Brook's Cafe (已結業)

特別喜歡在利東街逛，經過Brook’s Cafe不下20次，卻重沒想過入內。雖然滿店抹茶，看著綠油油的餐牌很吸引，但又怕失望，沒興趣冒險。直至有天，抹茶癮發作，又去不了Sweets House Cha Cha，唯有在這裡點了杯抹茶浮冰。想自製餐牌上沒有的熱抹茶加軟雪糕，真誠又好客的店員真的為我一試。雖然軟雪糕𣊬即溶掉，店員最後把雪糕和溶了半份雪糕在內的抹茶鮮奶分開上，但他窩心的服務叫我一來再來。為了這杯特濃抹茶，一星期來了這店三次。超濃，夠甘，帶少少粉的嚡口，抹茶粉絲必試。只有幾口，但已夠滿足。乳酪加chia seed，健康的甜品。其他地方，一有奇亞籽，打正健康旗號就開天殺價，這裡的價錢並不嚇人，不用$30。唯一不喜歡它的士多啤梨果醬，是普通的jam，太甜又太假。檸檬抹茶少少奇怪，有抹茶的粉，味道卻像酸梅湯。芝士撻下午茶時間有combo，芝士撻配抹茶或焙茶鮮奶，店員讓我們另選飲品，這裡的人性化別處難以找到。芝士味偏重，焗完後酸酸的，夠滑，又有少少流心，但欠茶香。焙茶比抹茶濃一點，可以接受。沒想到抹茶味完全欠奉，有點失望。雖然雪糕和芝士撻都不合我口味，但絕對會為了特濃抹茶再來。下次再試三

灣仔喜帖街重建後,新派食肆及店舖林立。周末上午到灣仔上跳舞堂後,經過利東街,到地庫的中式茶舍逛逛。品茶及買茶葉後,已是下午2時多,是午餐和下午茶ㄧ起吃的時間,於是到了同在地庫的日式咖啡店。店外的吉祥物頗趣緻。繽紛的圖片和展示的實物都很吸引。明太子蓉玉子粒野菜三文治、胡蔴香拌冷烏冬、脆殼果醬奇亞籽乳酪。金箔藍山手冲咖啡、還有各式各樣焙茶和抹茶飲品、雪糕、芭菲、布丁等,琳瑯满目,最後選了焙茶Latte和熱食。咖啡首先端上,吐司和芝士撻都要等十分鐘,因即點即處理。焙茶拿鐵 ($35)喜歡咖啡豆的香濃卻不愛苦澀,所以咖啡之中,奶味較重的Latteㄧ向較合口味 。以經烘焙過的綠茶冲製的Latte , 少了青鮮味,卻添了温醇感,咖啡味也較突顯。流心蛋芝士吐司 ($26)軟滑的芝士加流心蛋融化了在熱烘烘的吐司上,急不及待放進咀裏!宇治抹茶芝士撻 ($20)撻皮鬆化,綠茶味不算很濃,但和芝士水乳交融,甜度適中而不膩。据咖啡店的網頁資料, 品牌源自已有50年歷史的原宿店,在日本自設廠房,生產咖啡、綠茶及其他飮料。雖然店內外只有幾張高枱和少量座位,剛巧滿座,店員殷勤地從店內拿出備用櫈子協助,臨走時還問食物

我都唔講咁多, 理想同現實分別真係好大三文治個包有啲凍同硬左, 三文治入面得青瓜粒, 蛋粒同少少明太子醬, 同個廣告真係差天共地, 明太子醬又痴哂係個膠袋到, 然後因為啲餡全部都係粒粒, 一路食一路會跌落黎, 份量又少, 再睇番佢張廣告相, 我真係懷疑會唔會觸犯商品說明條例食過咁多灣仔早餐, 呢個都算係第一劣食

與朋友做完運動，打算經由利東街地庫地鐵入口坐地鐵回家，途經一間咖啡店，地方面積不大，只有數張椅桌，但擺設及抹茶產品卻吸引我們，頓時又覺得有點口渴，於是買點飲品再繼續閒聊。我們正在猶豫如何選擇，店員即友善地介紹。我選擇了一杯凍抺茶檸檬雪榚浮冰，而朋友則選擇了熱咖啡，並問店員可否用脫脂奶，店員指還未曾試過以脫脂牛奶冲抺茶咖啡，因為恐怕不會迎合客人的口味，但如果我朋友想嘗試，他亦可以提供，最後朋友亦決定不妨一試。凍抺茶檸檬雪糕口味清新，雪糕幼滑，淡淡的抹茶加上檸檬有香滑口感，值得一試。朋友的脱脂奶抺茶咖啡口感雖然沒有全脂奶幼滑，但朋友是健康食品支持者，所以也覺得不錯的。值得一讚的是店員其後還出來問朋友的新嘗試如何，讓他可作參考及日後推介，這種認真的服務態度讓我們決定下次會再來光顧。

因為較早前友人介紹Brook’s cafe的掛耳咖啡包給我，真係覺得好好飲😍所以與男友前來光顧，但有點兒失望喔～Brook’s cafe在利東街商場地庫的下層，一進商場便可看到細細間的咖啡室當天，我們點選了金箔炭燒手沖咖啡（$48）、特濃咖啡拿鐵（$30）及米造小蛋糕（$18/3件）個人認為，咖啡味道還可以，但小蛋糕真的令我有點失望。假若我再次光顧此店，我只會選購它的招牌掛耳咖啡包，很值得一試的😋

肥髀定期見牙醫覆診，睇完順利做完洗牙，當然要獎佢食雪榚！佢要求食有丸子🍡嘅日式新地！記起呢間有得食！帶佢去到，門面細，店內除櫃臺外，就係放晒茶葉包、即沖咖啡嘅產品！甜品款式好多，落單後堂食嘅店員會攞比我哋！特色日本甜品套餐（$60）抹茶紅豆布甸：細細杯，賣相靚，忌廉軟滑，紅豆球唔太甜好濃味（不過比較實）布甸軟滑，微甘茶味濃！好味！煎茶：玻璃杯好雅緻，好薄又唔辣手！茶🍵好熱幾清，微微苦！解膩一流！金箔宇治抹茶白玉芭菲（$58）賣相同圖片好像，軟雪榚微甘，唔太甜帶濃濃茶味，豐富配料肥髀食晒店員有禮斯文有笑容，而且幾細心，上芭菲時主動比多支匙我哋分享！窩心！抹茶類甜品唔錯！

第一次嚟到brook's cafe滿心歡喜的, 點了抹茶軟雪糕 $38, 金箔真的很少不如唔好畀, 反正金薄是沒有味道 😂。抹茶味是有的， 但可以再濃一點， 味道偏甜， 不太滿足。決定畀多次機會， 來一杯朱古力咖啡浮冰 $43， 咖啡軟雪糕加上 mocha, Mocha 的朱古力味被咖啡 遮蓋， 咖啡微甘。 上面的咖啡軟雪糕， 都是偏甜， 好在下面嘅 Mocha 是冇糖， 兩樣夾係食肆蠻配的。另外點了一份米粉製的糕點， 軟熟得嚟有口感😃， 但是說不出它的特別之處。總括來說兩款軟雪糕都是偏甜😂， 食完有種滑滑的口感😅， 雖然自己偏好抹茶，但感覺 brook's cafe的咖啡比 抹茶出色 。飢point : 5/10#hungermarch #非飢詩 #飢詩

個人都幾喜歡灣仔利東街，大部分食店消費較高，但硬係覺得特別啲，唔係周圍有分店嗰隻。週日過海遊，下午茶時間黎到利東街係為左黎呢間鋪頭食雪糕，因為見大部分評語幾正面，所以我都記低左。來自日本嘅Brook's其實都開左一段時間，但唔算話好熱門，可能係位置問題。cafe喺地庫嗰層，面積唔大，話就話係cafe，其實只係近門口有三張高枱高櫈，加上近商場入口，有唔少人出出入入，唔會坐得特別舒服。品牌喺日本自家生產咖啡、綠茶，香港店亦供應布甸、雪糕、手沖咖啡、煎茶、沙冰等，定價合理。店內亦有售茶包、抹茶粉、茶杓等金箔宇治抹茶白玉芭菲 $58呢款除有有抹茶味，亦供應咖啡味，配料有少少唔同，雖然價錢唔特別平，但都幾墜手，杯面貼有招牌「咖啡衛門こひえもん」logo。抹茶軟雪糕加上白玉、紅豆、抹茶cappuccino、忌廉、脆米、粟米片、抹茶寒天及自家製嘅抹茶蛋糕豆，層次感肯定豐富。雪糕滑溜但溶點頗低，抹茶味相當濃郁，帶微微甘澀，而甜度較低，比較鮮見，頗有水準中間嘅忌廉層細滑唔膩，配料中我比較喜歡抹茶寒天凍。白玉、紅豆中規中矩未見特別。脆脆係同灣仔kafulin相似，有種漏氣感，配合抹茶平衡甘味。面頭一粒10

食完一餐精緻嘅巴西日本fusion 菜後，發現甜品款式較少，所以決定轉場試新野passion大家都試過，突然想起， 每經過利東街地庫都會見到一個很大日本武士公仔在嘆咖啡，很嘆喎！已經很想試，不過總是沖沖忙忙，緣慳一試我今次終於試到啦！舖面裝修簡單，很少日本feel，只有紅白燈籠，一邊有高枱高櫈，另一邊是兩排架，上層放滿了咖啡豆，下層放滿了綠茶餐牌簡單清晰，圖文並茂因為接近晚上9點半，職員話last order 啦！所以我地立即點了咖啡金箔同綠茶金箔軟雪糕雪糕妹妹手勢熟練，不需一分鐘已弄好，並在雪糕上灑上咖啡粉/綠茶粉每筒都大大筒、軟雪糕多， 配上食用金箔，平價中顯矜貴， 咖啡軟雪糕咖啡味濃，再配上咖啡粉，咖啡味更濃不過綠茶軟雪糕，綠茶味偏淡，幸好有綠茶粉彌補還有金箔大細， 真的靠運氣，我地買3枝雪糕筒，一個片金箔極大塊，另外兩筒要很用心才找到哈哈！下次新年大家再來食，看看誰可以有大片金箔當測運氣都好喎

係利東街地庫~~同同事食完lunch有時間行落去望下，見到呢間食抹茶又有芭菲，決定買個試下我食抹茶芭菲抹茶雪糕個抹茶味好濃，又有紅豆蓉，一齊食絕配，中間就有趣趣同cream，底底就真正抹茶同抹茶果凍友人食咖啡芭菲佢就係將我個杯既抹茶味全部轉做濃濃咖啡味兩個都好好食

到灣仔走一走，走到這地下商場來。好特別，商店不多，都是小店。雖然現在人流很少，但現在興建隧道到地鐵站，將來應該很旺場。行到這食店，見到限定Cold Brew Coffee，便買了一杯品嚐。之前在中環試過Ice Drip Coffee （不同的食店），感覺很好。這次試Cold Brew，感覺大不同。Cold Brew 口感比較濃厚，味重，可能加點奶會好一點。 Ice Drip看表面會淡如水，味也淡，但咖啡強度高得很。當然，兩者的分別可能是出於不同咖啡豆所致，亦會因個人喜好影響。在這一刻，還是Ice Drip略勝一籌。但試這兩種咖啡前，最好先食一點東西，因齋啡好傷胃啊！

今日午餐平平地食完雲吞麵，再戰甜品。利東街重建後，大大小小餐廳已試過，唯獨地下街的一間小小cafe末幫襯過。Brooks品牌咖啡在日本留學時己飲過無數次，品質不錯。但原來有雪糕甜品，不防一試吧！抹茶雪糕，抺茶蛋糕，抹茶.....潮流不退。買了抺茶甜筒，顏色比一般較深，初嚐一口帶有苦澀，濃厚的抺茶味道。但慢慢食下去又略兼過甜，有點膩。脆筒非常新鮮，香脆鬆化，整體中上，始終是咖啡專賣店，雪糕甜品只是次要吧！

金箔宇治抺茶軟雪糕甜筒：有少少金箔係雪糕頂 食落就冇咩味嘅 抺茶味好濃郁 好creamy金箔宇治抺茶白玉芭菲：都係有少少金箔 最上層有紅豆蓉 抺茶白玉 仲有一小件咖啡豆造型嘅蛋糕仔 呢個反而覺得有少少乾😅中間有忌廉 脆米 粟米片 溝埋雪糕食好好味 又有咬口最欣賞個底有抺茶啫喱 好好味 清新嘅感覺

附近食完晚飯，行咗去利東街個地下商場逛逛見到間買抹茶甜品同茶，仲有咖啡店抹茶迷見到未試過ge抹茶雪糕，梗係要食啦！宇治抹茶軟雪糕 $38雪糕面灑咗d抹茶粉，有淡淡抹茶香味食落口抹茶味極濃，比銅鑼灣 V 字頭抹茶甜品店ge 抹茶雪糕更濃抹茶味，濃到有少少苦澀味如果你係鍾意勁濃抹茶味ge, 你個o岩你， 但我比較鍾意 V 字頭 o個款， 但佢o係賣抹茶甜點店裡面，呢款抹茶雪糕屬於中上級數不過$38 ，價錢都係屬於中高價因為晚餐食到好飽，試唔到其他，下次有機會再試

利東街自從開張以來，不斷有新食肆，而且愈來愈吸引！今次就試了這間來自日本cafe的抹茶紅豆布甸。價錢雖然不便宜，但味道和服務一流，職員很有心機解釋店內的產品。而且買抹茶布甸的話，還可以以半價（$9）來買三塊蛋糕仔，有抹茶及咖啡味，也是十分美味的！日本抹茶控一定不要錯過！