NINETYs (形點 I)

營業中

休息中

這家餐廳食物非常精緻，會以不少食用花來點綴，顏色多彩有層次✨✨✨當天吃餐廳的下午茶餐點，很多豐富的蔬食選擇👍🏻餐點睇落小巧精緻，但種類很多，食落份量不少！很喜歡吃他們家的自選沙律🥗羽衣甘藍好新鮮😍這間餐廳樓底很高，玻璃窗很大對外風景，視野很廣，坐窗位打卡有自然光最靚！

同朋友係形點一行行下覺得有啲肚餓，於是見到呢間裝修都裝修得幾靚，於是決定入去食！一入到去，店員得兩個，可以見唔到我地所以我地主動行埋去同佢地講兩位，於是安排我地入座！Menu就唔多野食，可能因為新開？？我同朋友一人叫左一個主食。1. Bibim Naengmyeon 韓國冷烏冬$238:個烏冬整體嚟講係幾好食，但個份量真係好細份，食完都覺得唔係好飽，但個湯底幾好食，個肉就肉質麻麻地，但整體嚟講我接受2.Siu Wan Rice燒魂飯$198:成個飯個汁好香好夠食，個叉燒好好好好食，諗唔到個cafe會竟然咁好食，仲要係整中式野整得咁好食，出色整體嚟講我都會再去幫襯，因為個燒魂飯個叉燒真係好出色！推薦指數：9/10🔥

啱啱去咗一間餐廳食晚飯，服務啱啱好，睇下佢哋菜單嘅「遠近馳名叉燒漢堡」，點完又忍唔住多加咗豬肋骨同巴馬火腿，一口咬落去，肋骨嘅肉質啖啖肉，咸香又夠味，巴馬火腿嘅鹹香更係提提味，再加上日本蘭王蛋嘅蛋味層次豐富，個叉燒漢堡食落又滋味又得意。「波士頓龍蝦意大利飯」嗰道，真係賣相滿分👍🏻，龍蝦肉爽口得滯，意大利飯粒粒分明，蘑菇同煙三文魚既搭檔又係一絕，煙燻味淡淡嘅，同龍蝦嘅鮮味好夾！總括來講，呢個地方食物係真心不錯🔥，份量夠，味道正。下次同三五知己又或者約埋家人一齊去，感受下舌尖上既美味行程，應該會成為一次難忘嘅飯局🍴。

嚟到這家餐廳，一入門就覺得環境幽雅，坐底開始今次嘅美食之旅。首先，我點咗個波士頓龍蝦意大利飯，一上檯將龍蝦一剖開，夠曬震撼啫！每一啖咬落去，龍蝦嘅鮮味同絲絲芝士嘅香濃，夾埋意粉嘅彈牙，真係融合得好好。有無搞錯，洋薏米加cream cheese，仲可以咁搭㗎！😍再點嘅燴澳洲和牛面頰真係一絕！半生半熟嘅牛面頰，軟滑到不得了，食落有種說不出嘅滿足感。底下嘅松露薯蓉每一啖都有松露香，同牛肉汁結合到無得輸。最後，叉燒飯真係一個大挑戰。叉燒肥瘦適中，但比起其他兩款菜，就稍微遜色少少。可能係因為我太期待咁滑口叉燒，但呢個叉燒味道不夠突出，再加埋飯唔夠熱，就覺得佢缺了啲火候，打了少少折扣。總結，這次食物體驗，和牛面頰同意大利飯都係咁好吃，下次一定會再嚟！👌趁著折扣，快啲同三五知己嚟呢度享受啦！🍽️🥂

理想：大家去OpenRice 睇相，佢唔俾我post cap 圖現實中呢杯latte $55蚊，見到嗰刻都呆左似係初學者學緊既作品，味道都係好一般，完全講唔上好飲不如去飲McCafé , 連個花都攪成咁，又唔睇得又唔飲得，收呢個價錢，失敗左都仲好意思拎出黎serve 客OpenRice 要200字先俾到overall comment，想俾個差評佢，標題提示大家同埋商家，希望您地改善下出餐質素，同咖啡師培訓，如果美觀上係兼顧唔到，索性用紙杯加個蓋，等啲客睇唔到好過。

完全唔明點解間野會咁多好評😂冇記錯星期一至五 晚飯18:00後 主餐牌係50%off叉燒飯原價198蚊 叉燒又燶又乾又冇味 諗住豉油撈飯啦 但啲汁又係冇味燉牛臉頰 已經唔記得左幾錢 啲牛肉慘過食即食牛肉乾😂 又乾又硬 仲話係燉😂 講都冇人信個叉燒漢堡包 中間塊菠蘿燒到又燶又苦塊叉燒係大塊 但又係冇味 個包唯一接受到既只係得塊麵包😂CLS成餐得個喇沙意粉有啲味😅 但都唔係好食 份量又少 4個人半價後都食左500幾蚊🤪 想像唔到原價1000蚊食完會係咩感受😂

💬經常性要到元朗出沒，所以食嘅地方都要找找不同。呢一間咖啡店☕️雖然分店都有好幾間，今次都係第一次坐喺度用餐。環境算係寧靜，燈光昏暗，比較有格調☕️———————————————————————————🥢黯然銷魂飯🍚💬膽粗粗試咗個推薦嘅叉燒飯，坦白講都幾貴，係大碗，配珍珠米，叉燒係有炭烤香，厚切口感不錯，中間附有溫泉蛋，可以多人分享👌🏿.🍰檸檬撻🍋、蘋果批🍎💬蛋糕都幾出色，檸檬撻幾脆口同新鮮感覺；蘋果批啖啖厚肉，都係幾滿意👌🏿.☕️Piccolo, Cappuccino, Flat White💬咖啡可以揀豆，大家都喜歡Nutty啲嘅口味，感覺幾順滑同濃郁，可以滿足整個下午☕️

今日好開心同屋企人去咗元朗西鐵站附近嘅一間餐廳食飯，估唔到呢一間餐廳質素好高，好好食，所以一定要介紹比元朗嘅朋友呀，位置於西鐵站附近，行一至3分鐘，就會到，我方便好容易搵呀，而且呢一間餐廳食物水平好高，同埋餐廳氣氛好寧靜，足夠嘅光線，裝修好有格調，啱晒一大班朋友嚟食飯啊，呢度嘅餐廳侍應嘅服務都好好，笑容好親切，好殷勤，主動服務，有賓至如歸的感覺，呢個真係好加分啊，而且呢度嘅食物，一定要試吓佢哋嘅銷魂飯，佢哋嘅醬汁呀調得好好，全部肉汁鮮嫩，先，即叫即整，擺盤都好靚，配料都好好，喺出面試過都食唔到咁有心思嘅飯，睇得出個廚師好有水準，的食物要求都好高，而且佢哋嘅嘢飲朱古力都好飲，全部都係甜度適中，有大杯，真係好完美

與朋友帶同一個3個月都不足既bb去食，見餐廳都沒太多客人，得對門口既兩張枱有客人。我同朋友要求同BB車坐到餐廳最入位置，唔會打攪到其他人，之後一個男職員上前三次禁止我同連同BB車進入，講話你唔收BB車就唔可以入。叫我哋抱住Bb…原因係因為阻住佢哋上菜，🥲其實當時餐廳入面真係冇人。我哋都要求坐到餐廳最入角落頭位置唔會有人出入，既然餐廳職員都有佢嘅態度，都不歡迎嬰兒和媽媽。所以我哋不歡而散去咗其他餐廳食。🙏🏻🙏🏻敬請行動不便，需要推輪椅，有毛孩嘅寵物車同媽咪連同BB車，都請小心選擇

Ninety位於元朗Yoho mall一期的餐廳。坐西鐵到元朗站便能到達Yoho mall, 好方便。👍今次我叫左燒魂飯，(即係叉燒飯)。之前上網睇過相，覺得賣相好吸引，所以今次想試吓。飯個醬汁好味。配上流心蛋黃一齊食，絕對係好正！叉燒係半肥瘦，都好味。不過我略嫌個叉燒唔係好有叉燒味。晤知係咪俾個醬汁覆蓋左。同埋唔個飯唔夠熱。不過整體上都係好味。價錢方面其實都偏貴，要差不多二百蚊一個叉燒飯。講真，食完覺得唔係好值呢個價錢。Ninety喺香港有幾間分店。元朗yoho呢一間唔係好大。店內環境舒服。自己一個飲杯咖啡chill下☕️都係好好嘅選擇👍

公眾假期下晝兩點幾，我一個人先到等朋友。這店有好多單人座位甚至吧枱位，但我反正等朋友，情願稍等一下二人枱。兩點幾未食晏，好肚餓，叫了個 Australian BIG Breakfast。嘩，真係好大份！我最喜歡他們用茄汁意米代替茄汁豆，用厚煙肉扒代替薄脆煙肉片，還有用羽衣甘藍代替一般普通沙律菜。松露滑蛋下選用了酸種包，另外還有一隻太陽蛋。仲布蕃茄和薯仔，好豐富，好好味。跟餐的餐飲竟然可以選擇 Dirty，正合我朋友的心水。我反而想試試他們的手沖咖啡，選了 Ethiopia Yirgacheffe 咖啡豆，咖啡師沖得好好，均勻純厚，不會太酸，沒有澀味，喜歡！總體員工服務好好，坐得舒服，食物同咖啡都有水準。值得再嚟！

📍NINETYs (形點) (元朗)元朗元龍街9號形點1期1樓1025號舖健康得黎又唔單調指數：❤️❤️❤️❤️-Rice 4 Sides: Sakura ShrimpSalty Egg Yolk Bonston LobsterCrab MeatGranola Greek YogurtStrawberry Avocado Salad-Piggy Piggy-Crab Benedict-Triple Chocolate Cookie-Red Velvet Cookie-RED BEAN MUFFIN-EARL GREY BAGEL-Chocolate Cinnamon Toast好食指數：❤️❤️❤️❤️呢間NINETYs有幾間分店，一直見有好多好評，今次經過見到，就試試佢啦！格局上同普通連鎖咖啡店差唔多，但食物一送上，小編我真係即刻雙眼發光，擺盤五顏六色相當吸引！雖然性價比唔算高，但真心好食😋

呢間朋友介紹 食物又靚又好影🤩 食物味道層次口感都非常豐富好味 而且有啲味道&醬料感覺很新鮮 元朗能夠有呢種水準嘅餐廳 作為元朗人真心覺得幸福😋 餐廳樓底高 而且有落地玻璃 透光度非常好 有bar 枱 有高枱 可以按自己喜好決定坐咩位👍🏻食物價錢雖然唔算得上好平 但廚師嘅細心 食物嘅精緻度 再加上食物質素成正比 絕對值呢個價錢 係絕對會encore & 掛住嘅餐廳🙌🏻

都是嗰種行中高檔的西餐廳，在yoho 同另一間叫one & a half 的路線近似，lunch 做的set是由三至五款的自選食物，加一個飯或麵包，其中可選的食物中很多都是要額外加錢，約每款加$58。不包飲品。如果二人食要似樣少少又有杯靚靚咖啡飲的話每人閒閒地要💲350至💲400以上，是每人，不是二人。食物質素可接受，但我最想講是要加錢的不一定好吃，叉燒好柴！牛臉肉切到好似餵省咁碎，其他食物都不是什麼高檔的食材，都是蛋，菜，紫薯，乳酪等等。食物講完，最想講是服務，有量度便只說是完全冇驚喜。以這個收費，服務是不配合的，枱面的樽沒水了，服務員不叫不換！枱面吃完的碟不收，要催先收，收了後不抺枱！枱面尤如大排檔佈滿食物碎不會抺。這是我剛剛過了的星期日同三個朋友去光顧的經歷。

今日約咗朋友嚟元朗睇戲 於是就睇下yoho附近有咩好食啦 呢間餐廳喺正戲院對面 夠曬方便!我哋7點幾入去 揀左坐高枱 叫咗兩份main course 遠近馳名叉燒漢堡叉燒漢堡嚟到嘅時候真係”嘩”一聲呀!因為成個包都好大舊 而且舊叉燒好似扒咁大塊 而且好厚添!菠蘿亦都好厚 成個漢堡包嘅份量都好足夠 用料足!佢個sourdough burger bun同傳統嘅漢堡包唔同 咬落好似牛角包咁脆脆地 但係落好鬆軟 加埋入面嘅醬汁 成個包嘅味道都好夾 亦好有霸氣!燉和牛面頰肉和牛面頰燉得好淋 食落牛味好出 醬汁唔會蓋過左和牛原本有嘅味道 而且一啲都唔韌!側邊仲有薯蓉伴碟 薯蓉做得好出色 好creamy 再配埋牛肉嘅醬汁 真係好驚喜!整體嚟講呢度環境都好有格調 而且坐得舒服其實佢仲有好多款主打嘅咖啡 不過我唔敢夜晚飲咖啡 驚訓唔著!下次嚟元朗都可以再嚟呢間餐廳試下其他菜式!