UCC Cafe City 21 (已搬遷) 新店位置

以前經過見到人地食d意粉好似幾好. 所以試下.星期五晚七點半唔洗等位. 坐位ok. 但檯同檯距離好少.見到原來係UCC 集團的. 因為上次食過尖咀UCC Cafe 好難食. 所以有D驚.兩個人都叫左個焗意粉. 跟餐沙拉同餐飲.餐沙拉: 細碟. 有生菜同粟米. 清清地o甘. 好日式. 麻麻地好食.焗海鮮羅絲粉: 餐牌上係推介的. 夠熱. 算幾多料. d蝦幾大隻. 味道幾好但有邊好似有少少隆味. 唔夠多芝士,要自己加芝士粉, 亦焗得唔夠耐. 不過我lum日式都係o甘..另外加左個咖啡jelly甜品. D咖啡jelly超苦. 唔知係甘(因為佢係跟好大pat甜cream 同花奶的) 定係搞錯左. 見到隔離檯食湯意粉同好似多士甘既野. 個湯意粉好大兜, 話個多士好食wor...服務還可以. 唔夠人serve. 但都算幾好禮貌.總結係: 唔會專登黎食. 但唔想等位又想求其食D野. 可以考慮下呢間.

尋晚７點幾去Sogo買聖誕禮物, 經過UCC, 見無咩人排隊, 於是同老公入去歇吓兼醫肚.佢D意粉其實唔算貴, 60蚊左右有一碟, 加20蚊仲有沙律同飲品, 講真pizza hut 都係咁上下價錢.我幫老公點咗個蕃茄湯海鮮意粉, 而我就要咗個豆奶湯菠菜三文魚意粉, 兩個都跟餐.沙律就無咩驚喜, 一般ge蔬菜沙律, 但個意粉就好得, 份量好大, 意粉軟硬度適中, 最讚係個湯好好味, 雖然係豆奶湯, 但一D都唔覺得"Lau", 而且夠熱, 食完意粉連個湯都要飲埋. 我老公嗰個都唔錯, 海鮮好多, 有蝦, 青口同帶子, 我飲咗少少湯, 酸咗少少, 但整體都唔錯.餐茶我要咗杯咖啡, 都係鐘意日本咖啡多於巴西咖啡, 無咁濃, 而且有少少hazal nut ge味道.但我老公話佢杯凍奶茶就唔係幾得, 無咩茶味, 似飲奶多過飲茶.下次會再去試吓佢D焗意粉.

我一向都好鍾意食肉醬意粉,而UCC既出品我最鍾意,耐唔耐一定要去食下.但用最近兩次去食既時候,唔知係自己既口味轉左定係佢地既煮法唔同左,總之係冇以前咁好食,但又講唔出有什麼唔同...真係令人費解!好想食翻之前既質素

一出地鐵站竟然落雨，即刻走入去sogo避一避。見肚仔有d餓，便去UCC食個晚餐嘆杯咖啡。叫咗個炭燒鰻魚什菇意粉跟白汁，加二十蚊仲多個沙律及餐飲，要咗個凍咖啡，UCC既咖啡唔使講，係幾好飲既，飲完之後即時醒一醒神。而白汁鰻魚意粉亦都好食，白汁稠濃，我鐘意白汁夠多，炭燒鰻魚加入甜甜既鰻魚汁，再配埋什菇及意粉食，正！好好彩，走出Sogo時已經冇落雨，唔使特登買把遮用。

好記得以前食ＵＣＣ既雪芳蛋糕又大件又厚ｃｒｅａｍ！但最近我去食完，發覺愈黎愈細份，仲要切得好核突！唉！以前邊係咁嫁！不過加多杯招牌咖啡都總算係個好配搭既～～希望我下次黎食會見到以前既雪芳蛋糕啦～～

23-8-07 (四) 午餐叫了木瓜雞扒(配蒜蓉多士)和炭燒鰻魚什菇意粉(白汁)。雞扒和木瓜是沒有關係的，不過都幾清新。意粉都不錯，不過白汁可以不用這麼多。這裏生意太好，所以侍應們經常都忙不過來，服務當然沒有崇光其他的餐廳好。餐茶又要另加錢，食物選擇不多，只是趕時間才會考慮來這裏。

打完邊爐又去行下sogo,口乾乾不如坐低飲杯coffee,味道唔錯,用ge應該係「全脂奶」,叫左一個「火雞肉salad,生菜同雞肉再加醬汁幾好味,另一個忘記了甚麼紅豆跟雪糕,不太甜,確實唔錯!至於那個「蒜茸麵包條」,又脆又可口!這個晚上幾happy~

Went to this cafe since the one on the 2nd floor is already closed. Luckily they still serve my beloved chiffon cake (Actually, I couldn't find this chiffon cake in other UCC cafes - just wonder why). Anyway, the chiffon cake here is still good, very spongy and moist. Simply irresistible!!!

午餐係餐牌上意粉價,加沙律同野飲係意粉價加$18沙律係薯蓉粟米沙律,一個雪糕球咁,好味!白汁海鮮湯意粉-$54, 海鮮夠新鮮,白汁湯好好味,分量好足,飲埋D湯會頂住極飽.另叫一客蒜蓉多士,係用法國面包焗,八塊$25, 都唔錯!餐飲叫左咖啡,一貫味道無問題.午晚餐都好多人排隊架! 近入口位置開揚,如果唔鍾意比人睇住食野,可等較入位置有位先入去坐. 雖然佢大多係四人,但兩個人都可以坐,仲唔會叫其他人搭呢!下次要去食個好高既蛋糕.

黎Sogo UCC 一定要食帶子鮮蝦湯闊,作他選,番茄湯帶住帶子同蝦既鮮味,每次都連湯都飲埋,一家三口,次次各自一碗,一定唔肯share,銅鑼灣咁多美食,這條"漏網之魚",你都唔好錯過呀!

好多次經過呢間cafe都冇入去,一來覺得佢就係個球拍counter隔離,無遮無檔,係呢到食o野感覺好古怪. 但係友人話lunch趕,要揀間就腳gae... His call.要吸煙位,先知原來埋面有十幾個卡位. 似番間餐廳. o野食都係一班o既日式西餐. 有一小客和風沙律醬o既沙律,估唔到幾好味,幾醒胃. 兩個叫o左白汁雞肉意粉同白汁蜆肉闊麵. 雞肉係細細件煎過o既.賣相可以. 闊麵麵身略淋,唔係太得. 餐後o既熱/凍咖啡就幾好.加埋一差唔多$80一個lunch,係銅鑼灣應該可以有其他選擇.