榆林棧點心專門店 (非門市) 查看

小店雖然座位唔多，但係都算坐得舒服，環境乾淨，所有點心都係即叫即整，非常新鮮！燒賣皮薄，仲有啲黑松露係面，透出蝦肉顏色，入口不如一般魚肉煙韌結實，反而食得有點爽脆口感，味道有甘香的豬油味，食落黑松露同蝦肉味道夠鮮甜！另外仲叫咗，芝士春卷，薄薄的春捲皮，包著蝦肉，一口咬著脆卜卜十分香口嘅春卷外皮，配上甜酸汁，真的好正！而炸雲吞同甜酸汁的配合，真是絕配，不論係口感同味道上，都一定係最佳的配搭，即刻叫多碟食！ 繼續閱讀

住在同一區，經常去買點心，每一次都有水準。 小店經營，人手不多，但是每一位都好勤力工作。 食材亦都有水準， 比一般連鎖店好得多。 還有價錢實惠，每位茶錢只是5元。 剛看到有人畀負評， 真係唔明仲想點。 繼續閱讀

是日中午突然想吃點心！ 跟住就喺公司附近搵吓有咩點心餐廳，係OpenRice睇到依家食點心的，係呢個食飯時間竟然一個人都冇，都感覺有點奇怪，不過見佢出邊啲餐牌好似好吸引，咁就本着試一試嘅心態去，餐牌都有幾款特色的新派點心，懷着興奮的心情，想吃點心的心情，迅速咁樣畫咗幾個點心，見到佢牆上面寫住即叫即做，相當期待！等咗大概15分鐘點心一次過上枱結果就是失望的旅程開始牛柏葉竟然係完全冇味！ ！白烚一樣！從來冇食過咁沒有味道的牛柏葉！跟住就試吓鳳爪，鳳爪係最穩陣嘅點心，佢竟然可以做到難食？ ！佢點做到㗎 ？ ！怪味鳳爪？ ！跟住試吓包鮑汁鳳爪啦，說好的鮑汁呢由於太肚餓關係，不停地尋找可以放入口的點心，跟住試吓腸粉原來豬腸粉已經係最好食的不過不失正常味道！嗰啲新派煙肉芝士春卷很普通！芥末春卷只是芥末味，同鯪魚球好唔夾！勁失望的一餐點心永遠不會去！市場是聰明的！人們的胃口是聰明的！很現實的一個問題你唔好食真的沒有人去食！難怪午餐竟然一個人都沒有最搞笑係點左黑魚子燒賣，上枱嘅竟然係另一樣嘢，問侍應，侍應理所當然地說是的黑魚子賣晒，心諗你賣晒唔同我講聲？夾硬攞另一隻燒賣上枱算數，咁樣對客人的嗎？難怪食物不好吃服務態度更加不好？感覺當客人是一種水上的魚哈哈哈 繼續閱讀

所有點心都係全人手製作，即叫即蒸落單後要等十零分鐘，新鮮熱辣全日免加一，只收茶錢$5/位，價錢相宜個人覺得佢地嘅煎炸點心特別出色😛-👍🏻一口脆皮椒鹽豆腐 $48果然係招牌菜！即叫即炸，外皮炸得酥脆香口裏面嘅豆腐好嫩滑，入口完全係外脆內軟🤤椒鹽調味唔會太鹹，恰到好處，推薦👍🏻！-👍🏻日式木魚煎釀茄子 $30茄子軟腍吸汁大大嚿，魚肉釀得好厚身，一啲都唔手軟面頭灑上木魚碎，味道都幾夾，真係多咗份日式嘅感覺🤣-👍🏻黑魚籽燒賣 $31/4隻推薦！豬肉爽口有彈性，豬肉味好香混咗啲肥豬肉，咬落濕潤有油香😛面頭鋪上蝦仁同黑魚籽，蝦仁彈牙鮮甜燒賣皮薄，無蒸到腍哂甩皮，size都幾大粒不過整體調味鹹咗少少-👍🏻蜆蚧鯪魚球 $26估唔到$26有6粒仲要咁大粒，好抵食🤪！即炸，上枱時脹卜卜，係影相攤凍咗所以縮咗size外皮煙韌，口感彈牙，冇碎骨鯪魚球混咗芫荽而製，鯪魚味唔算好出，但唔腥蜆蚧鹹鮮又帶有薑嘅辛辣味，仲有好多粒蜆仔-👍🏻甘筍鹹水角 $22甘筍外型嘅鹹水角，口感外脆內軟超正內餡雖然唔算好飽滿，但係鹹香十足，蝦米味好香，好好食😙-👍🏻濃芝士煙肉春卷 $25春卷皮超級薄脆，係咬落會啲碎會彈到周圍都係個隻🤣煙肉同芝士嘅鹹香平均，比較少見呢種春卷餡，幾特別完全唔使點醬都夠味，又唔會好油膩-👍🏻脆脆野菌腸 $28另一款特別點心，腸粉皮薄身滑溜，包住脆脆同雜菌好似炸兩咁，但口感更加酥脆，中間嘅雜菌又帶點爽口整體調味比較清淡唔太重，會跟埋豉油😎-👌🏻鮑汁鳳爪 $30/5隻鳳爪炆得入味，軟骨係爽口嗰種，但個人比較鍾意炆得再腍啲鮑汁質地稠身黏口，聞落好香五香味但略嫌偏鹹，味道有啲似滷水汁-👍🏻炸鮮奶係全日套餐中可以揀嘅點心，無得散嗌好似春卷嘅外型，即叫即炸，金黃香脆咬開時外殼仲keep到包實鮮奶唔會散開哂裏面嘅鮮奶好軟嫩，好似豆腐咁，甜而不膩😌-👌🏻椰汁黃金糕另一款全日套餐嘅甜點口感煙煙韌韌，有淡淡椰汁味，甜度適中大塊但略嫌太薄切，寧願面積細啲但厚身會更有口感一定要趁熱食，黃金糕凍咗會差好遠-味道：8/10性價比：8/10-📍#榆林棧點心專門店 北角英皇道177-191A號利都樓地下D號舖 繼續閱讀

人數：2個（女）日期：5月中時間：9:15天氣：少熱全日套餐有A,B,C餐 ，今次試左個C餐。飯類二選一；湯類三選一；點心五選二 1 - 籠仔金銀蒜海蝦飯：荷葉蒸飯，飯粒分明。但蝦只有兩隻半～蒜味有點重手2 - 金銀菜蜜棗白肺湯：都濃味不是加水再加水個種3 - 黑魚籽燒賣：大大粒，好大粒蝦肉係入面，黑魚籽卜卜脆，幾正👍🏻4 - 原隻鮮蝦腸：又係蝦（因為有人愛吃蝦）但都幾大粒蝦喎，皮滑帶煙韌，厚度尚可整體評分：中上 🍤🍤🍤沙律：調味適中，三文魚油充足主食：點心類值得一試，飯類勝在大份一定夠飽服務：態度不錯環境：morden中式設計清潔：滿意 繼續閱讀