Anchor’s Seafood and Beer House (已結業) 查看

生日當日去到呢度食嘢，雖然地方比較偏遠，但係嘢食水平都唔錯，而且有靚景睇，當晚嘅凍盤海鮮都係非常之好食，我特別鍾意食長腳蟹，而且有好多甜品類型可以選擇，價錢飲咗杯白酒，整體水平非常好

缺點：餐廳位置偏遠，要開車去才會方便； 自助餐食物款式少優點：環境清幽，夜景更一流，可以近距離欣賞丁九橋青馬大橋的景色； 食物有質素，味道好，特別是生蠔，鮮味可口，任吃任取；雪糕是哈根達斯，正！

6周年慶祝，雖然交通唔太方便，但主要食物質素都中上👍🏻👍🏻生蠔新鮮，有2款，但唔清楚黎自邊個國家龍蝦有蝦籽，有少許咸味其他冷盤都可以👌🏻👌🏻雖然冇影相，但仍推介黑松露薯蓉👍🏻👍🏻

因為有折扣優惠，價錢平，所以去試試。第一次係而間酒店食自助餐，我地渣車入去，唔難搵，好彩係平日，所以有免費車位泊車，泊車步驟就唔講啦，講下環境，食物質素，員工質素。我地個日去唔多人，野食唔洗排隊，但食物質素就有代改善啦，味道一般，食物選擇唔算多，但都算好快加食物上去，員工執枱都算快手，客人講唔該，佢地都好有禮貌回應，而點唔錯，我好滿意，蠔其實唔錯，有二款選擇，但得一個員工工作，所以洗得唔好，重有殻，啲蟹唔係麵包蟹，所以唔好食，冇長腳蟹，所以海鮮唔多選擇，等四款，其他熱食都不錯，蠔吧隔離有個熱食，可以選擇花膠粥，但個粥一啲都冇味，成碗白粥一樣，就算加了配料都冇味，而點要減分，沙拉有樣好，就係有一大舊芝士比你自己加，而個不錯，我諗成晚最好食既係自助班戟加自助Movenpick雪糕。大家可以考慮下去唔去而間酒店食自助餐啦。最後要提一提，因為外面景色都算靚，都有幾張枱可以坐既，但當日我出去影相就見有幾位內地客，張佢地對腳方上枱，令到我唔想出去睇景影相。

能給我一個滿足的晚餐，服務方面亦非常好，服務員很有禮貌，生蠔方面牛肉亦非常值得一試，環境很好，面向無敵海景，人流不算多，可以到這裡浪漫一下，算是一個不錯的選擇。性價比高。

是日慶祝家人生日，環境舒適不會太多人，食物美味，服務ok，但魚生一般，生蠔ok，長腳蟹&蝦甜美，牛肉ok，熟食ok，沙律ok但可惜冇火箭菜，雪糕係movenpick正

今日有特別日子要慶祝， 所以諗住搵一間有質素嘅餐廳。 聽到啲人喎嘢食好好味， 仲有海景添，所以想試一試。環境好特別， 喺牆上好多有好多唔同嘅畫， 而且風平浪靜， 值得一讚。

一天內吃了午餐和晚餐的自助,對比下,晚餐自助是多很多美食,味道都很好,有質素不錯的龍蝦、即開生，不錯的熟食。海景、環境很舒適。唯一真是交通稍為不便，會令九龍的客人卻步。

雖然呢道嘅食物全部都食過，但每一樣嘢都比以前食過嘅更高質。地方雖然唔大，但好有氣氛，而且一望出去就係個海。服務員好勤快，空嘅碟好快就收走。出面嘅食物空左都好快補返。

原來諗住10號風球果日食，但係大風大雨冇得食最後今日黎食呢到環境清幽，個景唔錯雖然食物選擇唔多，但係質素良好同新鮮欣賞呢到有一個兒童遊樂區，可以比小朋友係入面玩

坦白講，俾個景吸引咗嚟呢度食半自助午餐。揀咗個海景位，景色一流，食完仲可以行出去露台欣賞迷人景色。平日食客唔算多，所以入嚟嘅時候職員好忙，我地入到去先搵到職員交排座位，不過服務態度係好好嘅！食物質素唔錯方面，正正常常嘅頭盤例如係沙律、餐湯、麵包。主菜方面，我揀左rib eye同咖哩雞飯。Rib Eye叫咗五成熟，睇落有少少overcook但食落juicy，食落唔鞋。而個咖哩雞飯賣相唔錯，唔辣好有咖哩味。總括嚟講，俾我想像中好嘅。信用卡有85折，抵食！

結婚週年紀念，特別同太太來汀蘭居士食口碑幾好嘅buffet. 呢度環境清靜優美，星期三嚟，人唔算多，可能落雨關係，食物有和牛、黑毛豬、生蠔、海鮮，最欣賞嘅就係炆三文魚及新鮮生蠔！我同太太都好鍾意食生蠔，美國和愛爾蘭嘅生蠔都新鮮，極力推介呢度buffet, 下次會再來！

美食+美景的自助晚餐，有我喜愛的即開生蠔、長腳蟹和四款魚生，非常新鮮味美！還有和牛壽司和黑毛豬火腿，實在超值！坐在落地玻璃窗邊，還可以欣賞荃灣和青衣的夜景，讓我和家人享受了一個滿足的晚上。

今晚要慶祝特別日子，所以諗住搵間有質素啲嘅餐廳。睇到之前啲食評話性價比高，又有海景，食物質素又好，所以就算遠啲都黎試下。1) Poor Service去到門口，無人帶位，之後有個類似經理嘅人面露不悅咁問有無訂位，完全唔想做你生意咁。啲staff制服超級唔整齊，覺得自己去左旺角啲茶記咁。2個人張檯其實好細，每人堆左2-3隻碟都無人收，但其實唔多客，啲staff行黎行去唔知做咩。我張檯對住刺身檔，但師傅長期唔喺度，成晚我只係拎到1碟刺身。2)一間餐廳最重要係食物質素，好食嘅話幾貴都會再去食，但呢間我會強烈建議唔好去。bbq蝦同雞翼燒到又乾又燶。食物種類唔多，就係之前啲食評寫嘅果幾樣，黑松露薯茸(賣相好核突)同生蠔。最好食嘅應該係得movenpick獨立盒裝雪糕。3)環境零特別，似屋企樓下會所擺啲長檯就當係餐廳。所謂嘅海景要係坐到窗邊位先睇到，而得3-4張檯係窗邊位，反而啲buffet tables就沿住窗邊放，浪費左啲靚位。最後用左openrice 75折，折左2個人都要$800，仲要唔飽! 好失望。。。

谷咗成晚氣，忍唔住要寫評語。個個都話性價比高，所以決定同女朋友3年紀念日黎慶祝下。無奈返工關係，要8點半先到餐廳。地方偏僻，shuttle bus半個鐘一班。去到餐廳，冇人招呼，所以直入餐廳搵人幫手。係電話book位時，已經問咗可唔可以比個甜品，寫句Happy 3-years anniversary，得到答復可以，但係一整晚都係度期待佢幾時送上黎，到咗埋單依然冇！食物質素一般，當然我地比較遲去，但係自助餐時間係去到十點，冇理由唔fill野食啊？！見我地遲入座，刺身檔姐姐已經叫定我地9點半好拎定曬野食，生蠔檔就問需唔需要拎多幾隻，比我感覺係我會阻住佢地收工！食完既碟好耐先有人收，完全進入咗收工既狀態。10點收完野食，隨即有吸塵機入餐廳吸塵做清潔，當時還有2-3台客人未走，呢d係咩邏輯，有冇人話我知係咪我問題？！心唸中曬伏，求其食完就走，見到餐廳出面有露天海景位，埋完單出去行下，出面似係公眾地方，但有餐桌比客人飲酒，見到冇特別就返入餐廳準備走，咁岩有個staff同我地差不多時間入去餐廳，唔幫我地拉門我冇乜所謂，但係至少要讓我地行先？呢個係一個客人至上既基本吧？！完全唔知呢間野係咩野構造，求