影片
營業時間
今日營業
06:30 - 21:00
星期一至日
06:30 - 21:00
以上資料只供參考, 請與餐廳確認詳情
大埔呢間麵包店外面睇冇特別但睇真啲🔍👀有賣緊幾樣開心果甜品！✧ 開心果脆脆筒 ($18)Sorry to say呢個cannoli樣子甜美味道麻麻個酥皮好粉又好重奶味面頭啲icing都幾重手中間忌廉雖然有開心果味但微酸✧ 開心果酥 ($17)不禁拎享樂同款嚟比整體顏色比較沉啲深色啲Mit開之後開心果spread較少由望落嘅顏色估得出唔係好食到開心果香反而似烘到有燶味…最後發現中間竟然有啲好似蓮蓉咁嘅餡雖然佢平享樂幾蚊但幾乎有半嚿係唔想食(⑉꒦ິ^꒦ິ⑉)另外仲有新出嘅開心果巴斯克（$80）同埋聽聞有時有開心果卷蛋有冇試過嘅朋友話俾本豬知好唔好食呀？
繼續閱讀
💕芋泥生乳💜厚麻糬卷蛋🍰 一條6️⃣件唔洗$80平到癲 😱 芋泥控必食無悔！🐭 米奇老豬Vol. 470 🐷［煒成麵飽餅店 ］早幾日出左個煒成開心果合集大家都紛紛DM我問我有咩其他推薦除左最愛嘅開心果千層卷同布甸包之外今次介紹呢個都係老豬嘅Top 3 Pick❣️雖然唔洗排隊唔洗搶 不過貨量唔多因為根據觀察 好似要中午後先有 🤔但傍晚又可能會賣曬老豬三顧茅廬先買到 🥹.🐖🐖《芋泥麻糬卷蛋》🐖🐖🛑8.9/10🛑 💰$78💰拎起係超垂手 勁有份量 🏋🏽一條大概可以厚切5件/薄切6件卷蛋蛋糕體似係戚風 濕潤綿密中間嘅麻糬好厚身又拉絲 🦷而且同忌廉、蛋糕融為一體隔日食都仲係咁煙韌軟糯！面頭嘅芋頭味生乳好輕盈 偏重奶味夾心嘅芋泥忌廉順滑 👅但又保留左芋頭粒粒嘅口感天然甜味啱啱好 唔係假香芋 芋頭控表示超級滿足 💜如果可以加小小100%芋泥可能會更驚豔🤭老豬同芋泥控&非芋泥控嘅朋友們分享佢地都大讚好正🥳而且呢個價錢、呢個份量性價比簡直爆燈 💡.❣️🐭總評分🐷❣️味道：8.9/10服務：N/A環境：N/ACP值：✴️ 中高✴️ ENCORE：✅ （絕對！）.自費️⭕/試食.📍煒成麵包餅店📍大埔同秀坊11號地舖.#米奇老豬_大埔區#米奇老豬_麻糬#米奇老豬_蛋糕#煒成麵飽餅店 #香港麵包 #香港蛋糕 #大埔美食 #大埔墟美食 #太和美食 #卷蛋 #芋泥 #芋泥控 #芋泥蛋糕 #芋泥麻糬 #芋頭控 #芋頭蛋糕 #麻糬 #麻薯蛋糕 #麻糬蛋糕 #芋頭麻糬 #生乳捲 #芋圓 #開心果 #煙韌控 #蛋糕關注組 #布甸包 #hkbakery #hkigbakery #tarocake #mochicake
繼續閱讀
煒成面包店絕對係大埔面包🍞小店既良心。 款式多，味道好，價錢平，夠創新👍 佢哋唔同面包既出爐時間都唔一樣，好多都係數量有限，賣完就冇晒。想提下大家，經過行過唔好錯過，記住入去小店睇下有咩款式岩食就好買 ~~~~~~~~~~~~食物介紹~~~~~~~~~~~~ 🤩開心果酥 ($17 HKD) 今次食既係佢哋整既開心果酥，面包體係丹麥酥，有好香牛油味。面包上面有好多開心果碎，多到係一路食會一路跌。面包每層入面搽滿開心果奶酥，而且都仲有夾住開心果碎，但又唔會太甜呢點幾值得讚架
繼續閱讀
傳說中嘅布甸法包 😛 竟然俾我睇到 緊係即刻買左先🤘🏿🤘🏿 $22 比嘉多嘅大 返到去即刻再氣炸返五分鐘😍叮一聲 即刻拎出嚟 勁香 甜甜嘅氣味🥰🥰🥰我一刀切 個包好脆 個蛋心係半流心🫣一入口 個蛋係比較甜 甜過嘉多👀鍾意食甜嘅應該好鍾意❤️
繼續閱讀
係附近食完午餐經過 唸住買麵包做早餐 見有剛出爐的叉燒酥，我未食過所以就買左一兩件來試來試下， 回家叮返熱食真係好好味好鬆脆。點知又比我見到之前勁多人排長龍買 的布甸麵包 ，大陸未開關前呢間店長期都勁多人排隊買，通關口好似少咗人排隊買定係咁岩我平日來買所以比我輕輕鬆鬆唔使排就買到好好味既布甸麵包！回家我無叮返熱食，反而雪凍食，雪凍的布甸麵包原來都好好食！
繼續閱讀
您可能會有興趣的...