影片
港鐵尖沙咀/尖東站 N4 出口, 步行約2分鐘
繼續閱讀
電話號碼
37955266
營業時間
今日營業
11:00 - 02:00
星期一至日
11:00 - 02:00
以上資料只供參考, 請與餐廳確認詳情
食家推介
轉轉雞卷今日去食嘅時候，已經差唔多收舖，所以淨係試到佢嘅雞肉，羊肉已經賣晒。老闆係外國人都叫有啲風情，所以佢整出嚟嘅轉轉雞卷，都有啲外國嘅味道。首先佢個皮又唔會好乾，另外加夠足夠嘅醬汁落雞肉度，臨尾食完成手都係醬，雞來講肉質都比較滑，唔會太乾，所以都幾推薦。轉轉雞配飯由於佢賣晒羊肉，所以叫多個飯都唯有叫雞肉，雞肉都係同轉轉雞卷一樣，肉質紅色，唔乾身，加埋佢有三個醬汁，分別係蒜蓉醬，薄荷醬同辣椒醬。個人建議就係蒜蓉醬溝辣椒醬一齊食，咁先最好食。羊肉雞肉拼盤呢個係最貴，但係最唔推介嘅一個拼盤。初頭叫嘅時候諗住有啲羊肉食吓，點知嚟到全部肉都好鞋，同好乾。啲醬都救佢哋唔到，羊肉就比較臊，我個人就食得到嘅，不過加埋柴皮肉就爭啲。環境佢開喺K11對面，地理位置都算唔錯。佢起身，不過佢通常都係坐吧枱，隔離有間鋪仔有三個位左右。亦都冇冷氣，夏天去就爭少少。但係勝在有南亞風情，職員都好好人，好熱情招待，呢個價錢算係咁啦。
繼續閱讀
我住尖沙咀附近都有兩間Kebab 餐廳，試過都麻麻哋，有一日行去K11見到呢一間，心態係不妨一試，叫咗一個chicken roll，同一個lamb roll, 味道唔錯，塊皮仲熱。比起之前我食嗰兩間仲要平，地方又乾淨企理，服務仲好好，雖然只係嗌咗兩個rolls, 但係負責收銀嗰個員工or老細都特登走出嚟問我哋味道如何，讚！我後面張枱個顧客問有咩飲品，佢哋答完之後，仲話唔介意佢哋帶其他嘢飲入。Nice!我臨走嘅時候，同佢講 ‘I will be back’! 😁
繼續閱讀
🔸️ Kebab Bistro 🌍 土耳其菜📍尖沙咀麼地道16號半島大廈地下2號舖做完運動，想快手搵野食，上網見到近近地，又想食下啲肉，補充蛋白質。岩岩去到門口，以為得take away，轉角位原來有位座，睇落簡陋，本身想走人，但附近無野好食，唯有試下。好在試左，發現左間好野😋🗨️ 土耳其烤雞肉串 $70女店員好nice,佢話係配飯同沙律。座左一陣，比左碗湯我，佢話係送既。湯就唔岩口味，當係濕下口。主菜一黎到，我勁開心，因為擺得勁靚，亦都無期望過甘大串，仲好香架，一定好食！係即叫即燒，啲雞醃得味道岩岩好，非常juicy . 上面個燒椒先正，一流，大愛。必定會再來🥰🗨️ 土耳其烤羊肉串 $98試完雞，再黎就試羊。兩位店員都唔同左，擔心味道唔同。我order既時候都再問係咪有沙律同薯條，佢話無跟，只有串燒。甘諗住食番雞啦，佢都係話無跟其他配料，再講左一輪，佢最後肯做比我，不過擔心再下一次又唔同。羊黎到失望少少，但感覺都好食既。羊肉醃得咸左啲，唔重羊so味，係我鍾意既羊味，薯條一般。注意，中東野佢地既羊係唔重so味，所以我先選擇試埋羊，要so味請食番中式野🙃今次無送湯，不過唔岩飲就算啦。另外，都算幾常食中東野既我，串燒一般會配埋沙律+飯/薯條，可能店員見menu張圖無就話無呱。同埋會免叫doner(轉轉肉）一般太乾身，唔夠juicy ,唔係我個type, 不過呢間味道唔錯，下次再試埋先。補充，兩次店員都好友善，會再黎～
繼續閱讀
係歐洲旅行食得最多就係KEBAB, 係香港都比較少食, 今日係尖沙咀做完野就順便買外賣番屋企食!呢間KEBAB小店係K11隔黎, 門口好光猛好容易就見到!見到燒雞做特價, $99 一大隻, 店員會幫我再re-heat, 再斬件, 一路整都聞到好香!另外叫左1份雞肉kebab, 同埋芒果乳酪~雞肉kebab都幾大卷, 1個女仔食晒都幾飽下, 雞肉好多, 好滑, 又唔太咸, 我鐘意佢個汁唔會好漏, 好fresh!燒雞好大隻, 雞肉一樣咁滑, 而且好多香料既味道, 好香!!芒果乳酪係我既必叫! 因為好開胃好好味, 酸酸甜甜好似食緊雪糕咁, 真係停唔到口架!
繼續閱讀
今日去咗尖沙咀參加完seminar諗緊晚餐食咩好嘅時候，剛好經過K11 附近嘅麼地道發現新開咗間土耳其餐廳，反正未諗到食咩就不如試下新野啦😆雖然小店店面唔大但勝在食物種類選擇都唔少，重點係店長超好客又親切仲會主動介紹必食之選👍🏻👍🏻小妹最後揀咗轉轉燒羊肉卷加轉轉燒雞肉飯，同埋店長推薦嘅土耳其宮廷第一甜點Baklava 食土耳其菜又點可以唔食kebab ，雖然一個Lamb doner kebab 要$88 都唔算平但係佢完全係足料好重手，卡巴卷包住大量沙律菜🥗紫洋蔥同蕃茄等，主角轉轉羊肉片塞滿整個卡巴卷，羊肉燒完後有少少脆身好軟稔，有羊膻味但唔算過份，建議可以配上辣辣地嘅沙律醬一齊食更加滋味😋另一款叫咗轉轉雞肉配飯，份量絕不手軟，滿滿一盒鋪滿哂燒雞肉絲完全睇唔到下層嘅飯，仲有埋沙律🥗咁豐富都係$68，性價比高。最後仲試埋飯後甜品Baklava，甜品控就一定要試下，層層酥皮唔係脆身反而係塗滿蜜糖，中間仲包裹住堅果碎，而味道就係偏甜嘅🍯🍯
繼續閱讀