影片
以上資料只供參考, 請與餐廳確認詳情
招牌菜
此店令到我覺得深刻印象, 真係估唔到d食物咁有水準, 特別佢地既招牌菜玫瑰花燻雞真係一流. 佢地有d套餐我地就叫左個2人套餐試下, 原本想試佢地既蝦子柚皮, 但個餐又無這個菜, 最後都係選左個有燻雞既餐好過. 餐包, 燻雞半隻, 鵝肝醬炒芥蘭, 芥末牛柳粒, 2個白飯 2個例湯..十分抵食都係收$208 成晚最欣賞真係個燻雞陣陣既煙燻味好香, 另外個牛柳粒都係用料上等唔會好似出面d咁煮到d牛柳好老好un, 個菜聽個名好怪, 點知2者配合都好特別唔錯, 都幾有fusion菜既影子. 例湯都絕不馬虎, 老火靚湯真材實料真係似自己係家煲既味道..這一餐真係十分抵食. 環境就比較細坐位亦唔算好舒服, 不過此店d食物真係令我十分欣賞.
繼續閱讀
本來今日滿心歡喜, 因為上網睇呢間既雞好似唔錯,仲有少少期待咁去試一間新餐廳。去到叫左一個$188二人餐,價錢都唔算貴,包湯,兩個餸,兩個飯,同一個菜同糖水。落左單冇耐一個阿姐就行埋黎話冇哂雞,得番乳鴿,問我地轉唔轉…一心黎試個雞點知賣哂…本身有少少想走,但係都係算..下次再試囉…咁就轉乳鴿。過左一陣,黎左個排骨,唔記得叫咩名,個味酸酸地,冇咩特別。但係遲遲都未上個湯,要一再追問之下先上,但係樓面唔見得有幾忙…而個湯更係淡而無味,好難飲…過左一陣,個白菜仔都上埋,到差唔多食完,個乳鴿都未到,再催一催單啦,個阿姐話炸緊…咁唯有等啦… ,足足等左四十五分鐘,再問多一次得未…(因為另一枱遲過我地落,但係個乳鴿都到左) 跟住個侍應先同我地講漏左單,問我地轉唔轉其他野食…一肚氣之下,當係散叫,賣單走人。真係唔明今時今日咁既服務態度點解仲生存到…
繼續閱讀
得贈卷兩張所以去康怡睇戲, 散場已是七點半, 在沒有準備今晚食乜送的情況下, 於是到商場內看看水牌, 而清一式是大路連鎖食店唯有退而求其次到筲x 灣一帶覓食途中經過尚膳坊, 剛有客人埋單走人, 於是自動波攝位 選了$188二人餐 坐下約五分鐘, 熱茶放下 過了約十分鐘, 看見其他食客有湯飲, 於是忍唔住催單 催完單都唔係即刻上, 仲要等 粉葛鯪魚煲豬展湯: 下火靚湯, 火喉唔錯又夠熱, 滿意。 隨之而來是上湯娃娃菜: 零味精的代價就是淡某某上湯和娃娃菜的結合, 就算加入蒜子味道也提不起來, 反而娃娃菜不會太腍, 也免強收貨吧。 等了又等, 白飯也凍了, 忍不住再催單, 換來是阿姐冷面地說: 廚房出緊野啦,有就會 上枱 … … 喂 … 答左等於無答, 真係比佢吹到啤一聲~ 接著兩味菜同時間上枱(和娃娃菜相距時間, 差不多廿分鐘) 另一位醒目阿姐更為我們換過了米香迫人的熱飯, 條氣都順返。 玫瑰煙燻新鮮雞: 果然係此店名物, 肉富彈性之餘亦幼嫩無渣, 而煙燻味道輕輕滲入雞內,反觀玫瑰露味道不是太凸出 (我喜歡酒香, 希望重口味一點) 絕對令人讚不絕口, 是高水準的出品。 蘿白牛腩煲 : 以熱騰騰的沙窩上枱, 載著以柱侯醬炆起的牛腩和長條形蘿蔔,牛腩夾著牛跟位, 夠腍之餘也不失咬口, 而且膠原十足, 食完應該會靚左。 反而蘿蔔唔夠入味有點失色。 飯未吃完, 預早通知可以上糖水,糖水是水還水; 豆還豆的紅豆沙, 接受唔到囉! 總結: 此店的食物質素是令人讚賞的, 但奈何被服務態度,上菜速度等拖垮了 整餐的水準。
繼續閱讀
慶祝朋友生日去左尚膳坊食晚飯，叫左古法牛展一般啦無乜特別牛展仲咸左D添，五味骨怪怪地好似咖哩但又酸酸地炸粉好厚唔掂、蝦子柚皮OK啦、金沙脆豆腐炸粉厚到好似用塊薯片包住豆腐咁，菊花魚可能D魚唔係咁新鮮勁腥腥到唔想食，薑汁芥蘭一般啦，維一好味既只有寶鴨穿蓮(京蘇鴨)。
繼續閱讀
This restuarant is getting worse and worse. In the Mid 2010, the food quality and service quality were both excellent good. Therefore, the restaurant was always full with customers during the lunch. However, really don't know the reason behind, starting from Sept 2010, the food quality is getting worse and worse. Today, I ordered a set lunch "Tofu Fish and Rice". It only has 2 pieces of fishes, even it is refused to change to another one even after complaint.....and the worst is that the cashier said that "the price for the set lunch is only $29!". I know it is in very attractive price, but I believe if the restaurant boss does not satisfy with the price, he can increase the price instead of continuing to lower the food quality. In short, highly recommend not to try the set lunch there!!
繼續閱讀