龍寶酒家

營業中

休息中

深水埗長沙灣飲茶，龍寶應該有些歷史，有二樓有三樓，好多老人家、街坊客。今日係閒日，下午2點都要等位，等咗大概10分鐘就入座，可能係下午茶的原因。腸粉即叫即整，一碟有三種口味，鮮蝦、叉燒、牛肉，正！鮮蝦百花角係整定嘅，唔熱，咬落去先至中咗伏，不要叫。春卷剛剛炸好，好脆，有4小件，唔錯。下午茶其實好抵食，識食就要叫孖寶套餐，廿零蚊有2樣嘢啊，包括蒸飯、燒味飯粉麵、腸粉，飽肚㗎，邊度搵？得閒過這邊，會再嚟嘅

平時飲茶都唔多幫襯呢間，但唸住唔好去死一間，間中轉下，今次去龍寶飲個午茶。佢搭枱位得10張枱，明嘅，唔搭枱收茶錢貴D 但咁大間酒樓2層，得10張搭枱，想等....一個鐘唔知得唔得呢？當然快入，無搭枱入到去，....佢話無枱布 唔夠枱布。唔好以為佢係稻X唔用枱布喎，係唔夠，星期日1點鐘，無枱布。算黎飲茶啫。都唔記得叫左乜，只係記得個米粉得好少米粉。碟碟“精緻”囉。可能你叫特價嘢就係。最差係，仲有個點心，我地痴痴地等，見咁耐唔黎，問侍應，先話原來無晒個款....點解唔駛同人講嘅，唔問咪等到下午茶? 因為叫左双寶，只好求其叫返個點心算。整體食物“精緻”，主要服務“好流”了。

唔淨止我一個話呢間野差！真係唔好幫襯！何想而知真係不知所謂!質素超差！態度超差!唔食好過食!我地落左第一次單，然後上左野食，甘覺得唔夠食咪打算再叫，佢!佢竟然講：拿，唔好再落單啦！嘩 態度衰到咩叫唔好再落單，甘唔想做咪做啦，咪係到阻住晒，唔比人落單叫野食、你開間店做乜？！！ 做得你甘陰公！last order 就聽得多ja 真係第一次聽叫人唔好再落單，叫野食都唔比人叫，真係超級有問題，你間店有寶咩!!! 去食其他店好過啦，何必黎呢到比錢買難受

可能因為臨近新年關係啦，訂台只可以6:30同8:30，所以就Book左8:30團年，成家人有老人家有小朋友既關係8:20先早到少少黎拎位，點知等左好耐都未有位，當我地問幾時有台既時候，reception態度好差咁話執緊最後要搞到成8:40先比張台我地。邊有可能執張台執成廿分鐘，book左都唔可以準時交台咁book黎做乜。仲要我落訂訂套餐真係貼錢賣難受，上菜又慢，都要訂黎做乜野，呢間咁既餐廳真係冇下次。

服務態度差，货不对板，巧立名目的收費，還要收百份之十七的服務費。一家五口開開心心去晚餐。點了幾個菜後叫了一個特價菜，五人可叫燒鵝半隻。來到的是貴妃雞半隻，要求更换後。已口黑面黑，最後來了的半隻燒鵝比平時的燒鴨還細了很多。其他菜色都已貨就價，份量少又不好吃

食物唔差，但係服務態度勁差，撳住嚟搶，一入嚟畀啲花生我，我話唔要，話公司規矩，唔可以唔要，一定要收錢。 冇消費者權利真係撳住嚟搶。 唔係錢嘅問題係 消費者的權利都被剝削。 真係嬲嬲豬。 整到成晚個氣氛都冇，千祈唔好早過六點鐘到食晚飯，因為唔畀入坐檯，要出面等，只六張凳坐著等，多過六個人就要企喺度等入座。

經常去呢間酒樓飲茶,但係晚飯就實在少之又少,對上一次嚟呢度食晚飯已經係4,5年前.最近飲茶見到宣傳單張晚餐小菜好似幾抵食,咁咪約親戚嚟食囉.兩支公叫咗三個餸,兩支啤酒,一碗白飯,302蚊又幾抵嘅,不過食物質素就認真麻麻.優惠嘅菜式有五種但係只可以5揀1,就叫咗1/4隻燒鵝.由落單至到上第一樣從用咗半個鐘,如果食物係熱辣辣嘅都冇乜所謂.我都唔會強求係明爐燒鵝,但係最先上嘅燒鵝竟然係凍嘅,真係令人髮指.凍嘅燒鵝皮就自然唔會脆,亦都理所當然唔會有乜野油香,而且肉鞋颯颯,真係唔知係因為隻鵝本身質素差定係因為凍晒先攞出嚟嘅關係.蠔皇北菇炆水魚煲,其實水魚份量都幾夠.最重要既皮雖然未至於好肥美,但係起碼唔算瘦先啦.但係都係相同問題,未至於好似一開始果碟鵝咁凍,但都係有少少涼嘅.明明如果熱辣辣食嗰層皮既話咬落會好甘香,因為溫度問題又浪費咗一種食材.最後一味餸係香辣茄子生蠔煲,有少量冬菇,極多茄子,幾隻生蠔.所謂嘅生蠔比蠔豉大少少啦,好彩一啲都唔腥,每人都分到大約兩,三隻既.不過香辣就欠奉喇.呢個價位嚟講唔算太差,比較平嘅價錢忠實咁樣反映到比較低嘅質素.但係出面物超所值嘅餐廳何其多,我又洗乜再嚟呢一間

間唔中都會同舅父飲早茶,因為去開嗰間太子嘅酒樓執咗笠,呢半年就改咗去深水埗嘅龍寶酒家.呢度唔算太就腳,搭地鐵嘅話比較近長沙灣站.茶樓有兩層,面積都算大,劃分為搭枱同埋非搭枱區.如果唔太晏去嘅話基本上都唔使等位. 講真,呢度嘅食物質素真係麻麻.嗰日叫咗腸粉,先唔講腸粉本身嘅質素,豉油完全完全冇鹹味,開頭以為只係落得唔夠,但係加到好似洪水氾濫之後都仍然係冇味,終於確定係豉油問題.另外腸粉嘅皮冧到一夾就爛,裏面嘅叉燒同豉油保持一致,都係冇味嘅.蘿蔔糕淨係睇個樣都知道煎得唔夠透,裏面仲有麵粉嘅質感.而且因為煎得唔夠嘅關係,外面仲係油淋淋.最後仲因為唔夠熱而令到口感更差.蓮藕餅嘅獨特之處係冇蓮藕個種爽口嘅感覺,或者因為已經將蓮藕磨成粉啦,但如果連蓮藕嘅味道都冇嘅話就實在太過神乎其技喇.另一個特別之處就係佢係將三塊比較薄嘅"蓮藕餅"疊起當成一塊,即係好似三塊餅乾夾埋一齊咁樣.要好味嘅話點樣整都冇問題,可惜呢碟實在好難叫做蓮藕餅.雞包仔除咗餡料比較少之外都冇乜問題,同棉花雞一樣都做到其他茶樓嘅一般質素.另外仲叫咗鹹菜豬骨粥,都係非常清淡.鳳爪排骨飯既鳳爪淋到入口即溶.以價錢嚟計,呢度嘅點心係比較平既

已經有一段時間無黎龍寶食晚飯，好掛住佢嘅乳鴿同埋翅，梗係即刻過黎食啦，近近地，又唔駛排隊等位。坐低馬上叫隻乳鴿食先乳鴿成隻上，無切開，要自己剪，唔太方便乳鴿皮脆肉嫩不過內臟清得唔太乾淨金銀蛋上湯莧菜上湯浸到啲菜好入味，菜夠嫰，賣相一般，估唔到有驚喜元貝螺頭燉鮑翅，好足料，翅多，湯夠鮮甜，真係想食多碗黑椒牛骨煲，牛肉嫰滑，撈飯食一流豉椒炒蜆蜆肉細粒，不太新鮮，有啲失望整體來說，有進步空間，有部分菜式失準，希望可以保持返水準啦！

$124可以食得幾豐富？平時午餐豪好少少都要100以上⋯龍寶居然推出套餐1488供12位用!每人只需$124咋!加一都唔使你一定會諗劣食啦!事實上又唔差喎！套餐包括⋯有原隻乳豬! 肥瘦適中! 花膠湯仲幾正喎!濃郁冇味增!蒜蓉蒸腩骨!啲粉絲超好味!食到飽飽!仲有熱辣辣壽包!除咗講抵食！同埋好鬼抵食！但如果喜歡食環境氣氛嘅食客就可能唔啱啦!環境係略為嘈左少少！啤酒妹又煩左少少!嚟緊中秋可能再同屋企人黎食多餐仲有12個橙打包返屋企!

一間街坊，平民，老派，平價的酒樓，一間網評負面多的食店，令我在晚餐感到驚喜。是親人建議選此店，以遷就老人家。在星期五下午5:45已頗多人輪候，出乎我所料。樓下和大堂都貼滿很多宣傳海報。我心想只有幾間分店，何需大費周章，但都感覺到酒家圖強的誠意。今晚部份優惠不適用，來捧場的街坊仍不算少。6:00前封場開會，帶位入場都做得嚴謹，一改我在午市看見到「市井」現象。原先不打算寫食評，免有「鱔稿」之嫌，事隔多時，後來漸漸覺得如實評述便可以。當晚自編筵席菜式如下:話梅乳豬是堂剪式，是話梅豬手的概念延伸，創意值分，半隻價格是88元，比其他酒樓便宜20元。全隻是168元。脆卜卜，話梅可去油膩感，並自行用剪，對我來說，是首次，帶來新意。熱葷是雙蠔。酥炸韓國生蠔是比不上美國貨，酥脆但欠鮮味。薑葱生蠔則有鑊氣，惹味得多，全靠汁獻。此店多少屬爆炒店，食此類餸菜，質素較有保障。濃雞湯煲鮑翅賣268元，6個人夠分享，香醇濃香，價格比大集團酒樓便宜。海鮮類正式登場，上湯焗蝦，經濟實惠，高湯汁令中蝦提鮮。蒸老虎斑和炒斑球兩味共198元，亦是比其他酒樓廉價。大家都說炒斑球較好味。早一代人慣食大牌檔風味，成長時嚐到的味道是

母親節去左龍寶食晚飯，因為只有呢間仲有得預約，預約時段係6:15pm / 8:30pm, 而6:15 pm 時段一定要6:30pm 前落單同7:45交枱（唔通佢地要45分鐘執枱？）。5:40pm 去到，服務員話太早，連入去坐都唔俾，結果有好多人塞晒係門口，其實入左去坐左先都應該唔會太阻佢。雖然今日係母親節，但龍寶都仲有做特價海鮮五款小炒set,乳豬全體都只係$218。上菜速度好快，乳豬係新鮮燒出黎，俾把較剪你自己剪黎食，d 皮都幾脆，啖啖肉但唔中食食肥膏既人就唔好order 喇，因為有部份都幾多肥膏。 海鮮小炒略嫌太油同有d 咸，最有驚喜係炒蟹d 粉絲，好入味。飯後甜品係美國蘋果仔，幾甜，又估佢唔到喎。食物唔算超好食，但母親節黎講咁既價錢都可以接受。

上午11時前，食中式早餐大力推介龍寶酒家，鳳爪排骨飯、鹹魚肉片飯、滑雞飯，由上午7時至上午11時正供應，每款$9.8另外還十分喜歡他們有搭枱區及不搭格區，如果你不想跟其他陌生分一張枱的話，可以自成一角， 茶錢方面個人需付多$2龍寶還有有另一個特色，就是當你坐到下午茶時段，即星期一至五兩點正，星期六日或假期一時正，便可享受下午茶特價時段的食物，其他酒樓需要由入座起計算，這一點龍寶比較優惠街坊。龍寶需要上樓梯，但是亦提供輪椅升降機。

長沙灣龍寶酒家，中午飲茶食物及服務都是麻麻地，食質素更是一般，點知晚餐是另一個世界，經理及伙計都好醒目，差足電，不要這麼大差別好嗎！點了薑蔥肉蟹粉絲煲，燒鵝，美極煎焗海中蝦，豉椒炒蜆🌶️五福臨門，頭斑腩，炒老虎斑球。薑蔥蟹粉絲煲估唔到粉絲咁好食下肉亦都非常之正美極煎焗海中蝦，本身我唔識美極做既餸，點知呢個蝦，整得都幾好味，有驚喜，雖然我對呢個䭛改觀左，但抗拒美極不變。豉椒炒蜆中規中矩。老虎斑兩食，我估唔到老虎斑個煮法非常之好食，魚亦都好新鮮，各種小菜以老虎斑兩食最為精彩！！燒鵝，比我想像中更加好食，外皮夠脆肉地夠嫩。

現今要搵一間好食既酒家已經唔容易，又要抵食又大碟簡值是非份之想😌， 不過深水埗呢個地方其實是可以搵到😝，好似東京街有好多間都好好食😋，唯獨今次真是中左六合彩😇，應該是中伏先岩😧。 首先是門口張貼好多特價野都不在話下😍，張相影得好鬼死靚😘， 不過食物同張相可以話強差人意😵， 一睇餐牌要收13%服務費😱真是被佢嚇一跳😩，原來得淡笑😰，服務得好都無所謂， 我知道佢服務得最好是好快收哂我食完個隻碟😲， 叫人來點菜反而是十問九唔認😒， 相我都廢是影，以免我部手機中毒😖，點左個菜叫 <每日生劏老虎班> 兩味， 點知是被人劏到出血😭。 再order左隻1蚊雞，其實都沒咩要求，味道似超級市場或街市貨色。 最攪笑送左兩個沒切的蘋果， 望一望唔敢食😞， 以免食完今晚訓唔著😷。 謝謝收看。 希望唔好肚瀉🙏