Café 15

營業中

休息中

Cafe15 Lunch Time有3送1優惠, 即刻同班同事去試下我地去到見到餐廳已經差不多滿座, 好在仲有張4人枱 睇下個menu, 可以叫湯或沙律我地都揀左南瓜湯, 係出面buffet枱可以自己refill個南瓜湯真係值得講一講個湯夠creamy, 仲加左香草同黑松露飲落去好香, 我同事仲一次過飲左2碗, 哈哈main course我同同事仔1叫左"紅蝦、軟殼蟹伴扁意粉配自家製有機蕃茄醬"賣相已經好吸引, 個份量都多軟殼蟹大大舊, 意粉汁醬都夠味反而係食食下去到最後會有少少偏鹹不過係可以接受, 我都幾中意食同事仔2叫左"煙三文魚, 紅菜頭, 菲達芝士 & 芝麻菜沙拉"黎到都大大碗既, 但比例真係菜好多, 煙三文魚就可能得4塊左右芝士都同樣地比較少, 同事仔話個沙拉汁都覺有少少偏鹹感覺上冇咁抵食同事仔3就叫左"香烤海爐魚配有機蕃茄、蜆肉沙沙汁"呢碟分量還可以, 有舊大大地既爐魚同埋有薯仔做配菜同事仔話魚質都嫩, 幾好味最後仲有杯餐飲, 好full又滿足環境都坐得舒服如果keep住有3送1價惠, 會再黎幫襯~

餐廳設於酒店內，畢竟是cafe, 不期望五星環境但清靜、乾淨、優雅。食材很好；兩人叫了set lunch ；龍蝦麪$168 和牛扒$218，（仲有85折）頭盆沙律菜，菜很新鮮，龍蝦麪味道很好。牛扒大過我的手掌，而且亦煎得好好，肉質很好多汁，正！最後亦有咖啡或茶。以這個質量，我真係覺得在聖誕節係impossible! 十分推介這間cafe! 可惜一點是星期日休息和不做晚市！

而家正值疫情最嚴峻時期，有時出街食飯都好似做錯啲咩咁，啲餐廳又好慘。今日約左朋友整少少嘢，咁喺第二個平台預約衣間餐廳有5折，咁就相約左喺衣度傾喇。地點真係比較隔涉，如果地鐵沿線的朋友我係好少會諗喺衣度食。去到得2枱客，真係好寧靜，唔多人。員工遞上menu,都有幾款食物揀，眼見半價後價錢亦吸引。我叫了烤美國穀飼豬，燒帶子牛肝菌意大利飯，朋友則叫了水牛城雞burger 啲嘢食都好快來到，賣相唔錯，豬好軟，帶子都煎得剛剛好，而意大利飯，我自己覺得無咩牛肝菌味，整體好食。而朋友嘅水牛城雞burger,我試左少少雞，雞係嫩嘅，但我稍覺得佢個炸粉多了少去，以及可以多少少汁就好喇。lunch 包個餐湯，幾特別係有薏米嘅三文魚湯，味道唔錯，另有餐飲。如果大家想享受一個寧靜又好食嘅午餐，衣度係一個不錯嘅選擇。

於餐廳點了一客無骨海南雞飯千呼萬喚黎左個豉油雞飯俾我我以為佢上錯菜啦問句： 呢個係海南雞飯？侍應： 係！可能我見識小，未食過海南豉油雞仲食到成枱骨添不過下次如果無海南雞，可以先通知聲唔雖要咁驚嚇囉！

星期日最好搵個寧靜處食飯，在網上找到這店，經網上訂枱有85拆，所以一試。在小酒店中的cafe，可能假日，附近十分安靜，走入餐廳，只有一，兩台食客。點了泰式咖哩雞及牛扒，前菜點了湯及沙律，今日餐湯三文魚忌廉，真心一般般，沙律都可以。繼而係主菜，咖哩雞中的雞很大件，是肶肉吧！份量多，而品味十分有層次，除辣味，亦有香茅，椰香及其他香料，層次豐富。每次雞肉都十分滑，不鞋。牛扒只試了小囗，未能有太大評價，但其配菜都十分吸睛及好味。最後送上哈根雪榚，感覺完滿。拆後價錢我覺得貴，但就是值得！

Their steak is really really good for this price range (HKD 188) inclusive of drinks and soup. Place is spacious. Service is good and people are very nice. Location is a bit off but actually only about 15 mins walk from Kowloon Bay station. 10 mins walk from Mega Box.

之前同朋友去過cafe 15 之後，跟著也同其他朋友去了幾次。 今日又再相約朋友去cafe 15，吃個happy lunch 。 我哋喜歡這餐廳menu 會定期更新，令每次聚會大家也有驚喜。 今次更有蘆薈切成小粒加入沙律菜，拌入黑醋橄欖油好健康又美味。 也有美國牛仔骨配黑椒洋蔥汁，牛仔骨肉質嫩滑又帶肉汁，十分惹味。 爐端燒石班魚柳魚塊十分厚身，魚肉味鮮醬汁清淡不油膩。 茴香大蝦咖喱蝦份量多咖喱汁又夠香濃，是我今期推介必食之選。

去開九龍灣工廠區，肚餓唔想行咁遠搵日酒店有下，見到得兩枱客就膽粗粗入去環境幾大幾好有啲畫作睇下個侍應姨姨好好服務介紹呢個時間有乜食，就叫左個tea set~~hea下上層：酒煮香梨：幾好自身梨汁煮唔會好甜意大利芝士餅：可以多啲酒味法式蛋白餅：餡料有啲甜芝士龍蝦tart:鹹香但唔夠脆下層：三重芝士多士：芝士味濃厚三文魚米紙卷：好清新鮮蝦鵝肝多士：好爽焦糖燉蛋：好香雲呢拿味包兩杯飲品，茶水就普通，$198另加一坐返兩個幾鐘性價比高，靚裝修無乜人地方又大其實都幾好坐。無奈其中一枱師奶八婆好鬼嘈⋯⋯

星期日妟食早餐，無食午飯，太太話不如去酒店食tea。她返工附近有間酒店，見近近地就走去試下。酒店環境此終都係優靜D，這間酒店是以駱駝保暖壺為主打。Tea set都是二層架，有甜又有鹹。迷你三文治，迷你達，多士仔和蛋糕仔等等。

今日喺九龍灣開會，見到有間穩世酒店 - 《君立酒店》，一唔留意行過咗都唔知😂見佢有set lunch於是入去試吓，我叫咗白汁煙三文魚帶子意粉，個餐跟沙律，沙律都好新鮮，係用黑醋汁撈，酸酸地幾開胃，意粉d白汁都幾滑好creamy，帶子有2粒，煎得都幾香，不過煙三文魚嘅份量唔係太多，意粉都幾煙韌，整體都算唔錯！

君立酒店餐廳比較新一於放假黎試試佢個下午茶，兩位$198包飲品兩杯另收加一價錢唔算太貴，而且係酒店餐廳。今次去，咁岩撞正2/3-3/3攤位遊戲好多小朋友同爸爸媽媽聽故事同玩遊戲，氣氛好和諧環境舒適乾淨。下午茶Set 方面，煙三文魚生菜卷好清新，好適合小朋友食，大蝦吐司夠脆身, tiramisu就好普通，而焦糖燉蛋好夠滑，但可惜焦糖面太過燶了反而杯熱朱古力幾好飲，可能佢灑左一啲朱古力粉。另外店員嘅服務都非常好，位位都超有禮貌可能人唔多，時不時都會過黎睇下洗唔洗幫你加水。

同朋友行完mega box ，跟朋友由mega box行到 附近君立酒店。 沿途在酒店附近也是甲級商廈，如果唔係朋友帶路，我也不知在九龍灣有這間旺中帶靜酒店。 cafe 15就在酒店內，入口在正門旁邊，也可從酒店內進入。 餐廳set lunch 有中餐或西餐，包湯或沙律及飲品。 我要了爐端燒石班魚柳伴燴野菜，先來香滑濃湯，跟著看見那石班魚柳，未食已令人心心眼，厚厚魚肉塊燒至外層香脆內裏魚肉細嫩香渭，美味佳餚。 set lunch 更可加錢加配甜品，食物美味餐廳坐位舒適，吃著坐著也令人身心放鬆。

要送別親愛的teammate, 緊係要揀間大家都吃得開心大滿足的餐廳。Cafe 15在公司附近，我們之前也光顧了數次。在九龍灣工業區內工作，雖然是所謂的甲級寫字樓，見得下人，可以fine dine 一下的選擇寥寥可數，這間今年新開，位於camlux 的餐廳可謂不二之選。我們一行五人，點了雞胸和大蝦蜆意粉。味道尚可，不過大蝦蜆意粉只見大蝦未見蜆蹤，翻一翻意粉發現有數粒蜆肉深藏不露，略感失望。談談笑笑不經意已經兩點，打算將未喝的檸茶轉外賣杯會公司慢慢喝，可惜等了良久都未有，唯有一飲而盡。餐廳服務速度略慢，人手似乎不足，惟可以提供我最愛的凍檸茶走冰，一讚！

朋友邀請到酒店西餐廳食晚飯，一班朋友聚會，傾下飲下，係酒店的氣氛感覺就最好，靜靜地傾吓計食飯都舒服。酒店餐廳不但環境好，服務好，最緊要就係食物都好好。今次全是好友安排，先食沙律，是黑醋做汁配上紅菜頭，不但清新好味，而且夠晒健康。主菜大蝦意大利粉，隻蝦大隻彈牙又甜，意粉煮得乾身煙靱，味道清，特顯了大蝦味道。最後飲番杯濃濃的咖啡，唔加奶就最香濃。

上次朋友帶我來過這餐廳吃飯，食物味道好餐廳環境又清幽。 今日就到我帶朋友來，享受午餐美好時光。 餐廳就在九龍灣Camlux 洒店內，設計簡約舒適。 酒店前身昰駱駝牌廠房，所以餐廳也放置了一些駱駝牌暖壺作裝飾。餐廳另一邊更定期掛上不同大師畫作或攝影集。餐廳食物十分多元化，由中式海南雞到西式意粉及牛扒，甚至甜品也有供應。餐湯有香濃雜菌味道，好好味。香煎石班魚柳伴意式黑醋牛油汁好厚石班魚柳，煎至魚皮香脆肉嫩滑，口感香滑中帶點質感。已去骨海南雞飯，碗碟擺位上細綴盡花心思，雞肉十分嫩滑。喜愛餐廳甜品，甜度較低更能嚐到蛋糕層次質撼Tiramisu 丶好足料Carrot cake丶Blueberry cheese