菜菜鍋 (已結業)

今日星期六1點幾去左食呢個日式打邊爐。佢有好多唔同餐可以揀，D肉愈貴質素愈好，我地平平地叫左個$129 餐(再+10%) 有任叫牛同豬。湯底叫左壽喜燒、蕃茄湯，清清地都唔錯。菜、丸個D可以任拎，其中都有咖哩飯、中式湯、紅豆沙等等，凍飲熱飲都係任飲。最尾都可以食個雪糕，雪糕有好多唔同嘅toppings 可以加。其實整體冇話好特別，應有嘅都會有，而且地方乾乾淨淨，想平平地食個晏晝打邊爐放題就可以考慮下呢度。

晏就打邊爐既好處就係有足夠時間消化，食多d都吾驚，價錢仲平過夜晚，只需$129加一，牛肉豚肉任叫，我鐘意佢d肉切得好夠薄，吾會食幾塊就濟，出門仲有自助吧任夾蔬菜、丸類，尤其個芋頭丸好特別。湯底可以揀鴛鴦鍋，我哋揀咗蕃茄湯底同壽喜燒湯底，個番茄湯好濃郁，煮麵食啱晒。甜品有紅豆沙，吾會太甜，不過就稀左少少青紅蘿蔔豬骨湯，飲返啖靚湯先，吾夠咸仲可以自己再加鹽雪糕雖然得雲呢拿味，但係仲可以加朱古力醬或者其他口味既醬！飲返杯茶消下濟先，係英國牌子Twinings，薄涼味順便辟下口氣～

4位(2位大人$109@1)(2個兒童$89@1)其中一位大人用優惠券($129免費or 當$100)再加一買單應該係俾幾錢？入座前已經提供張優惠咭，通知左啊姐係減一位，佢話知道啦得啦。到最後都係撳咗四位。開枱前已經叫佢改返，佢話一陣間幫我改，到食完買單都冇改過。買單嘅時候再同佢講佢先幫我減返但係就唔係減一位係同你減返$100就算。如果要用優惠記得睇睇佢開果張單，同佢地講返就話知道。但最後都係用返張舊嘅單就求其同你-1種優惠。優惠券要減一位要入枱前通知，基本上我一個月都會去三次以上一去就係3/4個人。都係頭一先見可以咁收錢。同佢理論仲覺得我煩係咁叫我攞張卡出嚟俾錢。下次我會睇吓係唔係嗰個阿姐先如果係嘅話我會掉頭走

本身想食燒肉，但多人，見到呢間無乜人所以睇下見價錢都ok又無食過，所以試下.肉：揀咗$188個款牛肉套餐 一開頭會俾大約四碟牛同豬你質素幾好喎，牛肉油脂分佈都算平均，唔會勁薄勁碎！幾有牛味，豬都好食，後來再嗌既質素唔會差好多🤤.湯底：揀咗壽喜燒同蕃茄壽喜燒甜甜地越食越好味，啱曬煮牛肉蕃茄唔夠濃，但可以去配料區拎蕃茄落！.配料區：都係菇，菜，丸，但選擇好少仲要連芝士腸墨魚丸呢啲都係唔好食😖黎任食就係為咗啲配料架嘛🤦🏻‍♀️.熟食區：反而熟食有驚無險，炒雜菇好好食！有冬瓜薏米湯，正仲有綠豆沙，好驚喜😂.有雪糕同配料，仲有熱茶汽水。

昨天午飯時間正好在黃竹坑，在工廠區沒有什麼選擇，唯有去香港仔找美食。到了香港仔中心，老婆看到這家日式火鍋店。當時已經兩點多，注意到三點是清潔時段，我問服務人員來不來得及吃，他誠意回覆 "來得及的"。我聽了以後已經有點兒欣賞，還記得曾經在灣仔去過一家沾麵點，同樣情況，服務人員說 "怕來不及了"，就是休息前不想工作啦 坐下來服務員悉心介紹自助 Shabu Shabu 的安排，包括不同牛肉及海鮮的收費等等。我點了個海老湯底，超級鮮味，沒有在其他的 Shabu Shabu 見過。坦白說，在香港仔中心這些傳統商場裡的餐廳，我沒有太多預期，尤其是自助式放題火鍋，因為一般材料幾乎都非常普通，或者不新鮮。一看端來的牛肉，已經知道是中上級的牛肉 ，之後再看海鮮如扇貝同埋蜆，非常新鮮， 滾一下一吃，很好吃 放題還有中湯， 雲呢拿雪糕 ，各種飲品等。留意到原來是員工吃飯時間，不過完全沒有影響服務，一點兒不滿的感覺都沒有 (因為實在打擾了他們吃午飯)，讓作為顧客的我們吃得開心也沒有壓力。已經同老婆說遠一些，也要再來。離開前特別說了幾次多謝 晚上回到家裡，發現背包不見了，不知道是留在車裡或者什麼地方，裡面還有女

有鋪邊爐癮，Lunch time 口痕想打邊爐？呢間最抵食！值得試下啊lunch time 打邊爐-別人笑我太痴線，我就食左先算lunchtime 去食，好快可以入座。係門口預備入座嗰陣，侍應問定你要咩肉同要咩湯底，更加節省寶貴既午餐時間，我地簡一人一鍋，每人可以簡2款湯底，我今日簡左豬骨湯底同番茄湯底，肉類可選豬肉或肥牛，我簡左肥牛。坐底一邊等湯底黎，一邊出去拎野食。主要分為三區：1. 食材區：有蔬菜、菇類、瓜類，食物感覺好乾淨2. 熟食區：有黑椒汁煮雜菇、咖哩飯、老火湯、紅豆沙3. 飲料區：凍飲有汽水、雪梨水、檸檬茶，熱飲有咖啡、多款茶包，仲有雪糕出去拎左2轉野食，湯底同埋碟肥牛就到左。豬骨同番茄湯底都ok，之前試過既紫菜湯底就好普通，似係清水加幾片紫菜，建議試其他選擇。肥牛個人覺得偏肥，可能因為我個人比較瘦 哈哈哈最鍾意熟食區既黑椒汁煮雜菇，雜菇吸曬啲黑椒汁，好juicy好入味！職員話老火湯好受歡迎，見到煲裡面好多料，有好多豬骨，有屋企湯既味道，打緊邊爐飲返碗湯，感覺都健康啲。lunch打邊爐，有一碟肉，加蔬菜類無限任添，又有熟野食，咁多野食連埋加一，每人都只係$87，食到捧腹而

見到佢喺香港仔開左一段時間，就諗住試下啦。兩個人去食，叫左個咩黃金膠湯底拼香辣湯底。兩個湯底都冇乜味，特別係香辣湯底，第一次見辣湯底係冇味！人地既辣湯底啲味係越食越出，呢間野就係就算本身係清湯定濃湯，冇水嗰陣都叫你自己落個昆布湯，我個辣湯就越食越冇味，由得少少味變清湯咁野食選擇又少，全餐飯最滿意既就係個自己出去擠既牛奶雪糕。湯底唔係喺廚房整架，係啲侍應喺餐廳暗角位攞住兩壺湯溝下溝下咁。2個人，唔知食左啲咩就4舊幾水，相若價錢既牛x質素比佢好幾百倍。埋單嗰陣仲要比張積分卡我，限期係月尾。你間野咁既質素，憑咩要我半個月內再去食你？以後都唔會去呢間垃圾！去快餐店打個平邊爐都冇咁嬲！

因為住附近所以成日都落街食野，有時想去食打邊爐又想任食既就會黎依間，雖然食物種類唔多，但勝在平得黎有肥牛食。所以得每次黎都想試下食唔同既肥牛質素，無論肥瘦既肉都好有牛味。此外仲有熟食既部分會推介個咖喱牛腩，岩晒一黎到太肚餓但d水未滾既時候即刻食。最令人值得回頭既係全部既店員都用心服務，見你有bb會考慮到座位安全，見你d豬同牛就黎食晒就會問你添唔添。而且店內優惠好吸引，只要你食夠一定既金額同儲夠印仔就可以送多一次任食優惠。

Charles服務態度良好..招呼周到..和睦可親..全朋友都讚揚他的表現..食物良好..味道還可..款式多..環境衛生..食品用具乾淨..午餐價錢可更多選擇提供！！

心血來潮，一個人想食火鍋，諗起呢間新開，試下先。帶位哥哥仔好有禮貌，先在外面揀肉類及湯底，我揀咗 $239 有豚肉，兩款牛肉，蝦，蜆，帶子，90分鐘任食。湯鍋比較細，湯底豬骨正常僱淡，蕃茄就真係好麻麻，好杰身，感覺似茄膏。豚肉，牛肉都唔錯，海鮮方面，帶子真係超迷你型，蜆唔錯，冇沙，蝦唔太新鮮，軟殼。外出啲配料都係大路嘢，幾款菜，貢丸，芝士波腸，粟米……反而熟食我冇試過，但見到都係白飯，日本咖哩，湯之類，冇乜留意。我嚟一心都係為咗食牛啫，唔試都唔係損失。枱面有一渣水狀物體，入面有塊綠色嘢，哥哥仔話係湯底真係清水咁款……佢啲醬油真係冇乜味，我唯有諗佢哋為客人血壓著想飲品都係汽水機，有咖啡奶茶。反而要提下，佢但自助軟雪糕，放題雪糕我食唔少，呢間係最好食，有質感又夠滑。總結：我自己會再去，不過就唔會食海鮮，唔會揀蕃茄湯底，平平哋 $189 已ok。

湯底無味！我地一家人一行五個人食晚市，心血來潮來打邊爐！選左不同湯底，但各款都無味！差！👎🏻👎🏻👎🏻👎🏻各款湯底都像是加咗色的白開水一樣，只是蕃茄湯好少少！蕃茄湯底：色水好深，但好淡！豬骨湯底：色水好靚，但好淡！香辣湯底：不夠辣壽喜燒湯底：以為是比較日式的，點知都係冇料到一樣都是沒有味道！醬油無味！我唔明白點解醬油都可以淡味如此！菜類選擇少！印象中有油麥菜、豆腐、黑木耳、粉絲、芋頭、白蘿蔔、烏冬、麵餅！熟食還可以，咖哩飯、痳婆頭腐ok ! 不過主要來係打邊爐，不是食碟頭飯！可一不可再！

今天放假無食lunch 經開香港仔所以試下新嘢。 本來諗住食牛角嘅但係行行下見到呢間野新開張 所以試下囉。 揀咗個和牛最貴嘅放題咁一係唔食一係就食豪d. 啲和牛大大塊真係幾正 再加埋和牛呢個餐呢有埋啲蝦蜆同埋鮑魚任食。 我一個麻甩佬食咗7,8碟和牛,六,七隻鮑魚. 飽到頂唔順 再加埋啲即沖奶茶機d 奶茶 整體感覺都唔錯 性價比都ok。 下次試下佢平啲嗰個放題先 因為400蚊對於我呢啲窮L嚟講都覺得好貴. 同埋揀下晝嚟食因為可以再平啲。哈哈