影片
每次經過呢間專賣Scone嘅舖頭都好想試吓, 好似好香好吸引咁，咁啱見到有$100/3個嘅優惠，就下定決心買3個返屋企試吓🤣🐻芋泥麻薯 🍯🍯🍯呢個芋泥味比我想像中多，本身驚個味會好淡，都唔錯，中間仲有麻糬，啱晒一眾麻糬控😌🐻培茶麻糬 🍯🍯🍯本身唔係好鍾意食茶味Scone，不過又係見呢一種有麻糬，所以就俾個機會佢，加熱咗之後，伯爵茶味都幾出，味道唔錯，如果係伯爵茶應該都會幾鍾意🐻開心果🍯🍯🍯🍯開心果味係我嘅最想試嘅，要加$5，十分之唔錯，佢配埋嗰個開心果醬好正，好夠味，我加埋落其他scone嗰度都好夾🤣總括而言，係一間可以一試，但我未必會再試嘅舖頭😆總評分：🍯🍯🍯（3/5）
繼續閱讀
Blog 主認識Grandma’s scones，係因為幾年前睇咗一篇佢嘅報道，而將佢默默記在心上。Grandma’s scone係有一位好後生嘅藍大女廚主理，佢話係英國，每一個家庭，都會有自己嫲嫲流傳落黎既英式鬆餅食譜。而佢就將傳統英式鬆餅加以改良，做出一種屬於Grandma’s scone嘅，外脆內軟嘅鬆餅食譜。平時佢哋嘅主打，已經講緊有10幾款創新嘅口味。今年適逢中秋，佢哋又再推出中秋節限定味道，將中式西式黎個Crossover❤️。⭐️開心果奶黃鬆餅開心果味平時都有嘅，但今次就加咗奶黃，算係三款入邊比較西化嘅。開心果味好突出，內裏餡料口感濃得黎滑，面頭仲有啲nuts，好香堅果味，如果喜歡開心果嘅朋友，應該會覺得呢款好驚喜。⭐️奶黃鹹蛋黃鬆餅⭐️白蓮蓉鹹蛋黃鬆餅呢兩款都有一陣好香嘅鹹蛋黃味，將傳統味道加入英式鬆餅，襯返中秋節嘅主題，既傳統又創新。入面都保留返成隻鹹蛋黃，好應節👍🏻。能夠係英式鬆餅入邊，加入中式傳統口味，都算好特別，好impressive。其實講真，三款都好食，外皮脆但又唔硬，內軟而且濕潤。Blog主帶左個返公司叮黎食，叮完之後，嗰陣香味逗留左係pantry好耐🤭，個個都問叮啲咩咁香😂。
繼續閱讀
上網成日見呢間，不過網購通常要買好多，買一兩個就唔會囉。咁岩今日經過荃灣廣場間餐廳，見個logo同包裝咁熟面口，睇真啲原來真係平時上網見到呢間，就即刻買左個。點知，店員拎俾我既時候，話返去放焗爐用180度焗幾分鐘（唔記得幾分鐘了）。。。以為即食，點知原來要焗，有點兒。。所以返到屋企打開包裝。。。見到一個黑蚊蚊既石頭！？好硬好重之後放入多士焗爐焗左5-6分鐘聞到香味，憑感覺覺得差不多就拎出來。焗燶左少少🤏🏻但係，一口落去好鬆脆唔會好甜焙茶味剛剛好而且，中間有個白色麻糬，煙煙韌韌同外面口感完全相反，好正。不過我懷疑我焗得唔夠深入，所以入面未算好熱無左軟心既感覺，呢個我下次食會再注意下。無錯，呢件野係會有下次！
繼續閱讀
之前一直Bookmark咗想食嘅Scone🥹終於撞啱時間去幫襯K11樓下嘅Popup Store！價錢各款唔同，亦可選擇$100買三個，揀咗伯爵茶、海鹽焦糖朱古力、抹茶麻糬～無焗返熱嘅情況下帶點濕度亦都鬆化，口感好實在，有少少鬆化嘅曲奇Feel！味道夠濃而唔會好甜，抹茶入面的麻糬都好軟Q😍如果焗返熱，配埋Clotted Cream就更好，不過Clotted Cream就要另外加錢買。⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 7/10服務： 8/10環境： 8/10打卡： 6/10CP值： 6/10推介值：7/10
繼續閱讀
數唔到回購咗幾多次嘅scone shop🥰✨Taro mochi 如常好食，麻糬有拉絲🤤✨Pistachio 新品略嫌開心果味唔太濃，有開心果仁增加口感，另配一包開心果醬淋面，整體都係好食嘅，但定價$45🫣
繼續閱讀