影片
營業時間
星期一至五
12:00 - 23:00
星期六至日
11:30 - 23:00
公眾假期
11:30 - 23:00
以上資料只供參考, 請與餐廳確認詳情
招牌菜
食評 (74)
今日約左同事係九龍灣食飯，因為我想食日本菜既關係，所以同事介紹黎呢家店吃晚餐~三文魚刺生都好新鮮，而且又厚又大塊，真係食得好滿足蟹籽沙律都係大大碟，而且好多蟹籽呀，真係好足料囉@@牛油帶子啲帶子食落覺得唔夠新鮮，因為冇咩鮮甜味，反而作為伴菜既粟米更好食燒餅屬一般貨色本人其實唔好食蠔，不過同事不斷叫我食就試左件，其實都可以入口，因為冇腥味，而且件蠔外面炸到好脆，所以好易入口。天婦羅一般，冇咩特別燒牛舌嘩！一上碟真係嚇死我，因為佢係好似只將條牛舌切開左一半咁上，而且比人感覺好似未清潔乾淨咁，都係要我同事幫我用刀切成條狀先敢食，但味道其實唔差總括黎講食物質素都係平平無奇，應該唔會再食多次~
繼續閱讀
服務態度真係差到痺！話說每次食完之後留番張單下次光顧就免加一啦咁今日再次幫襯去到之後並將上次張單拎出來放在檯上出示點知個收銀埋單時話我地冇出聲「連累」到佢要改單，仲要係手寫嘅鬼死咁惡，好似欠佢全家咁改隻字啫，駛唔駛咁惡！仲要係度鬧客間舖午市已經冇人幫襯啦以為有寶咩！
繼續閱讀
此店於淘大迄立多年, 小妹多年前只食過一次LUNCH, 但已毫無印象, 今次就試下食晚飯~蕃茄濃湯肥牛烏冬: 碗很大, 感覺很KING SIZE, 但實則份量正常。蕃茄湯不夠濃, 但味道OK, 手打烏冬夠滑但不夠彈牙。鐵板牛肉: 端上枱時香氣撲鼻, 份量也很多, 牛肉味道偏淡, 加上醬汁會好吃一點炸蝦餅: 一般, 醬汁好味什錦魚生飯: 這個魚生飯裡面有很多薑, 平常魚生飯都唔會有咁多薑亦都唔係放呢種薑, 感覺好詭異! 白飯偏酸, 魚生粒也不夠鮮。此店裝修簡單, 比較親民, 食物水準算不上出色, 但倘算有誠意, 價錢合理, 服務也不錯, 難怪咁多年仍可以嚮淘大站得住腳
繼續閱讀
今日同肥妹仔晏晝行開淘大,於是就周圍搵下有乜好食啦,行下行下就行到鉃匠呢邊!!其實呢間餐廳之前都食過好幾次!!味道真係唔錯, 尤其係佢午餐呢個拉麵!!餐前小食, 份量雖然少左D,但比起其他日式餐廳都算好架呢!!呢個拉麵不得不介紹!!蕃茄湯底味道極濃!!又有鮮蕃茄, 絕對唔係齋罐頭湯,+埋D粟米, 肥牛真係好好味呢!!極之配合, 比起某間大型連鎖拉麵烏東店!!仲要好味!!不過要講句老實話, 佢款式唔太多選擇!!而且其他小食, 或者食物品質的確好參差,尤其係食炸物, 真係會成口油呢...
繼續閱讀
相約朋友晚飯，朋友在附近上學，附近一帶食店都幾乎吃過了，因為門面看來好像是貴價餐店，一直没吃過這一間，但今天細看餐牌發現不算貴，加上正在做優惠(當天是魚生飯八折)，所以今天就決定這一間了!我們八點多進去，可能過了繁忙時間吧? 餐廳一半滿也没有，侍應供應的數目明顯比需求多，所以要加水就有水、要餐具就有餐具了因為眼闊肚窄，我和朋友兩個人決定share三種食物：三文魚飯、鐵板牛肉、芝士年糕首先來的是牛肉，侍應端過來的時候已經嗅到很香了! 它還配一個醬汁，不點的話只是一片普通的牛肉，點着吃美味得多了!雜錦魚生飯，魚生粒普普通通，吃下去並没有很新鮮的感覺。魚生飯相比其他地方的來說，有很多薑呢，喜不喜歡因人而異吧，我並不特別喜歡吃薑，但這個倒是令我有清新的感覺真的孤陋寡聞呢，原來芝士年糕是這個樣子的，本來想像是中式炒年糕加芝士的樣子這個第一下吃下去很軟綿綿，有幸福的感覺呢，外皮口感很像咸水角，但芝士味不算太重，淡淡的也不錯 最後結帳一人五十多元，整體也算不錯，滿足的一晚!
繼續閱讀