麻醬帆立貝壽司、XO醬魷魚鬚壽司、甜蝦刺身、天婦羅烏冬、日本大蜆清湯、鹽燒三文魚頭鮫。醬燒牛肉壽司、醬燒白象拔蚌壽司、胡麻醬帆立貝壽司、XO醬魷魚鬚壽司
壽司類的食物的質素是最重要，新鮮的食物已經令壽司的食物成功了一半，這一點和花亭做到了，白象拔蚌、帆立貝和魷魚鬚的肉質都十分之鮮味，証明材料是什麼之新鮮，但另一半成功是需要手工的，因為我們叫的是火炙壽司的，壽司上燒過的地方不是太平均，有些就燒得過了，但是好像是胡麻醬帆立貝壽司就燒得太少了，廚師們的手工我想還有一些改善的空間。甜蝦刺身($40)
本人十分之喜歡食甜蝦，每一次去到食日本東西的地方很多時都會叫來食，來到這店都不例外，這店的甜蝦都大隻，肉質都非常之鮮甜，蝦身都有十分之淋身，連唔喜歡食全生食物的同行都讚不絕好，水準之作。天婦羅烏冬($46)
在香港絕大部分地方食的天婦羅都會出現的情況在這店都會出現，就是外皮的粉漿太多，令整隻炸蝦的大小加大了兩倍以上，當然食過真正的天婦羅的朋友都知天婦羅應該是不會出現這個情況的，但我都知道一分錢一分貨的道理，算了吧，當用這個理由安慰下自己，天婦羅就是一般的程度了，而烏冬也都沒有什麼驚喜，唯一可以講講得就是個湯不是太甜，算是適合了香港人的口味吧。日本大蜆清湯($30)
照這個價錢來的應該不是什麼大蜆的，未來的時間已經有了這個想法，來到時更加証實了這個想法，蜆的大小就是比平時食的豉辣炒蜆的蜆更加細，名字簡單的改成日本蜆清湯這個中性名字比較適合，食落蜆肉都幾鮮味，入面也沒有什麼沙，而湯底也都充滿了蜆肉和蔬菜的鮮味，唯一美中不足是湯的溫度不太高，如果不是我想整個湯的感覺應該會更加好。鹽燒三文魚頭鮫($48)
又是本人的喜愛，看見三文魚頭都燒得十分之脆身，帶著微微的燒物香味，落了少少的檸檬汁之後來食，魚的外皮都燒得十分之脆口，有一些微微的鹽香味，而入面的魚肉也十分之滑口，完全沒有鞋口的感覺，當然和平時食三文魚頭一樣是充滿了魚油，令整個食物都十分之魚油的香味，就算唔點汁醬來食都十分夠味，水準可以。

食完的時候人客也不是多了很多，如果真是經常在星期六這些繁忙時間出現這些情況，生意可能真是會出現一些問題了，希望只是我當日見到的單一事件。

其實剛剛也講過的四個問題，食物的選擇我想店主可能真是要花多一些的心機了，這樣才會令人覺得你的店子和其他一般的集團式店子是有分別的，而處理食物上只要個廚師嚴緊一些就可以，好像剛剛食的火炙食物，你求求其其地燒人家是很容易發覺的，至於講到怎樣的煮法就是每一個食店的精髓了，要店主多多努力了，最後一個問題是員工的態度，有時真的不需要太恩勤，但敷衍的態度真是不可以接受，拿食物來的員工都沒有這個問題，都十分之有禮，但有一些就比較難接受了，連收了錢講聲多謝都沒有，希望這店能改善這一些問題，能回復剛剛開店時這種高水平感覺。有一些地方可以改善的和花亭壽司。

序
因為有事所以去左坑口, 見肚餓就周圍搵野食, 見和花亭唔係太多人就決定食呢間野,
點知企響門口完全冇人理我, 有個著橙色制服女職員見住我企響門口, 仲要係對望果隻,
佢都完全冇反應繼續執枱唔理我, 等左差唔多成 2 分鐘先有人問我幾位, 好似唔憂做咁...

食物
好啦, 之後剔左 4 碟三文魚壽司、2 碟三文魚腩壽司、1 碟醬燒牛肉火炙壽司、
2 碟五目腐皮壽司、芝麻醬凡立貝壽司、乜乜六味三文魚壽司、
腐皮三文魚 + 三文魚子軍艦壽司、炸芝麻雞翼同埋一罐可樂。

首先三文魚壽司簡直不知所謂, 舊三文魚係暖架! 好似擺左勁耐出黎咁!
大佬! 你話響迴轉帶既就話姐, 但係我 order 架喎?! order 都係暖既 ?!

跟住就係三文魚腩壽司, 三文魚腩 ok 靚仔, 食落亦都唔會好似三文魚壽司咁係暖既,
起碼真係夠肥美, 新鮮。

輪到醬燒牛肉火炙壽司, 呢款壽司真係整得唔錯, 多肉汁同埋肉好嫩, 係一款有 d 水準既作品。到炸芝麻雞翼, 亦都係本人推介之一, 味道岩岩好, 又夠香脆, 但略嫌雞翼唔夠大隻。

五目腐皮壽司、腐皮三文魚 + 三文魚子軍艦壽司味道一般, 食落好滯同埋感覺好乾, 好唔抵食。火灸咖喱三文魚、芝麻醬凡立貝壽司;
火灸咖喱三文魚味道算唔錯既, 咖喱味唔太辣, 味道吸引, 咬落都算多汁。
芝麻醬凡立貝壽司可以話係大件抵食, 芝麻醬既香味加上大大件凡立貝, 好味道!

最後果個乜乜六味三文魚壽司, 顧名思義係六舊唔同味道既壽司,
但係我覺得只係普通配搭... 其中一舊係整左一 "pat" XO 醬上去, 味道完全唔夾...
其他果 d 都只係麻麻, 冇咩特別。

服務
d 仔既服務都唔錯既, 有笑容又有禮貌, 但係 d 女既服務就真係麻麻地,
冇笑容都算仲要講野冇黎精神, 我坐低之後茶都冇杯,
係我落單果陣先有個男仔發現茶都冇, 所以即刻斟杯比我...
之後我最不滿既係, 你 22:00 Last Order, OK 冇問題...
但係你 22:07 就走黎問我「豉油同芥辣仲要唔要, 我地要洗野」
下?! 唔係卦... 我枱面 d 野食仲有咁多都未食晒, 你就趕住收工咁款要收野...
我真係食得好唔 enjoy 囉... 好似比人催你拿拿臨食晒佢唔好阻收工咁...
呢 part 我真係好激氣...

環境
呢間野其實冇咩環境可言, 裝修一般啦... 但係可見有 d 位日久失修, d 牆都甩油,
有 d 碎片「吊吊 fing」, d 豉油碟又崩崩地, 連份 menu 爛溶溶都冇人換啊陰公!整體
其實以前有幫襯過下, 都唔覺得咁差... 但係而家真係覺得好唔得囉...
連基本既服務態度都冇, 仲敢膽死收加一服務費... 請問 d 服務去左邊?
最後本人用左 $365.2 去買左呢個教訓... 下次再去東港城, 都係去佢隔離間和民算啦...
我相信我唔會再幫襯呢間野...

有講過我們是染有魚生"引"的,而且還越來越嚴重

剛上了幾天大陸,剛返到..就急不及待..跑進了和花亭..解"引"

曾是wellmart屬下,魚一丁(德福分店)fans,

曾經是每星期都跑去享受一頓超美味Omakase

自從魚一丁全線結業後,我們亦只好四處出找了...和花亭亦是這集團旗下食店

話說回來,今次經歴.....真接受不了, 好失望

我們是先先吃了兩件牧丹蝦的,雖不是好好, 但都可以, 老公話想encore,

我話"不如試試這個蝦三味"啦!

"好!就試這個!"

怎知;熟蝦,赤蝦還有甜蝦,都是很乾/帶黑色,看上去好不新鮮,

我本想把整碟退去,老公話算啦,只退那件甜蝦;

那件甜蝦兩只;細細只的擺在飯面,蝦頂部帶瘀黑色, 清楚見到仲有D"腸狀"既物體......

其中一只蝦側身位還附加一點綠色的葱(我估)

轉頭,waitress姐姐,走回來,把那件甜蝦return給我

不過今次回來只得一只蝦;

waitress姐姐話師傅做錯了,應該是一只蝦:

所以拿走了較瘀黑的那一只就退回給我,

最後,我們只好把它放棄了....亦只好把這間"和花亭"放棄.....

多年前跟和花亭的一次偶遇...是緣份
可說是一見鍾情...一直愛她至今

那時手握壽司才開始普及...一試便不能自拔
多年來很多後起之秀...帶來了新鮮感...也曾一度移情別戀
她不一定是最好...卻始終最讓人難以忘懷

這次是下午茶時段...只是簡單的選了套餐$43...二個壽司[三文魚,甜蝦,吉列蠔,燒牛肉]
蟹子沙津
湯烏冬
加州手卷 [以優惠價+$9]壽司[三文魚,半熟蝦,北寄貝,火炙咖喱三文魚,蟹柳卷三件]
炸薯餅
湯烏冬
蔥吞拿魚手卷 [以優惠價+$9]和花亭壽司質素一向水準高...用料新鮮...味道有特色
甜蝦北寄貝鮮甜夠大
吉列蠔是吃過最好的...配他他醬很精彩
火炙咖喱三文魚...味道是不錯的...但另一款式咖哩醬油半熟蝦更棒
燒牛肉壽司是美味的...以前加上蒜蓉更為驚艷
蔥吞拿魚手卷當然好吃...本人更推介加州手卷
如加州手卷那麼不起眼又普通的款式...和花亭卻有魔法讓它變得特別

對和花亭的鍾愛...除了愛情...也是感情
當然她獨有的魅力...才是最叫人愛不釋手