影片
營業時間
星期一至日
全日休息
公眾假期
全日休息
公眾假期前夕
全日休息
以上資料只供參考, 請與餐廳確認詳情
今日星期六1點幾去左食呢個日式打邊爐。佢有好多唔同餐可以揀，D肉愈貴質素愈好，我地平平地叫左個$129 餐(再+10%) 有任叫牛同豬。湯底叫左壽喜燒、蕃茄湯，清清地都唔錯。菜、丸個D可以任拎，其中都有咖哩飯、中式湯、紅豆沙等等，凍飲熱飲都係任飲。最尾都可以食個雪糕，雪糕有好多唔同嘅toppings 可以加。其實整體冇話好特別，應有嘅都會有，而且地方乾乾淨淨，想平平地食個晏晝打邊爐放題就可以考慮下呢度。
繼續閱讀
晏就打邊爐既好處就係有足夠時間消化，食多d都吾驚，價錢仲平過夜晚，只需$129加一，牛肉豚肉任叫，我鐘意佢d肉切得好夠薄，吾會食幾塊就濟，出門仲有自助吧任夾蔬菜、丸類，尤其個芋頭丸好特別。湯底可以揀鴛鴦鍋，我哋揀咗蕃茄湯底同壽喜燒湯底，個番茄湯好濃郁，煮麵食啱晒。甜品有紅豆沙，吾會太甜，不過就稀左少少青紅蘿蔔豬骨湯，飲返啖靚湯先，吾夠咸仲可以自己再加鹽雪糕雖然得雲呢拿味，但係仲可以加朱古力醬或者其他口味既醬！飲返杯茶消下濟先，係英國牌子Twinings，薄涼味順便辟下口氣～
繼續閱讀
4位(2位大人$109@1)(2個兒童$89@1)其中一位大人用優惠券($129免費or 當$100)再加一買單應該係俾幾錢？入座前已經提供張優惠咭，通知左啊姐係減一位，佢話知道啦得啦。到最後都係撳咗四位。開枱前已經叫佢改返，佢話一陣間幫我改，到食完買單都冇改過。買單嘅時候再同佢講佢先幫我減返但係就唔係減一位係同你減返$100就算。如果要用優惠記得睇睇佢開果張單，同佢地講返就話知道。但最後都係用返張舊嘅單就求其同你-1種優惠。優惠券要減一位要入枱前通知，基本上我一個月都會去三次以上一去就係3/4個人。都係頭一先見可以咁收錢。同佢理論仲覺得我煩係咁叫我攞張卡出嚟俾錢。下次我會睇吓係唔係嗰個阿姐先如果係嘅話我會掉頭走
繼續閱讀
本身想食燒肉，但多人，見到呢間無乜人所以睇下見價錢都ok又無食過，所以試下.肉：揀咗$188個款牛肉套餐 一開頭會俾大約四碟牛同豬你質素幾好喎，牛肉油脂分佈都算平均，唔會勁薄勁碎！幾有牛味，豬都好食，後來再嗌既質素唔會差好多🤤.湯底：揀咗壽喜燒同蕃茄壽喜燒甜甜地越食越好味，啱曬煮牛肉蕃茄唔夠濃，但可以去配料區拎蕃茄落！.配料區：都係菇，菜，丸，但選擇好少仲要連芝士腸墨魚丸呢啲都係唔好食😖黎任食就係為咗啲配料架嘛🤦🏻♀️.熟食區：反而熟食有驚無險，炒雜菇好好食！有冬瓜薏米湯，正仲有綠豆沙，好驚喜😂.有雪糕同配料，仲有熱茶汽水。
繼續閱讀
昨天午飯時間正好在黃竹坑，在工廠區沒有什麼選擇，唯有去香港仔找美食。到了香港仔中心，老婆看到這家日式火鍋店。當時已經兩點多，注意到三點是清潔時段，我問服務人員來不來得及吃，他誠意回覆 "來得及的"。我聽了以後已經有點兒欣賞，還記得曾經在灣仔去過一家沾麵點，同樣情況，服務人員說 "怕來不及了"，就是休息前不想工作啦 坐下來服務員悉心介紹自助 Shabu Shabu 的安排，包括不同牛肉及海鮮的收費等等。我點了個海老湯底，超級鮮味，沒有在其他的 Shabu Shabu 見過。坦白說，在香港仔中心這些傳統商場裡的餐廳，我沒有太多預期，尤其是自助式放題火鍋，因為一般材料幾乎都非常普通，或者不新鮮。一看端來的牛肉，已經知道是中上級的牛肉 ，之後再看海鮮如扇貝同埋蜆，非常新鮮， 滾一下一吃，很好吃 放題還有中湯， 雲呢拿雪糕 ，各種飲品等。留意到原來是員工吃飯時間，不過完全沒有影響服務，一點兒不滿的感覺都沒有 (因為實在打擾了他們吃午飯)，讓作為顧客的我們吃得開心也沒有壓力。已經同老婆說遠一些，也要再來。離開前特別說了幾次多謝 晚上回到家裡，發現背包不見了，不知道是留在車裡或者什麼地方，裡面還有女兒的 iPad，我已經提前安慰女兒可能找不到，別傷心...... 今天老婆嘗試到所有我去過的地方問一下，包括餐廳。昨天的誠意服務員，一見到我老婆，滿心歡喜說 “好啦！等了你一個晚上啦，以為你昨天會回來。“ 由於背包有我的 Marco Polo 卡，他還試過致電國泰，測嘗試通知我，不過基於私隱無法告知他我的聯繫方法。我真的不可能不給 1000 個讚 👍，餐廳的老闆能夠招聘到這一班敬業誠實的員工，真的有眼光。再次謝謝他們
繼續閱讀